Accueil
Envoyer à un ami
Version imprimable
Partager

Saldi : 4 feriti in un centru cummerciale

Serà a colpa di a crisa ? Mercuri era u principiu di i saldi d'inguernu. In un centru cummerciale di Bastia u bilanciu hè terribule : 4 feriti, un magazinu di scarpi ruvinatu è 12 interpellazioni.



Saldi : 4 feriti in un centru cummerciale
L'avete trovu u vostru pull in cachemire è u vostru survêt à menu 30% ? U principiu di i saldi hè diventatu un evenimentu impurtante in u nostru almanaccu, più ch'è Natale, a festa di a Nazione o l'anniversariu di a vostra mamma.

Ùn dite micca bugie, tuttu u mondu l'aspetta sti saldi. À tal puntu ch'ellu si compra n'importa chè, sopr'à tuttu di ciò chì ùn ci hè bisognu. A sola impressione di "fà un affare" face nasce a frenesìa di cumprà.

Dopu à e famose "émeutes de la faim" di u 2008, eccu chì ghjunghjenu e cazzuttate di i saldi. A crisa, l'azizume, u mondu in i magazini, a difficultà di truvà una piazza per ingarassi, un articulu à a vostra taglia... Tutte e cundizioni sò reunite per fà nasce e baruffe in i tempii di a cunsumazione.

Malgradu i rinforzi di pulizza, i cazzotti sò falati à parechje riprese pè l'apertura di i sconti. In un centru cummerciale di u circondu bastiacciu si contanu quattru ferriti in una buttega di scarpi. Ùn firmava più ch'è un paghju di Sebago in taglia 43, a buttega hè stata distrutta.

Ci sò stati dinù parechji interpellati in un magazinu di sport : e veste Millet ùn eranu micca in saldi è i clienti ùn eranu micca cuntenti. In parechji cummerci di vestiti pè donne ci hè vulsutu à fà intervene l'armata.

85% di i Francesi cuntavanu prufittà di i saldi d'appressu à un sundagiu. Quantu sò ripartuti cù un cazzottu ?

u 13 di Ghjenaghju 2011
u webmaestru



1.mandatu da gigante casinu u 13/01/2011 08:24
Vi cunsigliu di leghje u libbru "Caotidianu" di Marceddu Jureczek, un'analisa ghjusta nant'à a sucietà corsa d'oghje è u so rapportu à a sucietà di cunsumazione

2.mandatu da chasseur-Cueilleur u 13/01/2011 15:44
Mà perchè criticà a sucietà oghjinca in corsica..hè cume in altrò...ghjè cio chi tuttu moncu vole ....A mudernizazione !!!
Caotidianu mi pare bellu nostalgicu, rumanticu è fora di realità, "troppu filusufia" diceraghju..

3.mandatu da gigante casinu u 13/01/2011 16:46
O chasseur cueilleur, ùn sò micca un passeistu, nè un nostalgicu di i tempi induve si viaghjava cù i sumeri, ma Caotidianu hè à u cuntrariu in pienu ind'è a realità, discrive a sucietà d'oghje cum'ella hè, u populu corsu hè diventatu u populu di u carettu in i centri cummerciali cum'è in u mondu sanu, avà à vede s'ellu hè un bè.

4.mandatu da chasseur-Cueilleur u 13/01/2011 17:33
@ Gigante. Iè simu diventati assai peghju che un populu di cunsummatori.. simu avà una popululazione senza carne nè anima chi si lascia manighjà dà u prima ghjuntu .simu dunque belli muderni alora i caretti pieni mi parenu u male assai minore..

5.mandatu da chasseur-Cueilleur u 13/01/2011 19:20
E u famosu è tradiziunale (ormai..) viaghju à EuroDisney....

6.mandatu da U Palatinu u 14/01/2011 13:12
Quattru feriti ?
Hè vera, o hè una macagna piazzettania ?

7.mandatu da MARCUCCIU u 15/01/2011 11:26
aghiu vistu a a televisio,3 ministri francesi in Parigggi fa a codda a l'entrata di un magazzinu ,a 8 ore di matina,mi sogu dettu in mé stessu,"sanu da mette é mané,annu da nascié é cazzuttaté tra di eddi," ancu di grazzia un ci hé statuu nunda di u tuttu.Ma mi hé pigliatu veramenté u pensérè.Alora in dué noi altri,cumu s'hé compiu l'affaré .So tuttii in priggio sa ghjienté ????? Unbééééééééé .....

8.mandatu da Piatamò u 16/01/2011 15:51
Cumplimenti à a piazzetta pà u premiu Di Umani è longa vita macagnona schirzosa.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta