Accueil
Envoyer à un ami
Version imprimable
Partager

Salvemu à Guy Bedos

Davant'à a strage di i rifugiati siriani chì fughjenu a guerra è a miseria, numerosi sò quelli chì anu dettu "occupemuci prima di i nostri poveri". Casca bè, Guy Bedos hà bisognu d'aiutu.



Guy Bedos hè definitivamente un veru corsu. Hà pigliatu l'usu è e manere di quì. A prova ? Dice ch'ellu hè in l'obligu di vende a so casa per campà, cum'è tanti Corsi nanz'à ellu. L'hà scritta in a so autobiografia à vene :

« Six mois après avoir mis un terme à ma carrière de show-man, des salles pleines à craquer depuis cinquante ans, forcé de vendre ma maison corse pour survivre. »

Per quelli chì ùn u truverianu micca abbastanza corsu, rammintemu ch'ellu face più di cinque anni ch'ellu stà ind'è noi, hè dunque un "résident".

U fattu si stà chì i 60.000 precarii di Corsica averanu forse una lacrima per ellu.

Bon, ma tutti quelli chì anu dettu ch'ellu ùn ci vulia à aiutà i disgraziati siriani, ma prima i poveri corsi, allora ? Quale hè vole apre a so casa à Guy ?

Salvemu à Guy Bedos

u 10 di Sittembre 2015



1.mandatu da CB u 12/09/2015 13:02
Senza vulè dispiace scriverebbe " qual'hè chì vole" invece di " quale vole" ind'è l ultima quistione di l artìculu 😉

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta