Accueil
Envoyer à un ami
Version imprimable
Partager

Sempre di più custruzzioni...

Infine una bona nutizia ci dice Corse-Matin dumenica. In sti tempi di crisa, u BTP si porta bè. Serà veramente una bona nova ?



Sempre di più custruzzioni...
In e pagine nant'à u Valincu (Corse-Matin di u 29 marzu 2009), Jérôme Mironenko ci ampara chì ci hè da ralegrassi : u BTP si porta bè, dumande di permessi di custruisce ci n'hè à buzeffu è i merri sì feliciteghjanu di a crescita di a pupulazione.

Ma ci pudemu pone altre dumande : Da induve venenu sta ghjente ? Sò custruite case principale o residenze segundarie ? Chì sò e cunsequenze di sta stesa di e custruzzioni nant'à u paisaghju, nant'à l'ambiu ? Tutta sta ghjente in più è sti permessi di custruisce in più, feranu dinù elettori in più ? Chì identità, chì arradichera à a memoria di i lochi vulemu dà à sti lotissements novi chì ùn sentenu di nunda ?

Semu felici per i capi d'impresa di u BTP, puderanu cumprassi l'ultima Audi o l'ultimu Cayenne. Ma per l'altri ?

Tante dumande senza risposte. O piuttostu, avemu a paura di cunnosce e risposte...

u 29 di Marzu 2009
U Sgaiuffu



1.mandatu da jean martin barbe u 30/03/2009 10:53
semu cuntenti per Vendasi, Natali è Mocchi.

2.mandatu da janmerdinmondolo u 30/03/2009 11:13
e beeeeeeeeeeeeeeee ava ci simu in pienu e qual'he chi da autorisazioni e accunsenti per tutti issi travaglii

3.mandatu da Tux u 30/03/2009 14:21
XD

Corse Matin mi face ridè qualche vulte XD

Chi buffonesci!

4.mandatu da circinelludiguagnenativupeliguagnesusosanguaversatu u 30/03/2009 17:02
"Ma ci pudemu pone altre dumande : Da induve venenu sta ghjente ?" dumanda u sgaiuffu...
Ti preciseghju quantunqua chì u giurnalista ci dici chì: " les maires de propriano et de viggianello... nous ont confié... être debordés de demandes notamment par de jeunes couples locaux souhaitant... vivre au pays"

5.mandatu da yes we canistrellu u 30/03/2009 20:13
perchè, ci credi veramente à sta fughjichja di Corse Matin o Circinè ?

6.mandatu da fratellu ficatellu u 30/03/2009 21:12

"Souhaitant retourner vivre au pays de leurs vacances"

7.mandatu da stefana u 13/01/2010 17:25
sta bella muntanghjuccia inguffita e stutta da isse goffezze di custruzioni chi un'anu nome!!!ch'elli siinu corsi,pinzuti o altra ghjente,l'affare è listessu!u risultatu dà u vomitu!vergonghja

8.mandatu da Avanzata u 15/08/2010 12:33
Nu salutu a tutti,
Sono calabrese ma vivo in Meurthe et Moselle, e fui n'ta vostra isola pè' vacanze d'du anni fa, a Olmeto.Girai tutt'u sud d'a Corsica e veramente fui innamoratu subitu di stu postu affascinanti. Allura v'u dicu chiaru e tondu: NON FATE i stessi errori chi si ponnu vidiri n'ta Costa Azzurra, a Costa Blanca etc...Non parramu poi di l'Italia, chi diventà nu schifu i catrame e cementu...
Pè casu, non ci saria na casetta antica, n'ta nu postu tranquillu i campagna ,cu l'orticeju pe coltivari, e nu campiceju u tegnu l'asinu, d'du gajineji e na crapiceja?
E seria sta domanda. Buon Ferragostu a tutti, (e puru all'attri.)

9.mandatu da corsu u 15/08/2010 18:18
a a scola di lecci un ghiunditicciu dumanda a un altru:quandu seti ghjunti ? ghje ,so natu qui; l'altru dice : ah bon !!! je vous connais pas ; storia vera!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta