Accueil
Envoyer à un ami
Version imprimable
Partager

Segondu ch'è vo siate insignante o maffiosu...

Ghjustu una rimarca nant'à l'affare chì scuzzula u mondu di l'insignamentu in Corsica. Perchè i nomi di i prufessori messi in causa si sò ritruvati in u giurnale ? Quand'ellu si tratta di maffiosi, ùn si leghje mai nunda...



Segondu ch'è vo siate insignante o maffiosu...
Stranu cumpurtamentu di i giurnalisti di Corse-Matin...

Passemu nant'à l'affare dettu di "frauda" à u baccu, chì ùn hè micca unu : e note di i candidati sò spessu cullate in cumissione d'armunizazione à quelli chì anu bisonu di qualchì puntu per ottene u diplomu o esse à u repêchage, hè cusì in Corsica cum'è in Dijon. A pratica hè inguatrata da l'amministrazione è di siguru offiziale.

Passemu dinù nant'à e cundizioni scandalose di guarda à vista è u trattamentu pulizzeru per una insignante chì ùn hà fattu ch'è fà passà un'orale à un candidatu ("ai compru u to baccu... u to diplomu ùn vale nunda... a to carriera hè finita...").

Passemu nant'à a fiura rimandata da l'insignamentu in Corsica è i cummenti puzzichi ch'ellu si sente quindi è culandi : "di tutte manere, qualcosa averanu fattu... qualcosa ci serà... sò tutti ladri è pistunati..."

Nò, ciò chì mi frastorna hè l'attitudine di i giurnalisti.

Fate a prova da per voi :

- 19 nuvembre : La tentative de racket sur le restaurateur de Saint-Florent élucidée. Leghjite l'articulu, nisun nome hè publicatu.

- 22 nuvembre : Le rectorat dans la tourmente après cinq mises en examen hier à Ajaccio. Sta volta, i nomi di e persone messe in causa ci sò. Ramintemu chì fin tantu chì a ghjustizia ùn hà dimustratu a so colpa, sò nucenti.

Allora ? Serà megliu à esse maffiosu ch'è insignante in stu paese, chè ?


u 28 di Nuvembre 2008
Ghjacumu Bauer



1.mandatu da alpaccino u 28/11/2008 06:02
a corsica he in mani di mafiosi u statu mantene dinu u so pudere cusi

2.mandatu da u corsu u 28/11/2008 08:54
per l'insignenti tocchi ci vole a susteneli e sape chi i prufessori un anu imunità in pettu a a ripressione soli l'anu i ministri i prifetti o ifunziunarii di pulizza un puntu e basta

3.mandatu da estrimei u 28/11/2008 09:54
un so in Francia, ma qui a sapemu , a pulizza e a "ghjustizia" un rispettanu nunda , ne ghjente , ne robba , so avvezzi , inghjulianu e suttumettenu quelli chi li cascanu . ma s'elli a facenu he per via chi u "populu " he d'accunsentu ..... quand ' ellu un he micca toccu .!
in st'affare di San Fiurenzu, avemu vistu chi l'osteriaghju si n'appella( a so , sta parulla he un frencissisimu, ma l'aghju sempre intesa di nu a spressione : " appellatine a u senatu ") a u presidente di a republica francese per fà mette in priggio quelli chi ,oghje , un so ancu ghjudicati . sta dimarchja chi va a l'incontru di e regulle di a ghjustizia francese -"séparation des pouvoirs"- , un he dinunziata da nimu.

e a "'maffia " ? mi dicerete; un dicenu chi a "maffia" he in cumblicculla 'ncu a pulizza e i gran capi di a republica ! avia raggio u corciu di ziu Memeu quand'ellu dicia : "Mariana he pregna "
e i ghjurnalisti ? elli , per a majo parte , manghjanu di capu nu a sacchetta

4.mandatu da uomudibiendadaccuanustrale u 28/11/2008 11:58
allora a i gjiorni d' oghie diè megliu a esse ladrone chè insignante

5.mandatu da Mirvella u 28/11/2008 12:42
L'insignanti ci voli à sustenali. Sò stati trattati com'è veri criminali da a pulizza, pà un fattu tuttu à fattu nurmali in u quatru di a so funzioni.

Hè una vargugna, è ben intesa hè pussibuli parchì a manera ch'iddi t'ani i flicchi ind'è no di piddà a so faccia riprissiva s'hè giniralizata par un sì o par un nò senza chì l'aienti ùn dissini nudda fin' tantu ch'ùn erani cuncirnati parsunalmenti.


6.mandatu da machja u 28/11/2008 14:02
Sin a oghje nimu un si laganava di i a riprisione contr'a i naziunalisti, per tutti era nurmale, eranu taruristi, issa volta so l'insignanti chi so cuncernati, e dumane u Populu Corsu sanu.
Simu divintati un populu di peccure, senza curaghju ne onore, e piu u putere francese picchja e piu calemu u spinu, chi digrazia, chi vargogna......

7.mandatu da ustafilè u 28/11/2008 19:55
PIOMBU ! ! ! ! !

8.mandatu da pocuémicca u 28/11/2008 21:50
u populu di muntoni :
3000 personne in corti in sustegnu à i dui insiganti !
hé vera chi i muntoni ùn seguitanu micca tutti i castrati !

9.mandatu da Culomba u 28/11/2008 22:28

I "suspetti" naziunalisti sò sempre trattati cusì ed hè un pezzu, eppuru à spessu sò presi in e rete pulizzere ghjente ch'ùn anu fattu nunda. Nucenti o nò, per elli simu Corsi dunque tutti culpevuli.
e guardie à vista sò spaventevule, cù insulte permanente. A amnera d'arrestà a ghjente dinù hè scandalosa.


10.mandatu da zighizon u 28/11/2008 22:31
o machja
L'affare di Corti palesa ch'ellu ci hè sempre quì e capacità d'una risposta pupulare à un'attu di ripressione contr'à i corsi. Di pettu à ghjudici chì mettenu in accusa ciò chè no simu è chì ci facenu passà per ciò chè ùn simu, ci hè sempre quella strada cullettiva per dì di nò. Quì ùn si tratta mancu à pena di "terrurisimu" nè di "naziunalisimu". Sò e manere di campà è di riagisce di i corsi chì sò incausate. In l'affare di dui ghjorni emu vistu a risposta. Fiumurbacci è curtinesi anu mossu qualcosa chì ci pò ghjuvà dumane da esempiu, moltu più quand'ellu si sà chì ci sò forse insignanti ... naziunalisti dinù.

11.mandatu da massoudcorsi u 01/12/2008 18:10
Un cunniscite anc'a pravda matin

12.mandatu da Luna rossa u 03/12/2008 12:19

Avà u mondu pulticu Pariginu hè tuttu cummossu da l'affare De Filippis, l'anzianu direttore di publicazione di u ghjurnale "Libération" , ma in Corsica hè tutti i ghjorni chì si passanu cusì l'interpellazione! Ùn hè chè di rammintà l'affare di i dui prufessori, ma ùn sò i soli, è ùn tocca micca chè i naziunalisti...Hè in Corsica, tandu Sarkozy è Fillon ùn si cummovenu micca in quant'à l'abusi di u sitema ...È i nostri diputati, sò intervenuti omancu per dilla???

Novu cumentu :