Accueil
Envoyer à un ami
Version imprimable
Partager

Sai ch'ellu hè l'estate quandu...



Sai ch'ellu hè l'estate quandu...
A ghjente si sente obligata di mette cappelli "Havana Club" è di beie mojitos per fà a festa.
Toccu sàbbatu sera, ùn sai micca in chì festa di paese ai da andà.
Sai chì à a festa di u 15 agostu, ci serà una cazzuttata.
Tandu i più vechji diceranu : "à a nostra epica, cazzuttate ùn ci n'era micca !" Ma ùn i cridite micca, hè una bugia.
E buatte di notte di Balagna è di Portivechju ricevenu pienu di DJ goffi chè tù ùn cunnosci micca.
D'altronde, Portivechju diventa Portovèk.
U to paese s'empie di croce immatriculate 13 o 44.
À principiu sì cuntentu, face bellu tempu è sì alegru. Ma dopu, ùn ne poi più è sì felice quandu volta settembre.
Ci hè pienu di giurnali "Numéro spécial Keurse".
Di maghju, ti sì messu à fà u sport pè pudè andà à u mare. U peghju, hè chè tù ci ai cridutu.
Ci hè pienu di cuncerti pè i vechji : Julien Clerc, Laurent Voulzy, Mauranne, Earth wind & fire, François Feldman...
Vulie andà à vede un cuncertu di i Chjami Aghjalesi ma ti sì avvistu ch'elli giranu pocu.
Tuttu u mondu si mette à beie un "rosé bien frais". Bah a moda cambierà quist'annu chì vene...
Vai menu nant'à Facebook perchè ai d'altre cose à fà.
Tandu, t'avvedi chè tù passi troppu tempu nant'à Facebook l'inguernu.
Ai mughjatu contr'à un camping-car chì và à vinti à l'ora.
Eppo t'avvedi chì a croce chì vene in camping-car, almenu ùn si cumprerà micca una casa segundaria in Corsica allora diventa u to amicu.
Ùn vai più à fà e to spese à Géant Casino, scimisci cù i turisti chì volenu piglià a to piazza in a fila à e casce.
Ai intesu 300 volti "hè, cette année alors y a personne hein..."
Forse vulerà dì ch'ellu ci vole à scambià di u tuttu turìsimu è u tuttu immobilier...
Stai male perchè ùn ci hè più macci di u Sporting.
Fideghji e facce di quelli chì facenu nece di beie u 51 in Corse-Matin pè magagnà quelli chè tù cunnosci.
Sì cuntentu di vede a to famglia di u cuntinente chì hè di ritornu pè l'estate, ma sì ancu più cuntentu quand'ella si ne và.
Hè u ritornu di e soirées barbeuk, di e merguez, di u rosé in cubi è di l'intussicazione alimentarie.
Bischi perchè l'alemani in short cunnoscenu megliu a Corsica chè tè, ma ùn a dicerai mai.
Ùn fideghji più a televisiò, è ùn ti manca micca.
Ùn vai più à leghje l'articuli di A Piazzetta, è ùn ti manca micca.
Sì nostàlgicu di l'Apo-beach. Tandu sì chì a ghjente sapia amusassi...
Tutti l'anni prevedi di fà pienu di cose appena conne : jet-ski in Sant'Amanza, via ferrata in Urbalacone, quad in l'Agriate, catamaran in Macinaghju, canyoning in u Fiumorbu, beach-volley, beach-soccer, beach-apperitivu... Ancu di grazia, ùn faci nunda di tuttu què.
Ai almenu un amicu chì ùn supporta micca u sole è u mare, è chì ferma biancu biancu tutta l'estate.
U 15 agostu, principia a prucessione di i cacciadori chì vanu à u cignale ma chì ùn chjappanu mai nunda.
Ai cumpratu u quaternu di vacanze di U Zazu. Cumu nò ?

À voi di cuntinuvà...

u 1mu d'Aostu 2012



1.mandatu da O sa u 01/08/2012 10:20
Sapemu chì ghjè l'estate perchè à ghjente collanu in paese ;-)

2.mandatu da Pseudonimu u 01/08/2012 11:32
Ti rendi contu chè tù ùn ai più pruduttu "anti moustique" quandu e zinzale attaccanu

3.mandatu da U Palatinu u 01/08/2012 11:36
Quandu e donne sò vestute più cortu, per u più gran piacere di i nostri ochji.

D'una manera generale, à me, a mio staghjone preferita, hè u vaghjime, ma quessa, a raghjone, mi face tene caru l'estate dinù.

4.mandatu da Ghjiseppu u 01/08/2012 11:41
Quandu omu si rende contu chì ghjè quantunque megliu u fretu è sopratuttu u calmu di l'inguernu...

5.mandatu da Ceccu u 01/08/2012 11:47
Quandu cume tutti l'anni, un animu ti dice "l'an prochain je passe le permis bateau" ch'ellu ùn passerà mai

6.mandatu da u miumese u 01/08/2012 12:29
Quandu un turistu s'era resu contu ch'ellu ci vulia à piglià à diritta è micca à manca, è ch'ellu ti hà tagliatu a strada.

Quandu sì in Macinaghju è chì un turistu ti dumanda induv'è hè "Boniface" (vissutu dà u mo babbu). Esiste ancu "excusez moi, la mer, c'est où ?" à a Porta d'Ampugnani.

7.mandatu da boemiana u 01/08/2012 13:30 (da un teleffuninu)
Quandu,piuttostu che di fà una serata cù l\'amichi, ti tocca à fanne 10 perchèci hè chì hè in paese,chì hè à piscà, chì hè azezu contru à l\'estate....

8.mandatu da boemiana u 01/08/2012 13:33 (da un teleffuninu)
Quandu parlà corsu cù un'amicu,un cummerciante diventa un spetaculu è chì attornu à tè ùn ci hè chè turisti... è si piantanu pè fighjulati..."Hein t'as vu?Ils parlent keurse...".Stonde d'emuzione intensa

9.mandatu da Grossu panzutu u 01/08/2012 14:06
Preghi u signore perch'ella ghjunghji una bella nivaghja!!!

10.mandatu da ANTO u 01/08/2012 14:08
So d'accunsentu quasi in cu tuttu ,ma i macci di ballo un ni mi mancanu micca e vo sempre a leghje l'articuli di a Piazzetta .

11.mandatu da Ruchjettu u 01/08/2012 14:12
Ti si dettu almenu 100 volte "bon be u populu corsu hè mortu"!
"i diasporeux so peghju che i veri pinzuti"
"Tutti sti bal di paesi poca francisata no! Un averanu truvatu che claude francois et emile et image da poi 30 anni"

12.mandatu da Capicursinu rancicu u 01/08/2012 14:27
Quandu i "dock's" sò pieni a tappu ! E quandu Bastia si viota di tutt'i so bastiacci :-)

13.mandatu da Capicursinu rancicu u 01/08/2012 14:35
E +1 rughjettu sai chì ghjè l'estate quand'e tù senti Claude François, Thierry Hazard, France Galle e tuttu què tutt'a staghjone sana !!

14.mandatu da Havanaglub u 01/08/2012 16:46
Mi campu cù U Zazu !

15.mandatu da Buvone u 01/08/2012 19:24
Sta sera So nant' u batellu in Marseille
Vecu à diaspora chi cumencia a fa " i corsi ", hanu casciatu croce, corsica tamenta, ancu u rubellu !!
Dumane seranu à u mezzu pè sti paesi....,

16.mandatu da quassu u 01/08/2012 23:32
Ie o ruchjettu, l'affare di a diaspora per stu pocu un hè ancu finita. A mughjanu pocu che li Corsi, ancu i sordi a sentanu. E po in piu ci so tutti l'altri... Un hè parlemu !
U ghjughjindicciu hè piu forte che mai !
Cummu faranu quelli di l'assemblea in carga di u destinu Corsu ? Cummu faranu a felighjassi ind'u spechju ?!

17.mandatu da Ruchjettu u 02/08/2012 10:26
Cume feranu quelli chi so a u pudere da poi 40 e chi annu fattu i cionchi ceghi quandu u populu briunava ch'ellu era in periculu di morte! A morte d'una personna hè una respunsabilità atroce ma quella d'una cultura e d'un populu... Cumu feranu a guardassi in u spechju quelli chi annu dettu 30 anni fa "le probleme corse ca n'esichte pas!!!"???

18.mandatu da nuit bleue u 02/08/2012 11:09
nant'a pagina di a Piazzetta c'hè una publicita per i prudutti nustrali di qualita "domaine Mavella",l'aghju aperta e aghju vistu che a maior parte di i pruduttore eranu pinsutacci cume quelli chi vo vulete cascia fora.
Elli si pisanu a bon'oru, a elli u travagliu un li faci mica paura, elli un campanu di sicorsi e altre subvenzione,so elli chi hanu da rialsà l'ecunumia di u nostru paese, chi sanu splutà e ricchezze di a nostra terra.
Qual'hè chi po sceglie,qual'ha a leghjitimità per di un tale po campà in de noi un tale no,quande vo pigliate i soldi un fighjate s'elli venenu da un pinzuttu,da un corsu di a diaspora o d'un immigrante.
Quandu sarette rispunsevule e indipendenti puliticamentu e nant'u pianu economicu,tandu vi lasceremu a parola se vo site capacci di campà soli.

19.mandatu da ceccu u 02/08/2012 11:42
Ci hè appena d'esagerazione in cio che tu dici o nuit bleue.

arrestemu di piegnghje è di lagnacci, è femu... cumu dice Paul-Jo Caitucoli in Corse-Matin oghje à prupostu di i Sardi :

« Ils ne revendiquent pas, ils produisent, ils sont. Et ils sont fiers d'être un peuple de bergers »

Ma perchè un sugettu legeru parte in coglia cusi in i cummenti ?

20.mandatu da ucutulesuculuapesu u 02/08/2012 11:46
MISSAGHJU A A PIAZZETTA:

Massi amici m'hanu dettu chi un venenu micca nant'a a piazzetta parchi u situ un parlava chi di a Corsica suprana (pa esempiu di u sporting) e t'hanu in l'idee chi vo site a contr'a l aiaccini!!!!!

FORTI SAREMU SAREMI SE UNITI SEMU

21.mandatu da quassu u 02/08/2012 12:33
Eu o nuit bleu un passu micca e mo ghjurnate a e terrazze di i cafe a fa u cucu , u zapone un mi face micca paura !

22.mandatu da Capicursinu rancicu u 02/08/2012 12:56
O basta ghjè ùn sughjettu macagnosu....

23.mandatu da La france a peur u 02/08/2012 13:29
Sai ch'ellu hè l'estate in Corsica quandu i Corsi sò ancu di più azezi chè l'inguernu

24.mandatu da Capicursinu rancicu u 02/08/2012 14:02
Sai chì ghjè l'estate quandu ùn Vai più nant'a youporn

25.mandatu da 1981 u 02/08/2012 15:46
sai chi ghjè l istati quandu un pigli piu u cayenne di papa pe franca a vizzavona

26.mandatu da Duttor' Caseddu💼 u 02/08/2012 22:51
He a vera staghjoni di i 3 S, in corsu MMS (Mari, M..za o M..chju, Soli)!

27.mandatu da SiteScemi u 03/08/2012 13:41
Oh ! Earth Wind & Fire ùn hè micca pè i vechji !!!

28.mandatu da Jpp u 03/08/2012 15:33
Quandu sò incazzitu di vede tutti sti culi e sti petti quandu vò à u mare.....

29.mandatu da dria u 03/08/2012 22:13
ai raggione o " la france a peur "
Sai chi l'estate he diuntu quande tu rendi comptu chi tutti sti pin'z accupanu u to spaziu pe vive .E po che tu guardi versu u mare e ti dumandi cosa die stu nulu chi si stinza tuttu u longu di l'orizonte ma..........."mon ami c'est la pollution" ...Aio manzai caggati stadevine de voi .....

30.mandatu da Stellaluna u 03/08/2012 22:33
Hè l estate quandu hè lu ci hè pumataghji chì manghjanu in certi lucacci accantu à à strada cù tutti i belli locchi ch'ellu ci hè in
Corsica!!

31.mandatu da Stellaluna u 03/08/2012 22:37
Quand'ellu ci hè ( oh Chì sbagliu)

32.mandatu da La france a peur u 04/08/2012 00:24
Sai ch'ellu hè l'estate quandu ùn faci più a differenza trà certi turisti pinzuti... è certi Corsi.

GLUPS.

33.mandatu da n'u u fondu di a Valle u 04/08/2012 21:48
Sai chi ghje l'estate quand'ella ti triga à esse di sittembre...

34.mandatu da Bastiacciu u 05/08/2012 22:03
Sai chì ghjè l'estate quandu i prezzi nantu géant e l essence collanu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta