Accueil
Envoyer à un ami
Version imprimable
Partager

Sceglite u vostru ghjornu di festa

Eva Joly prupone di sceglie u so ghjornu di festa. I ghjudei puderanu ùn andà micca à travaglià pè Kippour è i musulmani pè l'Aid el Kebir. È i Corsi ?



Sceglite u vostru ghjornu di festa
Hè l'ultima pruposta d'Eva Joly : chì ognunu scegli u so "jour férié" in funzione di a so religione.

Perchè micca ? Tandu, chì puderiamu sceglie noi ? Eccu qualchì pruposta :

27 ferraghju : (1967) A Corsica batte a Francia 2 à 0 in Marseglia, per un macciu amichèvule
8 maghju : (1769) Ponte Novu. Ma ci hè megliu cum'è ghjornu di festa, nò ?
13 ghjungnu : (1981) Bastia vince a cuppa di Francia. Dapoi, più nisun club corsu hà vintu qualcosa...
25 ghjungnu : (1995) Apertura di l'Amensia in Bunifaziu. Cummencia di manera officiale a burdelizazione di a Corsica. U principiu di a fine.
15 lugliu : (1755) Pasquale Paoli hè elettu capigenerale di a Nazione Corsa. A cunsulta dura trè ghjorni, da u 13 à u 15. Ma a data di u 14 hè digià pigliata.
12 settembre (-2578) Apertura di u primu cumplessu immubiliare in Cucuruzzu.
10 ottobre : (1768) A vittoria di U Borgu. Paoli mette a concia à e truppe francese. De Ludre capituleghja è Marbeuf scappa. Ma a seguita, a cunniscite.
17 nuvembre : (1993) Francia 1, Bulgaria 2. Emil Kostadinova manda l'équipe de France in infernu è diventa un diu in Corsica.
18 nuvembre : (1755) Hè aduttata in Corti a custituzione di Pasquale Paoli. Prima custituzione muderna, averà da inspirà a custituzione americana, 30 anni dopu.
8 dicembre : Ghjornu di a Cuncezzione. A Cunsulta di ghjennaghju 1735 mette a Corsica sott'à a prutezzione di a Vergine.

À voi di truvanne d'altre !

u 18 di Ghjenaghju 2012
U Sgaiuffu



1.mandatu da Sandamianu u 18/01/2012 10:50
18 novembre sans hésiter....
Mais... le 13 juin aussi c'est pas mal. et en plus j'y étais!!!!
Mais si on gagne une coupe d'Europe, faudra changer la date, nan?

2.mandatu da guizzu u 18/01/2012 11:07
u 17 di ghjenaghju 1567, s'he fattu tombu sampieru corsu ...

3.mandatu da Rosario Meli u 18/01/2012 11:09
18 nuvembre e l'8 dicembre ...ma ci hè megliu a prutezione di a Vergine?

4.mandatu da Sandamianu u 18/01/2012 11:21
La mort de Sampieru? Y a plus joyeux , non?

5.mandatu da SAMPIERO2B u 18/01/2012 11:35
u 27 di lugliu ... a mo nascita !!

6.mandatu da Cazzumarinu u 18/01/2012 13:43
@Guizzu, a nascita di USV aiaccinu....

7.mandatu da Eri, gnac è dumane u 18/01/2012 15:24
U 6 ferraghju

8.mandatu da néviani francescu u 18/01/2012 17:52
salute e pace

U 8 di Nuvembre

9.mandatu da néviani francescu u 18/01/2012 17:54
A So Figliola
8 di Nuvembre

10.mandatu da Idraulic Hell u 18/01/2012 19:43

11.mandatu da Ciccoli u 18/01/2012 20:21
22 di lugliu a nascita di un "grand'omu" : 1m83 !

12.mandatu da Mimile u 18/01/2012 21:15
23/11/2011 apertura di decathlon in ayatch'

13.mandatu da Avà sà chì u 18/01/2012 21:24
l'8 di sittembre
a Santa, a natività di a Santa, chì avà i francesi facenu entre e scole stu ghjornu santu ...

14.mandatu da Claude E. u 19/01/2012 12:52
u 4 aprile, a corsica vince contra i gendarmi : 0 - 70

15.mandatu da o i m é u 19/01/2012 21:19
basta cusi!!!!!! festé di qui,festé di quà....... festé di cazzu!!!!!!!

16.mandatu da o i m é u 19/01/2012 21:19
basta cusi!!!!!! festé di qui,festé di quà....... festé di cazzu!!!!!!!

17.mandatu da Vinzaresu u 20/01/2012 12:51
3 di maghju di u 2003 Penneteau sorte sopr'à Dos Santos
9 di lugliu di u 2006 a Francia perde contr'à l'Italia in finala di a coppa mundiale.
4 di dicembre di u 2009 u Sporting lampa fora Salim Arrache
10 di dicembre 2019 morte culletiva di Carlu Pasqua è Federicu Thiriez.

18.mandatu da mijagavignanica u 20/01/2012 19:40
18 nuvembre n'un cè dubitu !!!!

19.mandatu da Antonello u 22/01/2012 13:23
9 di lugliu de 2006: ma avite tifatu per Italia?? :-)

Novu cumentu :