Accueil
Envoyer à un ami
Version imprimable
Partager

Salah Abdeslam in Corsica... è altri puttachji più o menu veri

Dunque, sta settimana l'omu u più ricircatu d'Auropa si spassighjava in Audi in Piaghja. L'occasione di vultà nant'à unepochi di puttachji. Ci avemu tutti più o menu cridutu.



Salah Abdeslam hè in Aleria è in Audi

L'omu u più ricircatu d'Auropa in Corsica ? In più di quessa micca in Seat, ma in Audi ?

Hè a voce chì curria dapoi mercuri passatu. U lindumane matina, SMS è missaghji circulavanu nant'à a rete suciale è criscia a psicosa d'un attentatu kamikaze in l'isula. Un ghjornu in più è tuttu ciò chì a Corsica conta di trapanati identitarii eranu pronti à organizà battute è milizie.

Ma in u dopu meziornu, amparavamu in Corse-Matin :

"L'automobiliste, qui avait affirmé l'avoir reconnu à bord d'une voiture immatriculée en Belgique sur la route entre Corte et Aleria, a été interrogé par les gendarmes. Lors de son audition, il aurait déclaré qu'il ne lui était pas possible de reconnaître quelqu'un de nuit et par temps de pluie."

È dop'à un longu apperitivu, hè ancu di più difficiule.
Salah Abdeslam in Corsica... è altri puttachji più o menu veri

Xavier Dupont de Ligonnès si piatta in Bastia

Ma induve si piatta Xavier Dupont de Ligonnès ? U suspettu numeru unu in l'affare di a "tuerie de Nantes" in u 2011 (cinque membri di a listessa famiglia tombi...) ùn hè sempre micca statu trovu.

Un annu dopu, a voce u manda in Bastia, "dans les quartiers nord de la ville" dice Corse-Matin, è ancu à e serate karaoké di u portu di Toga.
Salah Abdeslam in Corsica... è altri puttachji più o menu veri

Tapie hà da imprestà Maradona à u Sporting

À l'estate 89, l'OM è Bernard Tapie volenu fà vene à Diego Maradona in Marseglia. U trasferimentu ùn si ferà mai, ma Bastia si mette à sunnià : per chì Maradona s'abituessi à u campiunatu francese, Tapie u vole imprestà à Bastia per un annu.

Maradona, cù Piotr Rzepka, Philippe Gottardi è Amara Traoré, nant'à i terreni di Gueugnon è di Martigues, cù una maglia "RCI" ? È dì ch'è no avemu mancatu quessa...
Salah Abdeslam in Corsica... è altri puttachji più o menu veri

Kadhafi, Sarkozy è Patrick Sébastien sò Corsi

In a grande lista di "quelli chì in veru, sò Corsi" truvemu à : Muammar Kadhafi (difatti Preziosi di Vezzani), Nicolas Sarkozy saria u figliolu di l'anzianu merre di Neuilly, Achille de Peretti è u babbu di Patrick Sébastien hè un prete corsu.

Almenu d'un test ADN, ùn a saperemu mai.
Salah Abdeslam in Corsica... è altri puttachji più o menu veri


Edmond Simeoni hè un agente di a CIA

Vechju fantasma di a strema diritta francese, di a CFR è di i barbusi, Edmond Simeoni travaglieria di fatti in secretu per l'Americani. Di tantu in tantu, u puttachju torna à sorte.

Paul Giacobbi in quant'à ellu saria raellianu (di quelli di Raël), Camille de Rocca Serra saria un agente di u Mossad, Dumenicu Bucchini di u KGB è Jean-François Baccarelli una spia extraterrestre di una luntana galassia.

Perchè micca ?
Salah Abdeslam in Corsica... è altri puttachji più o menu veri

Jim Morrison hà campatu in Corsica

In a listessa sterpa ch'è u famosu "Elvis Presley hè sempre vivu è a si sciala nant'à un'isula di u Pacificu", esiste dinù u puttachju "Jim Morrison hà campatu in Corsica".

Peccatu, u puttachju ùn dice micca induve è s'ellu hà datu un colpu di manu à Tino Rossi.
Salah Abdeslam in Corsica... è altri puttachji più o menu veri

"Tore Andre Flo est à Poretta"

Estate 1997, u Sporting cerca un attaccante. L'annu nanzu, Bastia hà flambatu in campiunatu (finisce settesimu, à trè punti di u terzu). Ghjoca a cuppa Intertoto, chì purterà u club in UEFA.

Tandu, tuttu hè pussibule per Bastia, ancu di vede cù a maglia turchina u grande attaccante nurvegianu di Chelsea. O guasi. Senza internet nè rete suciale, i puttachji si facenu in i caffè di a cità. È tuttu u mondu hà intesu dì chì qualchissia avia vistu à Tore Andre Flo in Puretta, "de source sûre".

In fine di contu, u Sporting arregistrerà e signature di Nenad Jestrovic è di Jean-Jacques Etamé.
Salah Abdeslam in Corsica... è altri puttachji più o menu veri

Yvan Colonna hè à u Venezuela

Yvan Colonna hà passatu quattru anni à a machja. Durante tuttu stu tempu, a pulizza l'hà circatu in u mondu sanu : à Disneyland, in Africa, à e Caraibe... Una pista di i RG l'hà purtatu à u Venezuela. Cunniscite a fine di a storia.

L'apertura di un Mc Do in Bastia

In Toga, in Furiani, à a piazza di u sinemà "Le Régent" o di l'anziane "Galleries St Roch"... dapoi anni è anni i puttachji anu messu un Mc Do in parechji lochi di Bastia è u so circondu.

Oghje, sempre micca Mc Do, ma u più grande Quick di Francia. Et qui on est ?
Salah Abdeslam in Corsica... è altri puttachji più o menu veri



Hitler vulia mette i ghjudei in Corsica

Ùn si pudia finisce senza puntu Godwin.

u 28 di Nuvembre 2015



1.mandatu da Giacubinu u 28/11/2015 16:06
Giacobbi é de Gentile sò di manca !

2.mandatu da Lucio Battisti u 28/11/2015 16:42
Anakin Skywalker si piatterebbe in Bistugliu.

3.mandatu da bastiacciu stortu u 29/11/2015 19:49
E u mollah Omar si piatta in carughjiu dirittu in Bastia ....

4.mandatu da Renosu u 30/11/2015 08:31
Jim Morrison ha campatu in Corsica, é ghjè ellu chi a scrittu "A Sciringa", cantata dobu in 1987 da u gruppu l'Albinu.

5.mandatu da Paul Jackson u 30/11/2015 23:51
A manca esiste in Corsica

6.mandatu da claudius u 01/12/2015 00:08
Jim Morrison campa sempre è hà una piazza a u cunsigliu generale

7.mandatu da salinzucca u 01/12/2015 08:39
Perchè ùn l'ete micca sappiuta chì Ben Laden cugliva e clementine in piaghja?

8.mandatu da lonzu u 01/12/2015 09:48
"Fred Testot hè corsu"

intesu 45000 volte.....

9.mandatu da Jean Dzoucarelle u 01/12/2015 10:15
"pascal paoli était homo"

10.mandatu da Aghju u 01/12/2015 11:01
Aghju vistu Michael in Moriani. Si piatta, è vera.

11.mandatu da Omertà u 01/12/2015 15:52
"C'era Big Ali chì parlava corsu à a serata di Parlemu Corsu"

Aspettate...

12.mandatu da Chjuculina u 02/12/2015 17:04
Rihanna hà lampatu u mio telefuninu ind´è u portu di San FIurenzu l'estate scorsu....

13.mandatu da A chjuculetta u 02/12/2015 20:12 (da un teleffuninu)
A caccara di Nabila, Livia hè corsa. À cunoscu stava accantu Raimonde di Vignale !

14.mandatu da Vulcanaccia u 02/12/2015 21:55 (da un teleffuninu)
Salah venia in Corsica pè passà una serata "vip" à u Rex, è prima, manghjava à a "rivière des vins".... Ma cum''ellu hà brusgiatu à "paillote cum''è Bonnet hè statu ubligatu di piglià... A strada! Micca a machja..Paura di i cignali terruristi nustrali.

15.mandatu da Anghjuluccia u 03/12/2015 11:07
Patrick Seb, Sarko e salah u salamò si so adduniti pè cantà... U petit bonhomme en mousse

16.mandatu da A chjuculetta u 03/12/2015 11:13
..........stava accantu *à Raimonde di vignale !
Scusate mi so fattu un sbagliu !

17.mandatu da brava spechjettò u 03/12/2015 12:54
È torna vignale bellu passe.. I puttaci correnu... Ma ci vole à sapè chi Salah piace.. e donne anu dettu ch'ellu sia un pezzo, una BOMBA ATOMICA! Allora oh ghjente attenti a voi ci vole à chjudè l'ochji !!!!

Novu cumentu :