Accueil
Envoyer à un ami
Version imprimable
Partager

Santa Maria di u Padduc

V'arricurdate di u Padduc di Rocca Serra è Santini, chì nimu ùn ne vulia sente puzza ? Maria Guidicelli hà riesciutu u miràculu d'addunisce una magiurità daret'à u so prugettu.



Santa Maria di u Padduc
U Padduc prima versione, vi n'arricurdate? Dui anni fà, torna appena è nascia una guerra civile. Stu ducumentu fattu da u cabinettu di studii pariginu Tetra prividia di mette a Corsica nant'à a via di "l'ecunumia residenziale", vale à dì turìsimu è immubiliare. Pocu affare nant'à a cultura è a lingua, nant'à un'ecunumia di pruduzzione, nant'à l'università... U prugettu era cusì pèssimu ch'ellu era ancu ritiratu di ghjugnu 2009. Un annu dopu, facia perde e territuriale à a diritta.

Oghje, hè Maria Guidicelli chì hè incaricata di purtà u prugettu di novu Padduc... è hà riesciutu u miràculu di truvà un consensus. Un primu raportu chì dà e grande orientazione à u futuru Padduc hè statu vutatu di lugliu.

Presentatu cum'è di più à manca, di più ecologistu, di più centratu nant'à l'identità corsa, l'orientazione di stu Padduc novu sò state ben accolte ancu da i naziunalisti, menu da "la Gauche Républicaine" è da a diritta.

Da leghje nant'à Corse-Matin : Le rapport sur le Padduc largement approuvé par l'assemblée de Corse è Fr3 : Large consensus sur les orientations du PADDUC.

Jean-Guy Talamoni dichjara nant'à Alta Frequenza chì "c'est un départ très intéressant" è Femu A Corsica hà riesciutu à fà vutà ch'ellu sia mintuvata a nuzione di "populu corsu" è parla di "victoire politique", da leghje quì.

In Corsica ci sò dunque donne ingagiate in pulitica chì sò capace di facci surprese, quessa hè piuttostu una bona nova, nò ? Ci scambia di i sempiterni azezi in flacchina.

A prova chì Maria Guidicellu hà fattu un miràculu : ancu François Tatti hà vutatu pè a cuufficialità di a lingua corsa !

Speremu ch'ellu ùn ci sia rinfriscata. Sarebbe ora chì a sucetà corsa s'appacessi, è chì i Corsi eppiinu cunfidenza in u so avvene, in a so cultura, in a so terra.

u 2ndu d'Aostu 2012



1.mandatu da 1981 u 02/08/2012 18:42
aah "la gauche republicaine" s ella un esistia micca ,"il faudrait l inventer" cumè dice u francese

2.mandatu da u pesciu panatu u 02/08/2012 19:46
Ghjè un bon principiu.... ma attenti, chi i manghjoni di u BTP è e cagnacce di e maffie so qui più chè mai.

3.mandatu da henry smart u 03/08/2012 14:28
Maria ha da riesce ciò chi i naziunalisti rivendicheghjanu dipoi un Bellu pezzu ?
cu valori di manca in più !!!
c'he da pone ci e quistione ??
sera megliu dumane à sustene Maria guidicelli chi vole lutta contr'à a speculazione, per l'alloghju, per a difesa di a lingua ecc..., l'autonomia alimentaria è energetica.. O sustene gruppi naziunalisti ne manca ne diritta ? ( e passu nant'à certi sugetti)
Ghje una vera quistione sincera. Un aghju a risposta per ava.

4.mandatu da costaverdien u 03/08/2012 14:44
O SMART !

nanzu di tirà una cunclusione, aspittemu a versione finale di u padduc, cù e carte di e zone à custruisce

tutte e cummune oghje un dumandanu che una cosa : un "sviluppu" anarchistu di u so PLU, custruisce à buzeffu, golfi è cumpagnia bella

e ch'ellu sia à dritta, à manca, o inde i naziunalisti, i manghjoni so tutti in postu

so, wait and see Henry...

5.mandatu da henry smart u 03/08/2012 21:41
ie i'll wait !
E ciò ch'aghju dettu d'altronde, ch'un avia a risposta !
E he capita chi i manghjoni so dapertuttu !
Ma aldilà di l'idee, mi pare chi sta guidicelli face parte di quelli chi travaglianu daveru à l'assemblea !

6.mandatu da henry smart u 03/08/2012 21:44
E Po cunclusione ne facciu mai, soprattuttu quandu s'agisce di pulitica è di l'avvene di u mio paese !
A soluzione miraculosa un ci credu micca cum'è a fola chi dice chi basta à piglia u putere per scambia e cose da cima in fondu !

7.mandatu da La france a peur u 04/08/2012 00:22
Un aghju mancu appena cunfidenza in Giacobbi, è à i so amichi chjarasgi chi facenu i so affari in l'immobilier

Ma sta Maria Guidicelli hè a bona surpresa di l'assemblea

Speremu ch'ellu ne sorti qualcosa di bè, chi a Corsica n'hà bisognu...

8.mandatu da henry smart u 04/08/2012 13:42
D'accunsentu cun te , Francia impaurita !

9.mandatu da Nè di Drì nè di Man u 04/08/2012 17:50
Sarìa statu una merda tamanta stu Padduc, è mintuvatu a "nuzione di populu Corsu", l'avariani vutatu quantunqua i naziunalisti ?

10.mandatu da Casalta u 04/08/2012 17:58 (da un teleffuninu)
Eccu una quistione bona Nè di Drì nè di Man...

Eppo ci vole à vede u prughjettu in detaglii, per avà sò "les grandes lignes"...

11.mandatu da Ner''è biancu u 06/08/2012 17:05
Salutemu femu à Corsica per avè prupostu u populu corsu è una vint ina d'amendamenti

12.mandatu da J G u 07/09/2012 06:21
Santa Maria di u padduc quessa si ch'he una donna micca u maritu no

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta