Accueil
Envoyer à un ami
Version imprimable
Partager

Scappate ! Eccu a festa di a musica...

Sonò pùzziche, vuciacce di cazzerole, gruppi indegni, musicanti depressivi in birkenstock, canzunacce fràciche... A "fête de la musique" marca l'entrate in a sinistra stagione di l'estate.



Scappate ! Eccu a festa di a musica...
In a grande lista di e cunnerie di l'estate (cù u 14 juillet, i turisti rossi inciapati, u beach soccer, i camping-cars è u barbecue), a cusì detta "Fête de la Musique" figura in bona piazza.

L'idea pare simpàtica à principiu (festighjà a musica, perchè micca ? si festighjeghja bè a battaglia di Ponte Novu) ma in fatti sta carnavalata face parte di e grandi evenimenti ch'ellu ci vole à evità.

Prima ci hè u mondu. Una mansa di ghjente chì si trascineghja ore sane in ricerca d'ùn si sà chè. Ùn si vedenu di l'annu ma pè a "Fête de la musique" sortenu a so facciaccia.

I turisti calchi di Biafine è i pumataghji in ciavatte s'imbuleghjanu à i Corsi à l'oziu, azezi è famiti.

Dopu ci hè a musica. Infine, a musica... un trostu cuntinuu risorte da stu carnavale di rimore.

E sonò di i hardos cughjosi si mischjanu à a curale di i vechji cucchi. A fanfara di a pulizza s'imbuleghja cù u r'n'b è u rap di u 9-3.

À mezu, un gruppu di corsi depressivi in birkenstock canta "Solenzara" è "Compañero" à u rìtimu di e riprese di a "Compagnie Créole" ghjustu à cantu.

Più luntanu, eccu a puluzione suprema : e riprese di Sardou, Claude François è Christophe Maé da un disgraziatu à coda di cavallu chì pensa fà carriera dopu à essesi fattu lampà da tutti i castings di a creazione. Ma a so vuciaccia hè ricuperta da i djembés è ùn hè mancu più male.

Dopu, e briunate di u "gulturel" chì hà amparatu "Populuviv'" è "Gatena" in yaourt è chì pensa "se gaver" fendu a stagione in e pizzerie...

L'avemu da rigretà i vuvuzela. Chì ci hè cum'è macci sta sera ?

u 21 di Ghjugnu 2012
U Sgaiuffu



1.mandatu da frasoualefrançais u 21/06/2010 15:30
parlendu di "se gaver" serà megliu à cantà "gadena" è popoulouviv" o à vende si a Corsica à a maffia russia ? O sgaiù dimmila tù omu di a tarra !!?

2.mandatu da gulturo-poing u 21/06/2010 15:43
u megliu hè di vendesi à cantà "gadena" à i patroni di pizzerie tenute da a maffia russia.

3.mandatu da Omertà u 21/06/2010 16:42
Trà què, è calvi on the rock, simu male o ghjenti.. Una bella "fallata" à l'antica serà propriu bè !!

4.mandatu da estrimei u 21/06/2010 17:34
o frasoualefrançais ,
per contu meiu unu he male e l'astr'he peghju
o Sgaiu',
forse un ci 'uleria micca a dilla, ma torna una volta a pensu cume tè!

5.mandatu da Polo u 21/06/2010 19:30
Chi tanta festa di a musica ! C'hé Joséphine ange gardien nant'a prima é pè quelli ch'ùn so nancu stumacati Espagne / Honduras . Simu salvi !

6.mandatu da alf u 21/06/2010 19:59
31 dicembre...
14 juillet...
fete de la musique....

TUTTA LISTESSA RUBACCIA

7.mandatu da Zeruffu u 21/06/2010 20:18
Un si dice "a festa di a musica", ma
"A DISFATTA DI A MUSICA"

8.mandatu da honduras u 21/06/2010 22:22
eccelente o zeruffu !

9.mandatu da ARC u 22/06/2010 09:33
Festa francese inventata dà J Lang,festa di i Bobo pè i bobo.......eri in pariggi ùn ci era che spetaculi africani...Vai puru poveru paese..!!

10.mandatu da Nadine Mouk u 22/06/2010 09:58
FFF : Facenu finte (di esse) Francesi. Tutti i ghjucadori( Fora di Gourcuff u britone) devenu stà in africa indè elli... indè i Town Chips, chi piacè..ci facenu piacès sti francisacci..

11.mandatu da marboeuf u 22/06/2010 12:35
Serà megliu d'andà à cantà paghjelle ind'e Frédéric Mitterrand ?

12.mandatu da piola u 22/06/2010 14:24
marboeuf tu si chi c'ai capitu ci so chi so andati a vende a so anima e fa allegenza a u so rè di a cultura , e di chi quessi passatu un tempu cantavanu, ti sputu in faccia , a paghjella di ponte novu, l'armata di l'ombra , corsica nostra terra d'eroi , fratelli di l'irlanda e a palestina etc etc chjamavanu a revoluzione , ava vendenu a so cultura a u statu ch'elli chjamavanu opressore per esse ricuniscuti da l'unesco allora chi in terra Corsa un c'é piu un palmu di nettu. Un'andemu tantu luntanu quelli chi facenu u piu male so i nostri . Les mendiants de la culture et de la tradition , he longa a cumpagnia inde noi allora un ci ridimu tantu di l'altri i nostri manghjoni valenu l'altri cun dui pataconi e a pena di vinu vendenu a so cultura e u so populu . marboeuf se tu ti prisenti a l'assenbléa ti vogliu vuta .

13.mandatu da Krupps. u 22/06/2010 14:28
"Deutchland Huber alles".. que si chi ghjè musica...!!

14.mandatu da So eiu u 23/06/2010 08:26
Viva a festa di a musica è viva a francia

15.mandatu da anto u 25/06/2010 07:42
Un vegu micca cio chi ci po fa canta in'issu paese .Forse femmu cume a cigala di a fola ,ma quandu sera ghjuntu l'invernu ci tucchera a balla !

16.mandatu da Maya u 26/06/2010 12:01
J adore!!!!!

17.mandatu da Marc Jacobbi & Luigi Vuittombu u 21/06/2012 14:02
e venutu u tempu di a cascia, i francesi e e culunie annu da sorte... v'invitu a participa a una di e grande partite di cascia di l'annata...^^

e per i "mandiant di a cultura" mi piace assai a spressione, 'cu a sintella di a cultura (dettu fethi guelfucci), u piu forte cantadoredi corsica , canta a cucaina corsa, les chats mal alaise , ...

un ghjunghjeremu a nunda in stu paese (incu u primu nemicu u corsu), forze sarebbbe megliu di tutti principia a fa i "voyou" o a pienghje pe una piazza...

18.mandatu da Buvone u 21/06/2012 15:30
Pe a festa o disfatta di a musica

In paese, mi ne collu pianu pianu
quassu nunda a intende
ghjustu u sonu di e tintenne
un sta a u mezzu di su cumbugliu

lascu a mo piazza libera
pè tutti quelli chi canteranu
a Corsica eterna e libera
sensa vede ch'ella si ne va da male

e viva a festa di a musica, tutti in piazza
i turristi seranu cuntenti de vede u populu mayo

"Sont sympas les " keurses", ils se mettent en rond
et ils crient une main sur l'oreille.
bendidon , ça remue les trippes hein !
Filme Robert ....

19.mandatu da ucutulesuculuapesu u 21/06/2012 17:21
una bona raghjone d'imbriacassi aooooo!

20.mandatu da Ulongu u 21/06/2012 17:55
U solu avantaghju di a festa di a musica hè chì ghjè pussibule di truvà vini boni.
Allora chì i vini di e serate Primu vinu o Beaujolais mi sò sempre dumandatu s'elli sò fatti cù l'uva o cù u gudrò.
È u Champ' di Capu d'annu, hè peghju ; quellu vi brusgia u stomacu.

21.mandatu da henry smart u 21/06/2012 18:31
Aio site tutti azezi fracichi !! prufitatene per favvi una bella chjavata sta sera !
una quistione. Ci so i cumenti fatti da donne nant'à piazzetta. C'he Troppu maschji qui !!

22.mandatu da cucunellu arrabiatu u 21/06/2012 20:34
http://www.youtube.com/watch?v=SblRmirRTwk ^^

23.mandatu da La femme de Claude E. (dominique?) u 21/06/2012 23:04
Salute henry,

se tu voli pudemu passa nant'u foru privatu di a piazzetta chi divente certe volte u meetik corsu ;) . ricercu omi e donne per rigalami, e pudemi ritruva nant' a u corse hebdo ^^

ps: ghje una macagna

24.mandatu da henry smart u 22/06/2012 00:28
Eiu, un era micca una magagna ! E un micca per dunnighja ch'o dumandu que. Ma mi pare chi mancanu cumenti feminili nant'à a piazzetta !
Ghjustu per arricchisce stu locu !! Ch'ellu sia più ottimistu dinu !

25.mandatu da Capicursinu rancicu u 22/06/2012 23:38
Eiu so una bella donna.

26.mandatu da henry smart u 23/06/2012 00:00
Ie ma tu si rancica !

27.mandatu da Capicursinu rancicu u 23/06/2012 01:58
Hè nurmale, so capicursina !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta