Accueil
Envoyer à un ami
Version imprimable
Partager

Sei mesi per salvà u Sporting

Dopu à Carlu Pieri è Charlot Orlanducci, tocca à un antru Charles à ripiglià u Sporting pè riesce un miràculu : mantene Bastia in L2.



Sei mesi per salvà u Sporting
Mai u Sporting ùn hè statu cusì vicinu di perde u so statutu prufessiunale è di cascà in u terribule mondu di u "National".


Digià chì a "Ligue 2 Orange" face a paura : Dijon è u so stadiu Gaston Gérard, Clermont Foot è u so stadiu Gabriel Montpied, Laval è u so Francis Le Basser...


Allora in l'infernu di u National, à mezu à Fréjus, Thonon-Gaillard, Pacy sur Eure, Luzenac, Cassis-Carnoux, Rodez, Moulins è Plabennec, un Sporting ùn puderia sopravvive.


Cun digià 5 punti di ritardu nant'à a prima squadra à ùn falà, Bastia hè più ch'è in difficultà. Ci vulerà à riesce un parcorsu di campione in e partite chì fermanu : 33 punti in 24 scontri.

À vede i macci di i lonzi chì ghjocanu cù a maglia turchina, hè un veru miràculu chì aspetta Charles Capia : cumu cambià 11 catini in 11 leoni ? Cumu fà vultà à u stadiu un publicu chì preferisce u Régent à Furiani ?


Allora ? Charles Capia ci la ferà à truvà soldi per cumprà, dirigenti per direge, intrenore per mughjà, sustenidori à mutivà, è ghjucadori à scuzzulà ?

Alè, per una volta femu a scelta di l'ottimisimu. Di tutte manere u Sporting hè un club à parte, chì ùn hà mai fattu nunda cum'è l'altri.

YES, WE CAN !

u 25 di Nuvembre 2009
u webmaestru



1.mandatu da Los Barbudos u 25/11/2009 20:41
Alè a prossima volta sarà (torna) a bona :
CHARLES cappia dopu à albert PIERI ;
Carlito ùn hè tantu luntanu...

2.mandatu da Küg u 26/11/2009 11:25 (da un teleffuninu)
Carlos= Carulu Magnu

3.mandatu da veritas u 26/11/2009 19:29
Aiutatemi cù tutti sti Pieri; Albert ùn hè micca u fratellu di Charles ?

Novu cumentu :