Accueil
Envoyer à un ami
Version imprimable
Partager

Sarkozy criticheghja u parcorsu anticognu di u giru di Francia !

Amicu di Michel Drucker è d'altri passiunati di bissicletta, Nicolas Sarkozy seria in zerga contru à l'urganizatori di u giru di Francia. Ùn rispetterebbe micca l'evuluzione di a demugrafia è di e mentalità...



Sarkozy criticheghja u parcorsu anticognu di u giru di Francia !
Sea, sex è bissicletta !

U giru di Francia seria troppu paisanu è micca abbastanza "Bling bling". Passa per Broude o ancu per Montluçon, vi face sunnià à voi? Invece di cansà si in St Tropez, posanu à a terrazza di i caffè di St Brieuc. Cumu vulete interessà a ghjente à a bissicletta? Passanu i ciclisti per campagne è fureste abbandunate in u pianu d'acconciu di u territoriu vulsutu da U Presidente.

Mancu una buatta à menu di 100km di u parcorsu. "Cumu vulete ch'elli ùn si sciuttessinu micca?" hà dumandatu NS à u capizzone di a Liga Pinzuta di Bissicletta. Per via di stu custattu attempu umanu è ecunomicu, U Presidente hà fattu capì à l'urganizatori di u giru di Francia chì ci vulia à esse di più "reattivu" s'elli vulianu avè u dirittu di mette in ballu u giru 2009...


NSTV

Eppò, vistu ch'ellu hè ritrasmessu da a televisiò publica, NS si dumanda cumu serà chì i Francesi paghessinu tutti a ridivanza per un emissione guardata solu da 35% di e ghjente. L'hà detta à Patrick de Carolis, u presidente di France Television : "In funzione di u risultatu di e valutazione di l'audimat, hà da cambià"...

I sciali di Carla Bruni

U giru si compie nant'à i Champs Elysées è què scumoda assai à Carla Bruni. Li vene male di fà u shopping à fiancu à ciclisti puzzicosi è pinzuti scatinati. In più di quessa, l'attualità di u giru di Francia puderebbe piattà a nutizia di l'estate : Carla Bruni hà da caccià un dischettu. Soca, n'averete intesu parlà. Ma ùn ci hè male postu chì hè megliu à sente ne parlà chè à sente la cantà...

u 9 di Lugliu 2008
Sbanditu


Novu cumentu :