Accolta > ATTUALITÀ CORSA

Schisofrenia corsa

Semu tutti attaccati à u nostru paese ma... ùn ci cullemu mai.

Mai ùn vinderiamu a nostra casa in paese ma... ùn ci stemu ch'è trè ghjorni à l'annu.

Vulemu tutti difende a nostra cara lingua corsa... ch'è no ùn parlemu mai.

Vulemu mette fora tutti st'eletti manghjoni è trafficoni... per qual'è no vutemu à e prussime elezzioni.

Mughjemu contr'à u "clanu" è u piston ma... semu tutti clanisti è circhemu u pistò pè truvà una piazza.

Vulemu lampà fora sta Francia assassina chì ruvina ma... semu tutti funziunarii.

Ci stumacanu i turisti è mughjemu contr'à i pumataghji ma... sò sti catini à facci campà.

Ci faticanu i pinzuti ma... subbitu ch'ellu n'hè scala unu, li femu e manere.

Semu contr'à e bombe è a viulenza ma... quandu qualchì villà in bor'di mare salta, ci ralegremu.

Vergogna à tè chì vendi a terra... ma aghju messu a casa in paese nant'à ebay.

Parlemu tantu di a famosa sulidarità trà di Corsi ma... passemu u nostru tempu à esse ghjelosi l'unu di l'altru è à tazzacci trà di noi.

Femu tutti i ribelli ma... travagliemu à u Cunsigliu Generale.

Mi dicu di manca ma... mi techju di suvvenzioni è mi carcu di soldi à colpi di marcati trafficati.

À a radio dicu chì a droga, ùn hè micca bè ma... ne facciu passà tone in eliccotteru.

Sò naziunalistu è vogliu fà a rivuluzione... ma mi stò in casa meia.

Mughju contr'à Clavier, Séguéla è a bettunizazione ma... mi facciu u mo lotissement pè appigiunà l'estate.

Aghju messu l'autocollant di Che Guevara ma... nant'à u mo Porsche Cayenne.

Tulerenza, sulidarità ma... sò un patrone chì pigliu à calci in culu i mo impiegati.

Sò ripublicanu è rispettosu di a demucrazia ma... sò u tercanu pè arrubbà l'elezzioni è pè a froda.

Tutti ribelli, tutti fratelli ma... semu tutti i servi d'un clanu, d'un patrone, d'un sistema.

Lingua corsa obligatoria ma... ùn l'ampargu è ùn a parlu micca à i mo figlioli.

u 23 di Marzu 2009

U Sgaiuffu

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

1.mandatu da in cauda venenum u 23/03/2009 08:46

HE VERITA CI VULEREBBE A PIENGHJE NE DI CIO CHI SIMU DIVENTATI

2.mandatu da filidatu u 23/03/2009 09:20

ùn ci hè altru nunda à aghjustà

3.mandatu da circinelludiguagnenativupeliguagnesusosanguaversatu u 23/03/2009 09:22

Ma noooooò !!! Semu po cusì è Madunaccia è puis voila !
A sola cosa chì ci vurria à cambià saria a vulintà di custruiscia u nostru paesi... cù i nostri qualità, è ancu cù i nostri difetti.
Sarà vera ciò ch'eddu scriva Sgaiuffu, ma ùn semu micca noi i malati, ghjè a nostra sucietà: a corsa, a francesa, l'auropea, u capitalisimu ecc.

4.mandatu da GWM u 23/03/2009 10:00

quelli chi dicenu chi ùn volenu beie nunda ma chi si facenu serve quantunque.

5.mandatu da estrimei u 23/03/2009 11:13

* Femu tutti i ribelli ma... travagliemu à u Cunsigliu Generale."....o a ESSE !
so naziunalistu ma:
- ... cunsigliu a i mio figlioli di parlà francese e d'andà " a fassi una situazione " for di CORSICA.
-....impieggu quelli chi costanu menu caru .
-.... intrappuleghju a l'ellezzioni per avè un buccone .
forse n'aghjusteraghju torna nepoche , ma , cumme spessu , vogliu turnà a salutà a piazzetta, chi impunteleghja nantu a ferita .o, s'ellu pudia fà cambià e cose !

6.mandatu da antonu u 23/03/2009 11:41

l'avemu in c.... è ci n'avanza !b[

7.mandatu da Culomba1 u 23/03/2009 12:26

Si puderia dì listessa di i Francesi, di l'Inglesi, ecc...

I Francesi lodenu à Obama è ùn ponu pate l'immigrati.
Odianu u Statu è li dumandanu tuttu.
Sò pè a difesa di u francese nantu à a scena internaziunale (d'altronde anu persu u cumbattu ch'è un pezzu!!) è trattanu i difensori di e lingue regiunale di cumunitaristi.
Mughjanu contru à e delocalizazione chì toglienu l'impiechi à i Francesi è compranu robba fatta in China, ecc ecc.

8.mandatu da circinelludiguagnenativupeliguagnesusosanguaversatu u 23/03/2009 13:46

"HE VERITÀ CI VULEREBBE A PIENGHJENE DI CIÒ CHÌ SIMU DIVENTATI "
S'edd'hè vera, o in cauda venenum, tocca à te di scambià !

9.mandatu da in cauda venenum u 23/03/2009 14:35

circine un'aghju aspettatu a nimu per fa cio chi u mio duvere m'impone

10.mandatu da estrimei u 23/03/2009 16:34

senza vullè dà médaglie, ci'ole a ricunosce ch'elli ci sò ancu patriotti chi campanu da patriotti . he quessa a nostra sperenza!

11.mandatu da circinelludiguagnenativupeliguagnesusosanguaversatu u 23/03/2009 17:57

è bè! allora tuttu va bè ?!
;)

12.mandatu da viculese u 23/03/2009 18:53

aghju l'autocollant di Pasquale Paoli... ma sò u veru corsu impinzutitu

13.mandatu da circinelludiguagnenativupeliguagnesusosanguaversatu u 23/03/2009 20:46

vogliu sviluppà u me paesi ma... ùn vogliu scambià l'ecunumia d'assistanat chì li hè imposta.

14.mandatu da altore u 23/03/2009 22:51

sò naziunalistu ma... a prima pinzuta chì sberca a mi sposu... cusì sò siguru chì a lingua materna di u mo figliolu serà u corsu...

15.mandatu da Piratella u 23/03/2009 22:59

Aiò o altore, l'amore ùn hà fruntiere!!

Ciò ch'ùn và hè ch'elli (elle) ùn li amparanu micca u corsu à e so moglie (o i so mariti)!!

16.mandatu da Culomba1 u 23/03/2009 23:02

un avemu tempu à perde à pienghje, dumandemu ci solu ciò chì ci tocca à fà, à ognunu di noi! Hà a ragiò Circinellucosu...

17.mandatu da Culomba1 u 23/03/2009 23:07

Andemu nantu à A Piazzetta per facci una risata è ci lamentemu ...

18.mandatu da mamacorsicamamicaquidadipatrick u 24/03/2009 07:05

andemu nantu à a Piazzetta ci campemu, ci ricuniscimi ma a ci dicimmi tra no !

19.mandatu da in cauda venenum u 24/03/2009 07:40

ALTORE QUANTU NE CUNOSCU CHI HANNU A MAMMA PINZUTA E CHI PARLANU CORSU E QUANTU NE CUNOSCU CHI HANNU U BABBU CORSU A MAMMA CORSA E CH'UN CAPISCENU UN'ACCA DI CORSU LEGHJI A PENA I NOMMI DI QUELLI CHI ERANU INDE CANTA U POPULU CORSU TANT'ANNI FA SERAI STUNATU
AGHJU LETTU UNA VOLTA STA FRASA
HE CORSU QUELLU CHI U PARLA O CHI A UNA VOLUNTA TREMENDA DI PARLA LU

20.mandatu da estrimei u 24/03/2009 08:01

o Culomba1 ,
"Andemu nantu à A Piazzetta per facci una risata è ci lamentemu ... "
ancu di grazia chi a piazzetta ci 'ajuta a metteci u sale in zucca.-ci'ole quantunque a tenne contu ch'o simmu figlioli di un Paese impastughjatu ! (e ne simmu ,ancu noi , rispunsevulli)-

21.mandatu da ZIU ANTO U PURCAGHIU u 24/03/2009 10:59

aio o quedda gjiente !!! A sapemu tutti chi noi altri corsi simu torti cume anché di ghjiacari. Alora femuci una raggio .Avemu tutti bisognu di qualcosa a un mumentu. Di soldi, d'aiutu e ancu di sentimenti .A francia sa pigliatu tutta a nostra piu bedda robba . Tutti l'omi e tutte é donne.Anoi ci tocca a suppurta. Ma eiu tengu stu pruverbiu varamente corsu;e vi dighu a tutti....CAMPA E LASCIA CAMPA . E TIRA AVANTI HE TOCCA ...........

22.mandatu da estrimei u 24/03/2009 12:49

o ZIU ANTO U PURCAGHIU ,
" CAMPA E LASCIA CAMPA . E TIRA AVANTI HE TOCCA ........... "
un pensu micca chi stu pruverbiu(ch'o cuniscia) , sie statu pensatu per ghjustificà stu rinunziu generale .(forse villiachisimu seria piu ghjustu che rinunziu)

23.mandatu da altore u 24/03/2009 12:51

ié o cauda.. canteremu "tutti razzoni, tutti fratelli ..." hè vera ciò chè tù dici ma ne vecu assai ch'ùn parlanu nè à a moglia nè à i figlioli...

24.mandatu da machja u 24/03/2009 14:18

Eiu un vegu tantu mondu in carrughju per impone l'insignamentu di a nostra lingua, o per a difesa di u nostru populu.
quandu passu davanti e terazze di e cafè, tuttu u mondu leghje u "torche matin", in li paese i vecchji quand'elli fighjulanu a televiso, un capiscenu mancu cio ch'ellu dice u prisentatore in lingua nustrale.
Quale so e culpevule ? I clanisti ? i naziunalisti ? i tarruristi ?u statu francese ?
So cinquant'anni fa, certi corsi si ridianu di i so paisani chi parlavanu male u francese, a lingua corsa era a lingua di i disgraziati, di l'ignurànti, e assai si verguniavanu d'un sape parla issa lingua "maravigliosa"; u francese.
Oghje pagemu e nostre scimughjine .

25.mandatu da GWM u 24/03/2009 14:22

sumerisimu

26.mandatu da cristianu clavieru u 24/03/2009 18:58

Manca qualcusella, chì mi pare un'antra malatia "naziunalista". Sò tutti quì per salvà a Corsica, a so lingua, "l'avvene di i so figlioli", sanu ch'ellu ci vole un'addunita per vince, ma si sbroglianu sempre per fà trè, quattru o cinque liste à e territuriale, duie o trè liste à e municipale, è fà di manera chì i nemichi sianu sempre l'altri naziunalisti. I clanisti facenu sempre l'unione ingiru à casgiu è prisuttu, parlanu corsu è ci compienu. Dice u francese republicanu: la france est une et indivisible, è u naziunalistu dice: la corse est une mais divisible ( in francese). Poveri à noi.

27.mandatu da SERRA u 24/03/2009 19:19

vi n'avite legatu una :
so naziunalistu arrabiatu e votu ...ange fraticelli à e cantunale .

28.mandatu da altore u 24/03/2009 20:59

o cristià ti feliciteghju pè stu cumentu... nunda à aghjustà... parenu fole ma ghjè vera ch'ell'hè cusì... disgraziata corsica... ci vole à sperà una reazzione à e territuriale... sè no lascemu torna camillù et Ange ghjittemuci puru à Golu!

29.mandatu da Tux u 24/03/2009 21:38

Un articulu pienu di verità!

Cio chi dice un mi face micca piacè, ma so assai cuntentu chi qualunu l'abbia scrittu! Ghjera tempu chi no ci mettiamu à vedè a verità per pode agì, infine, contr'à i nostri demonii!

@Machja : cio chi tu dici hè vera. Ma se paghemu, hè parche vulemu bè pagà. Forse saria tempu di parlà corsu tra noi, d'un vutà micca più pè i clanisti, etc…

Sarà vera ciò ch'eddu scriva Sgaiuffu, ma ùn semu micca noi i malati, ghjè a nostra sucietà: a corsa, a francesa, l'auropea, u capitalisimu ecc.

Devemu fàla finita d'aspettà tuttu di Quassu, di u Statu, di l'Auropa, di u Celu. A sorte di a nostra sucietà hè ind'e nostre mani più che inde quelle di "Elli". Se noi parlemu corsu e un leghjemu più u Corse Matin è construiscemu impieghe corse chi marchjanu senza aspettà i soldi di Quassu (incu i soldi di i Corsi di a diaspora pudemu forse inseme creà una banca corsa, ditenuta da tutti i paisani chi averianu participatu?)
Soluzione ci ne pudemu trovà senza l'aiutu di l'Instanze Superiore…

30.mandatu da filidatu u 24/03/2009 21:46

ié lampemuci puru in golu s'elli vincenu torna i dui nannuli di sarkozy!
ma lampemuci in tavignanu s'elli vincenu giacobbi guazzelli è cumpagnia ,chì ùn valenu tante chjarasge ma per disgrazia mi pare chì parechje naziunalisti sianu pronti à aliassi cun elli, quì dinù bel'esempiu di schisofrenia quelli chì pretendenu luttà contr'à i clanisti sò pronti per ghjunghje à u pudere à alliassi cun un riprisentente di i più famosi di u "clan"

31.mandatu da Culomba1 u 24/03/2009 23:45

Eiu ùn mi lampu indocu. Simu avvezzi avà. O allora lampmuli à elli...

32.mandatu da circinelludiguagnenativupeliguagnesusosanguaversatu u 25/03/2009 11:27

Hè ! Manc'à dì m'aghj'à lampà... !!! è ind'un fiumi supranacciu in più ! Pà finiscia ind'u Tirreniu losciu è bruttu ?

33.mandatu da ZIU ANTO U PURCAGHIU u 25/03/2009 11:36

O altore ,dà pupru l'esempiu. Fala a lampati u primu in Golu,chi per mé sarai ancu tu cmme tutti noi altri ;tuttu ogni unu guada l'interessu soiu in Corsica.Ma mi possu permette di di chi i corsi un so micca morti tutti in Ponte Novu.....

34.mandatu da machja u 25/03/2009 15:23

Aghju un cunsigliu a da , a tutti i"naziunalisti"; lasciate casca a vostra lotta, rientrate in casa vostra e campate cume la vi pare, chi issu" populu corsu" un vale a pena di scumbate per ellu. e aspitate cume l'altri, chi calchi omi si pesa, tandu veraremu.........

35.mandatu da heliofobu u 25/03/2009 16:31

Iè ! Aspetà chi qualchi capimachja (a l'ego sprupositu, è ingordu di putere) si pesa, per fallà in carrughju a seguidallu cume pecure... Simu spezialisti per sublimà u populisimu è segassi annant'a pseudo eroi è legende mistificate da a nostra tuntia...
U dicraziatu populu Corsu always follows the leaders... Arf..

36.mandatu da Paris hilton u 25/03/2009 17:19

What's the matter with you, dear Corsicans? You have the most beautiful land in the world, you still have something different, a culture, a language, moving songs (soon registered by UNESCO). But WHY, WHY are you allways crying???

37.mandatu da heliofobu u 25/03/2009 19:53

Pruverbiu nustrale (intesu in Capi Corsu...) dà riflette :
"U Corsu, quand'ellu hè bè, cerca a esse male..."

38.mandatu da Piratella u 25/03/2009 20:48

Aiòne!!!! fintantu chì ci serà u spiritu chì soffia in Bloghi cum'è quelli di "a Piazzetta" o di "Via macagnola" (Mdr a so campagna pè a prumuzione di l'agriCulu corsu) simu salvi!!

Dumanda niscentre : hè vera ciò ch'ellu hà dettu sta mane Petru Mari chì via macagnola hè u Blogu ufficiale di u sindicatu "Via campagnola" ? LOL

39.mandatu da Culomba1 u 25/03/2009 20:53

Sò un Blogu scherzosu ma...aghju i clienti picondriachi (dépressifs)

40.mandatu da altore u 25/03/2009 21:17

o culomba veni d'amparà mi una parolla... à ringrazià ti. sò corsu parlu corsu ma ... un sapia micca dì dépressif (averebbi dettu depressivu)

41.mandatu da Culomba1 u 26/03/2009 00:52

Simu tutti i "Monsieur Jourdain" di a picondria. Ma per dilla franca ùn sò sè "depressif" hè a bona traduzzione di "picondriacu" lol

42.mandatu da ZIU ANTO U PURCAGHIU u 26/03/2009 11:22

diceraghiu piotostu sciminghiuliti.Queddi lampinu soldi assai i nostri copizzoni e cusi ci ne stému cuntenti di a nostra sorté. Eviva u populu corsu ! ! ! ! !

43.mandatu da estrimei u 26/03/2009 18:14

cunoscu a parulla picondria , e mi pare ch'ellu si dice avè a picondria.
avà , mi tocca a palisà chi s'avia avutu a traduce u francese "dépressif " , un'averia micca pensatu a sta parulla ghjustissima di picondria .

44.mandatu da So corsu è ne so fieru u 11/05/2009 10:05

CI vulerebbe à aghjunghje:
- sò Corsu è parlu u corsu ma quandu scontru un talianu li parlu in inglese è facciu nice d'ùn capì nunda
- Sò Corsu è naziunalistu ma a casa di paese chì mi vene da l'antichi l'aghju venduta ad un Pinzutu maritatu cù una Tedesca è chì à a casa di i mo vechji li hanu dati un nome inglese
- d'altronde, da pidochju rifattu m'aghju fattu una casa ind'unu di i circondi di una cità corsa, cun baies vitrées, volant roulant et nains de jardins, per mantene e tradizione corse chì mi sò cusì care.

45.mandatu da So corsu è ne so fieru u 11/05/2009 17:48

Eppo torna :
- à i mo figlioli, à a scola, li facciu amparà l'inglese è u tedescu perchè sarà più utule per elli quand'elli sparcanu i turisti, sopratuttu Americani è Ullandesi
- ùn aghju micca bisognu d'amparalli u corsu chì sò Corsu è dunque cume sò parlà u corsu, i mo figlioli, essendu di u mo sangue, u sanu dinù
- ùn li facciu micca studià u talianu à scola chì u corsu (chì ùn l'ampargu micca) si spruglieranu sempre
- aghju dumandatu a traduzione in francese di tutti l'archivi corsi perchè ùn ci capiscu nunda à isse lingue straniere

46.mandatu da Culomba u 17/05/2009 09:21

Parlu corsu, sò alfabetizatu è pritendu d'ùn sapè leghje u corsu (invece chì mi piglierebbe un'ora di capisce u sistema di grafia...)

47.mandatu da Balaninu u 17/05/2009 14:27

Iè infine mi scuserai ma à spessu sò i vechji chì dicenu què, è à u so età si capisce ch'ell'ùn anu micca u laziu di circà à capisce u sistema (ci vole più d'un ora pè capiscelu u sistema...)...

48.mandatu da Culomba u 17/05/2009 15:12

Micca d'accordu o Balanì : aghju fattu a sperienza eiu anni fà è aghju scunvintu dinù assai ghjente di francà u passu anch'elli . Ci sò ch'ùn sò cusì vechji è chì sò corsofoni!! Parlu di capisce per LEGHJE, micca per esse capace di SCRIVE, sò duie cose belle differente. Di u tempu di "a Muvra" a ghjente lighjianu senza avè amparatu à leghje u corsu in iscola!! Eranu numerosi ! È "A Piazzetta" mi pare ch'ella hà assai lettori, chì ùn anu tutti amparatu à a scola.

Fora di u ghj è chj, una volta chè t'ai capitu, ùn ci hè nisuna difficultà : hè scrittu in u santacroce latinu, nò, micca in ieroglifi?

49.mandatu da So corsu e ne so fieru u 20/05/2009 16:54

Ghjè vera ciò ch'ella dice Culomba: ghjurnali in lingua corsa cum'è a Muvra avianu assai lettori, tantu più chì u talianu si cunniscia sempre è chì u sistema graficu era statu adattatu da quellu di u tuscanu-talianu (-u invece di -o, cchj invece di -chj), è quessa dipoi u 1875, dunque, ùn ci vole micca à stupissi. E eranu ancu fieri, i nostri vechji, di pudè leghje issi ghjurnali.

50.mandatu da Sò corsu e ne sò fieru u 22/05/2009 20:03

Da ciò ch'aghju intesu avà ind'u postu à Corsica sega, a schisufrenia corsa hè di male in peghju, quant'è a pincondria. Ci tocca dunque ad aghjunghje: sò Corsu ne sò fieru, fieru di issu populu liberu, malediscu a Francia, ma… votu à u Front National. No coment