Accueil
Envoyer à un ami
Version imprimable
Partager

San Michael Jackson festighjatu in Corsica ?

Un locu di preghera dedicatu à Michael Jackson hè previstu in Montargis. In Corsica dinù, si ne parla.



San Michael Jackson festighjatu in Corsica ?
In pienu mezu di a Francia prufonda esiste un prugettu per ch'ellu sia custruitu un locu di cultu dedicatu à Michael Jackson. Nò, ùn hè micca una burla, l'infurmazione ci vene da l'AFP.

I statuti per creà un associu sò stati depusitati in Montargis. U scopu : creà un locu di cultu per ch'elli venghinu à pregà i fans di Bambi.

Ùn ridite micca, esiste un prugettu sìmile in Corsica.

Hè in Barchetta chì i fans si sò adduniti è u prugettu di custruisce una chjesa in l'onore di Michael Jackson.

Spiega Donovan, abitante di Barchetta : "Noi ciò ch'è no vulemu hè un lucale per vene à pregà per ellu, cù una statua, una placca. Vulemu truvà i soldi per andà in pelerinagiu in Los Angeles, induv'ellu stava. Era un tippettu, a si merita".

Cù i so cumpagni Christopher è Rudolf, anu previstu tuttu : "e feste antiche cum'è Sant'Antone o Santa Maria ùn c'interessanu micca. Sò pè i vechji. Allora chì Michael Jackson hè u nostru Diu à tutti, hè più cunnisciutu ellu ch'è Ghjesù è ch'è u FLNC (sic)".

Ùn pigliateli micca per baulli, sò organizati : "Semu digià 500 in a Corsica sana, hè più ch'è I Verdi Corsi è a Manca Naziunale reuniti".

Aspettandu d'avè a so chjesa San Michael Jackson di Barchetta, l'incundiziunali di "MJ" s'adduniscenu ogni sabbatu nant'à u parking di u supermercatu, trà l'Eurobazar è u Bricotruc.

u 15 d'Utrovi 2010
U Sgaiuffu



1.mandatu da Pucelle u 15/10/2010 05:03
Sò i zitelli ch'anu da esse cuntenti !!

"Venite vi fà sbrimbà u culu per MJ"

2.mandatu da Avulpaccia u 15/10/2010 14:55
Euh mi vene male spergu chì ghje una burla dà Vera .
Per issa closcia rifatta! O Madonna ! In più in bachetta !
Và chì s'ellu hè fattu ùn sterà tantu, sò ancu capace di fà pagà per entre. ..
A fiancu c'hè ponte novu...
Allora pudemu fà dinu un lucale di prighere per i cantatori Corsi chi morenu...
Ahhh mà hè Vera elli sò robba nostra allora n'he micca impurtante... Pfff eppò ùn rimassanu tantu interessu per i stragnieri.
Dopu a francisatta, a fanu a l'americana .
Cosa serà a prossima cunneria di prughjettu?

3.mandatu da anto u 15/10/2010 16:10
Cum'ellu si dice "se non è vèro è ben trovato" .Ma u mégliu sarebbe di cullassinè in Muratu chi c'hè dighja un San Michélè

4.mandatu da sgiacchissonu u 15/10/2010 16:52
Ohimè hè pocu à dì u statu di non cultura di a sucetà francese chì diventa cusì cona di quella di u Mondu Novu, chì ellu hà i mancu a scusa d'esse novu… Quale hè chì pò dubbità, oramai, chì a laicità francese ùn abbia suminatu è assuvatu a sucetà di cunsumu. A mumenti invece di mette e candele à Santa Rita è à Sant'Antone, l'avemu da mette à Mickey è Donald. Quandu ghjè a data di nascita di l'omu grisgiu, per sapè quandu saranu e prussime vacanze? Quand'e vecu què pensu chì luttà contr'à a Francia è a so culunisazione averebbe à esse rimbursatu da a Securità Suciale

5.mandatu da per ride u 15/10/2010 19:22
Avemu à JEHANNE D'ARC in parechje ghjesge, ùn hè micca peghju d'avè à MIKA!

U SGAIUFFU hè appena linguaccia quand'ellu si face disprezzosu versu "i verdi corsi".
Eranu numarosi quand'elli seguitavanu a cuncolta, è avà sò ancu più numarosi cù u PNC è femu a Corsica. Si pò ancu dì ch'elli sò elli chì facenu è sfacenu l'altri partiti.
D'altronde Europe-Ecologie primu partitu franco-corso-aurupeu sò elli chì l'anu messu in anda.

6.mandatu da Avulpaccia u 15/10/2010 19:57
Morta di risa ...

7.mandatu da Milizie Corse u 15/10/2010 22:09
@ per ride ùn so si ghjè veradimente un bellu affare pè u populu corsu un partitu Franco-Europeo-Corsu ( corsu à l'ultima piazza ùn hè un'azzardu.)...i verdi hannu sempre seguitatu i più "forti" pè circà d'avè duie o trè piazze...
Pè compie, Hè sempre megliu "Jeanne D'arc" cumbattante patriotta e cattolica (Avemu noi Santa ghjulia..è Santa Divota) chi stu bastardu di jackson...diventatu musulmanu è sopratuttu pedofilu...!!


8.mandatu da Avulpaccia u 16/10/2010 17:56
Sò d'accunsenta cù te eppò c'hè dinu Daniella Casanova ò Faustina a Corsa... Si n'hè parlà mai di ella .

E micca l'astra facciaccia chì à noi c'hà purttatu nullà

9.mandatu da Tartagliula... u 17/10/2010 11:06
E popstar è i ghjucadori di Pallone so oghje i novi Dii è i novi Santi di e nostre sucietà..
Povera Corsica è poveru Uccidente...!!

10.mandatu da Carghjisanu u 20/10/2010 14:58
Mà un hè micca vera nô?

11.mandatu da avulpaccia u 20/10/2010 15:41
@Carghjisanu

Ci vole hà sperà

12.mandatu da Ghjuvan matteu u 22/10/2010 14:41
O figlioli induve andemu?

13.mandatu da Avulpaccia u 24/10/2010 00:24
@ Ghjuvan miche

À sai tù?
Ancu assai cunniscimu a nostra stradda pe andà in casa .
Nò mà ghje un prughjettu hà ghjucanu a l'americana , face vene i pinzuti...
É a mumentu u "Quick " in Furiani hà dà esse una ruvina per i cummerci accantu , via di i ghjuvanotti di u CFA etc...
Ohimella!

14.mandatu da Pleine Lune u 12/07/2011 04:44
Joe Jackson s'ha associat amb un penal francès Julian Rouas per explotar el seu fill Michael. A ha de llegir: http://jacksontributefragrances.blogspot.com

15.mandatu da Pleine Lune u 12/07/2011 04:47
Italiano - Joe Jackson ha collaborato con un truffatore Francese Julian Roua di sfruttare il suo figlio Michael. Una lettura: http://jacksontributefragrances.blogspot.com

Novu cumentu :