Accueil
Envoyer à un ami
Version imprimable
Partager

Sarko in Corsica : Round 28

U Presidente di a Repùblica Francese sbarca dumatina (oghje marti) à ròmpeci... à parlà di u sviluppu à longu andà. Per i Corsi serà di siguru una ghjurnataccia, ma per una volta, serà di siguru una ghjurnataccia ancu per ellu. Perchè ?



Sarko in Corsica : Round 28
Dumane (leghje oghje) torna à sbarcà Nicolas Sarkozy. Per l'amatori di sciffre è di statìstiche, serà u so vint'ottèsimu viaghju in Còrsica senza mai avè pigliatu EasyJet. Ma stu viaghju averebbe da esse propiu penìbule per Niculaiu è si pò pensà chì sta volta, i Corsi li feranu passà u laziu di vene quì tutti i dui ghjorni à fassi una spassighjata à u sole.

Ci serà una mossa da stumacà i membri di u guvernu Francese da ch'elli ùn vinìssinu più à ròmpeci e stacche è à cuntà n'importa chè? Ci hè da crèdela... L'ùltima volta chì una persunalità di u guvernu s'hè vulsuta affaccà ind'è noi, li hè custata sei mesi di magagne. Era u ben'di François Fillon, chì per cacciassi l'agricultori Corsi è Joseph Colombani in testa da l'orechje avìa ricunnisciutu chì e casce di u Statu èranu viote è chì ùn pudìa fà nunda per elli. À Fillon dipoi tandu ùn s'hè più intesu...

In u listessu filu, Sarko hà da passà dumane una ghjurnataccia di quelle. È tuttu u mondu mette e mani in pasta per falli pagà e so prumesse mai tenute quì. I prugressi in ciò chì cuncerna l'avvicinera di i prigiuneri pulìtichi è nant'à l'identità Corsa ch'ellu era prontu à cunsiderà è a valurizà ùn si sò mai visti. Allora a vindetta pare dichjarata, li tuccherà à scumbatte incù :

. U FLNC chì li manda una lettera di rivendicazione d'attentati à a vigilia di u so viaghju.
.Gilles Simeoni, Jean-Christophe Angelini è una centinaia d'eletti muderati chì li scrìvenu dinù per presentalli u so prugramma.
. Gabriel Xavier Culioli chì li dumanderà torna, dopu à avella fatta per iscrittu, a liberazione d'Alain Orsoni.
. I sindicati (a CGT)è a Ligue des Droits de l'Homme, azezi quant'è mai
. L'agricultori, in zerga dinù elli
. U Cumitatu contr'à a Ripressione, chì u Super-Presidente porta di fole in canzone dipoi l'anni

Nunda ch'è què !

Ma si pò pensà chì u Presidente Francese averà dinù à scumbatte cun :
. Pascal Vivarelli, chì si lagna di ùn esse micca statu ritenutu nant'à a lista di i muderati
. U gruppu A Filetta, chì si lagna ellu d'ùn fà micca abbastanza cuncerti in Còrsica.
. Marina Raibaldi, chì n'hà una techja di st'inguernu cutratu
. U Vescu perchè ùn ci hè più nimu in chjesa
. Laurent Casanova, chì li dumanderà perchè ùn hè più capitanu è nè mancu titulariu in Bastia
è pò dassi ancu Jacques Bastianesi chì vole prisentà torna un'ùltima volta Corsica Sera

Eccu, averebbe da bastà! Ah, iè ! Ùltimu castigu : s'hà da scunfinì à Camille de Rocca Serra è Ange Santini tutta a ghjurnata. Pù !

Ne pudemu esse siguri avà, u viaghju in Còrsica nùmaru 28 di u Presidente Sarkozy serà l'ùltimu...

Luni 1 Farraghju 2010
Ussamà Ben Lazezu



1.mandatu da christopher johnson u 2010-02-01 23:22
GXC, candidatu seriu à u titulu di Catinu di u 2010.

hà craccatu u tippu o hè cascatu innamuratu di u Bel Alain ?

2.mandatu da fium'orbu u 2010-02-02 00:03
Pari sciuttu di guardi' a vista ! Paga par' i so legi !
O ghjé par u lanciamentu di u filmu di "Gainsbourg".
O, po esse a so moglia chi li piace u "looku" pecuraghju.
Po darci ch'esse babbonu li a dattu una ruchjettata e un' se ancu rimissu.
O a ritruvu a Carletta in bracciu a un altru, e si lascia anda di male.

Eccu eu votu par' l'ulttima proposta.

3.mandatu da Obamo u 2010-02-02 00:16

- I pipoli in rivolta dapoi l'esecuzioni spavintosa di u ghjacaru di Bedos ani da manifistà cù i so tutù pumpunnati ingiru à a Prifittura, Clavier in testa. Sarkò ni prufittarà par annuncià l'aggravazioni di i castichi pà l'ammazzacani è pà i lampadori di Ghjaddi in pissina...

- I vichjetti d'Aiacciu ani da fà una crisa di nerbi di duvè francà trè check points com'è in a banda di Gaza par andà à fà i so spesi nantu à u Corsu : ani da minà i guardii mubili è sarani trascinati in guardia à vista sin'à a partanza di Sarkò.

- U Sli , in esiliu dapoi trè mesi hà da dumandà u so avvicinamentu è com'è sempri, aspittaremu...

- L'armada di flicchi abattuta nantu à Aiacciu è a "Rive Sud" com'è sturneddi oghji s'ani da cumprà tutti i salami di a staghjoni è ùn avaremu più nudda...

4.mandatu da Obamo u 2010-02-02 00:17
Ci vulia à leghja : u Soli , in esiliu ...

5.mandatu da Fiumorbu u 2010-02-02 07:34
So previsti 1500 crs di piu, micca male no???
Po dassi chi si vole manghja un ficatellu cu una fetta di pulenta???

6.mandatu da Duttore Mabbulu u 2010-02-02 07:59
Sarcò in campagna per Santini è Rocca Serra è basta
vole una diritta à u pudere "durable".
Quantu costa sta visituccia?
Era stata megliu à dà sti soldi à i dsigraziati d'Aiti ... o à Loulou l'agricultore chì s'invita sempre à ste garden parties in Peri o Carbuccia ...

7.mandatu da estrimei u 2010-02-02 09:02
un capiscu micca che vo faccite una pagina pe stu gran buggierdone , chi un cappia che pete summerine .un l'ha ancu a cappià ch'ellu face u cuntrariu.
fate pianu a e prumesse nantu a u "galsi ", mi pare ch'ella un serrà che una spidarizzata di piu!

8.mandatu da diovisalvi u 2010-02-02 09:39
cappiate ci cu sarkosy per pietà e mettite a vostra bona vuluntà a mette a puzza, criticà, ride, scaccanà e fà cacà i tercani chi elli si ne ridenu di noi . manghjanu , pedanu e cacanu tranquilli, si techjanu d'aligosta e ostrice di Diana mentre chi i noi, imbambuliti e tonti che no simu i STEMU A SENTE!!!!!!. basta. mittimu a puzza senza viulenza, cu l'arma a piu periculosa chi sia per elli : A PAROLLA.

9.mandatu da KÜG u 2010-02-02 09:56
o p... ! site in guai grossi, voi altri !
http://www.youtube.com/watch?v=bw6RB34ROHw

10.mandatu da estrimei u 2010-02-02 10:27
o diovisalvi ,
he vera ! ma hai vistu sta chernavalata ("corsematin "di sta mane ), secondu u tavulinu un si manghja micca listessa cosa .i piu vicinu a u principe seranu i piu tecchji , i piu luntanu manghjeranu e limusine. chi disprezzu!

11.mandatu da Babbibel u 2010-02-02 16:59
Babbu hè venutu à incuragisce i so figlioli è tutti sò cuntenti è tutti u ringrazianu : Aiello, Renucci, Giacobbi, Mondoloni... Merci Papa ! Reviens vite nous voir !

12.mandatu da Obamo u 2010-02-03 08:24
U disertu! Fora di l'invitati di u Prisidenti passati à u stacciu, accumpulati in u Palazzu di i Cungressi, nimu! I ghjurnalisti parigini à chì nimu vulia parlà, erani stunati, ancu i crs si sintiani inutili . Cità morta ! da mora da a risa!

13.mandatu da machja u 2010-02-03 11:22
Babbu Natale, Santa Claus hè sbarcatu eri in Corsica, cun rigali per tutti, GALSI,PEI,PADDUC NEW LOOK,SVILUPU DI L'UNIVERSITA, per fa piace a i giovanni naziunalisti, soldi per l'agricultori, ognunu ha avutu u so rigalu.
Un hè mica scemu, oghje chi a culunisazione di populamente he quàsi compia, che nun c' he piu resistenza, u statu francese po principia u svilluppu di i dui dipartimenti per i pinzutti chi sbarcanu sempre piu numerosi, e chi faranu a corsica di dumane.
2010 sera per u Populu Corsu a siconda scunfitta,l'inghjulia suprèma, dopu a quella di 1768.

14.mandatu da Zeruffu u 2010-02-03 17:45
Campemu un'epica di quelle... chi seculacciu!
Dopu a u Padduc ch'emu pussutu impedisce, ci annuncia ch'ellu ha da fa ellu a prossima versione di issu prughjettu: quandu u pucucciu d'autunumia che no avemu un pruffiteghja micca a quelli chi li lustranu e scarpe, basta a viulala. Pare chi u Padduc sia sustenutu da parechji intéressi putenti chi hanu una rete putente sin' a l'Elysée. Preparatevi a fa tuttu cio che puderete contr'a u Padduc II di l'Assemblée nationale. Petizioni, manifestazioni, lettere, tuttu chi hé pussibule. U messagiu hé semplice: " Le Parlement n'a pas LE DROIT de décider a la place de l'Assemblée de Corse"
Ripetate in giru a voi.

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter