Accueil
Envoyer à un ami
Version imprimable
Partager

Sempre di più residences secondaires...

...è tuttu u mondu hè cuntentu !



Sempre di più residences secondaires...
Un articulu esciutu in Corse-Matin mercuri si feliciteghja di a splusione demografica di L'Isula Rossa.

Cum'è in parechje cumune di Balagna o di Corsica Suttana : "le nombre de résidences secondaires a dépassé celui des résidences principales".

Ci aspettemu à un articulu parlendu di i periculi chì a Corsica cunnosce oghje :
- crescita di a demugrafia è arrivu massicciu di pupulazione frestera
- cunsequenze di e custruzzioni nove nant'à l'ambiu
- spussessu di a terra
- speculazione immubiliare
- scumpientu visuale è architetturale
- splusione di i prezzi
- perdita di i terreni agrìculi resi custruttibili
...

Ma nò, u tonu hè pusitivu : "cette augmentation du nombre d'habitants devrait permettre à la commune d'augmenter ses recettes".

Allora, si tuttu u mondu hè cuntentu di sta realità, tantu megliu !

u 6 di Ghjugnu 2010
u webmaestru



1.mandatu da U Spiritu u 06/06/2010 15:03
è nu frattempu parechji corsi s'empiani i stacchi

2.mandatu da MaPi.. u 06/06/2010 15:19
Solu conta oghje pè tutti è ancu pè i partidi naziunalisti l'ecunumia o Spiritu... e l'ecunumia so i "soldi" micca "l'armée du salut...

3.mandatu da Tux u 06/06/2010 15:36
Aghju ghjustu un rigrettu : sta ghjente ùn pò micca vutà à l'elezzioni! Ghjè una vera vergogna, un «déficit de démocratie». Speru chi Nicolas avera a bona idea di fà cio chi sara necessariu pè chi Christian et Séguéla, è tutti l'astri «corsi di core» abbianu 'ssu dirittu!
Só sicuru chi ghjè per via di stu «déficit démocratique grave et typiquement keurse» chi u Kremlin è i naziunalisti terroristi anu possutu piglià u putere.
Corse Matin deveria lancià una petizione!

4.mandatu da Anghjulufrancescu u 06/06/2010 18:51
Ghjè a "Pax Gallica"....oghje Gillucciu di Lozzi nant'à "Canal +" a più pinzuta di e "chaines francese" a dettu ch'ellu vulia ellu una "corsica di pace"......mancu u curagiu di di una "Corsica corsa e pè i corsi" hannu appaciati ancu i cerbelli.......

Tuttu và pè u megliu in Corsica.... Corse-Matin parla cume FR3 e RCFM mà dinù cume l'eletti pro francesi e cume l'eletti chi averebbinu ad esse pè i corsi...!!

5.mandatu da olive & tom u 06/06/2010 19:14
Chi fà ? [..]

6.mandatu da MaPi.. u 06/06/2010 20:11
Più nunda dà fà Olive..... Pulitica ; demucrazia ; elezzione è pè compie alienazione....mà avemu fattu 36 %, pè certi avemu vintu.........!!!

7.mandatu da ARC u 06/06/2010 21:33
@ Anghjulufrancesu...Aghju vistu ss'emisione, hè vera chi ci ghjocanu à a risa.....Quand'ellu si vede anziani d'Aleria chjamà " viulenza" à resitenza e di dinù on ne dit pas "les francais dehors"... oghje Eccu u vechju ùn sognu culuniale : i Ghjenuvese l'hannu pinsata, i francesi elli à ci hannu fatta..... Mà ùn ci scurdemu ch'avemu fatt 36 % o ghjente.....:-))

8.mandatu da ARC u 06/06/2010 22:04
* Fattu 36 %

per nunda...!!

9.mandatu da So eiu u 07/06/2010 08:55
So andatu in purtivechiu un hé micca male dinu

10.mandatu da Malagà u 07/06/2010 09:31
Pè forza è dinù pè amore, pocu à pocu a Corsica diventerà cume e Baleares, e u populu corsu cume quellu di e Baleare e forse peghju cume quellu di a "Reunion" cusi tutti i culunialisti e so so alleati in corsica saranu cuntenti , puderanu felicità l'eletti di a corsica e ancu quelli chi si dicenu naziunalisti perchè a "chi ùn dice nunda accetta"......

11.mandatu da balaninu u 07/06/2010 13:32
salute
campu in Balagna so natu qui, so corsu , ma mi n'aghju dà andà
u mo figliolu un sera micca "ile roussien" , ne "corbarais" ne de "Montitchgel" sarà tuttu fora di què ....
ci so riisciuti i meri di Balagna , i COrsi scappanu
I corsi so senza Tarra in Casa Soia
"de propriétaires Terriens nous deviendrons locataires sans bail " dicia E.SImeoni
eccu ...... ci simu
merci de faire passer ce message , c'est du vécu


12.mandatu da Muntagnolu u 07/06/2010 13:33
U mò pensà: " campà à l'usu corsu" !! Puntu e basta! Ùn ci stà più che què ò figlioli! Ùn vi scurdate chi emu fattu 36%, vole dì ch'ùn simu micca morti !!! Campà à l'usu corsu ô zitè ! Pensateci puru! Vole dì: basta i zitelli allevati cume pinzuti, basta i zitelli cù nomi francesi ... Basta di parlà in francese cù i zitelli! U francese l'ampareranu à scola o guardendu a televisione ! Ci ci vole una revoluzione .... Culturale !!! Micca armata. Chi puderanu fà contr'à què i francesi? Lutà contr'à l'impizzutisimu ghjè què chi ci tocc'à fà oghje ! Fratellenza à tutti Vinceremu !

13.mandatu da Leader charismatique u 07/06/2010 14:45
Culturale e armata ponu andà inseme o Muntagnolu. perchè ssa vuluntà di caccià una manera di più...d'altronde armata indè noi era culturale no ?? Minuritarii ùn si po fà una rivoluzione..tutale ogje esse corsu ghjè campà in corsica di qualsia si manera perchè ùn ci hè più cultura...simu à l'apertura allora trippa !!

14.mandatu da U Rossu u 07/06/2010 14:58
Culturale vole di amparà à un esse più francesi, e ne simu belli luntani...e scole l'università i media è altri gruppi d'influenza di a sucietà facenu sempre di più contra à nostra identità vera pè rimpiazza la pè una nuvella identità più floclorica e sopratuttu più francese indè u fondu....

15.mandatu da Muntagnolu u 07/06/2010 16:25
Ùn è micca una vuluntà di caccià una manera di revoluzione, ch'ella sia armata, culturale o ùn so che ! Ghjè ghjustu chi a revoluzione armata ùn la pò micca fà tuttu u mondu, di listessa manera(vogliu dì : di una manera ghjusta), e pò dipoi ha fattu e so prove disgraziosamente: iè , ogni tantu ci plasticheghjanu una casa pinzuta ma pè quante casa pinzute chi crescenu subitu à cantu ? E pò, mi dispiace, ma ùn è più cume tandu chi si facia e "nuits bleus"...
Invece chi oghje, emu u pudere di cambià e cose cù a cultura... Parlate, campate à l'usu corsu e amparate tuttu què à i zitelli di u paese. Fratellenza

16.mandatu da U Rossu... u 07/06/2010 17:40
A cultura ??? qualessa e pè quale....??? e scole so piene di pinzuti e di stranieri..incu quale hannu dà parla e praticà a nosttra cultura..,???


Ps : plasticà e case forse un basta più : per una distrutta, 10 so fatte ...Allora chi ne pensi si invece di fà saltà case e cumerci..si facia altre cose.....??? troppu umanisti saremu diventati.... !!

17.mandatu da Muntagnolu u 07/06/2010 19:01
Mi scusarete ma v'aghju da piglià l'esempiu di i magrebini, oghje inn'una classa corsa ci ne serà unu o dui à pocu pressu... Ma quessi in trà elli si ch'elli parlanu arabbu ! Scusa ô cumpà ma a cultura principia in casa soia... E pè ripiglià un pruverbiu assai cunnisciutu:" a pratica Vince a grammatica"

18.mandatu da U Rossu... u 07/06/2010 20:27
@ Muntagnolu . D'accunsentu incu tè, a cultura è a so tramendera principianu in casa e in famiglia..., ùn cuntemu nant'à altru restu mà vulia di chi tutti cio chi sparghje cumpurtementi e usi culturalle ghjè oghjè urientatu in un certu sensu , quellu di l'aculturazione, ghjè una vulintà pulitica è ùn hè un azardu...

ps : l'Arabetti elli so fieri di a so lingua, di a so fede, di a so cultura e ancu di u so razzinu... l'Occidente e ancu di più a franciaccia elli ci amparanu a noi altri di ricusà l'indentità e chjama razzisti o fascisti quelli chi volenu mantene a sustenza....!!
"c'est la sanglot de l'homme blanc"... mà avà ci n'hè una tecchja in veru. A prestu muntagnolu o "montagnardu".... :D

19.mandatu da anto u 07/06/2010 21:41
Troppu detti e micc'abastanza fatti !Pè esse corsi un basta micca a chjacculà a u cafè di a Pace !

20.mandatu da So eiu u 08/06/2010 08:06
So d'accunsentu cu tè o muntagnolu, i zitelli devenu ampara u corsu in casa è micca in scola, ma mi si pare che oghje ghjè u cuntrariu chi si passa. I zitelli facenu 2 ore di corsu in scola è doppu parlanu francese in carrughju, è ancu incu quelli chi parlanu corsu.Aghju ancu vistu certi naziunalisti chi parlavanu francese in cu i so figlioli.Tocca a noi a fa cambia e cose...

21.mandatu da machja u 08/06/2010 14:23
ARC,36% hè u specchju di cio chi volenu l'elettori di a Corsica,vole di piglia u putere di a CTC e po basta,un si parla piu ne d'indipendenza,ne di suvranita naziunale,quelli chi riprisentanu i "naziunalisti" un so revoluziunarii,ma rifurmisti,volenu cambia a magiurita per mette in piazza a burghesia,e quessu dipoi l'iniziu.
Oghje opposizione a u putere francese un ci n'hè piu in Corsica,mancu a "lotta armata"chi he una sumiglia di lotta chi serve piu u statu francese che u populu corsu.
A LLN, cum'ell' he stata urganisata un pudia che esse un fiascu,e era u scopu di certi "capimacchji" chi hanu ingannatu centinaie di partiotti e corsi sinceri,e hanu riisciuttu a tumbà issa sperànza tamanta natta in 76.
Oghje ci si vole a ripiglia a lotta ma d'un antra manera, cu ghjente sinceri e sopratuttu integri e patriotti.
U nostru Populu un hè ancu mortu.

22.mandatu da Muntagnolu u 09/06/2010 14:27
U pudere di cambià e cose ghjè u populu chi l'hà ! Chi tanti e sinificazione di i voti o di u fattu ch'elli ùn abbianu che dui ore di lingua corsa in a simana à scola i nostri zitelli ! I voti vulianu ghjustu dì chi u populu corsu è sempre vivu e in quantu à a scola, per me, l'amparera e a pratica principianu in casa... eu u corsu ùn l'aghju micca amparatu à scola ! Ùn ci vole micca à scanzà a scola ,ma ùn ci vole micca non più cuntà troppu in ella ...Fratelenza

23.mandatu da ARC u 09/06/2010 17:43
Populu ancu mortu.....mà sicuramente à l'agunia....!! Duie sfide maiò à parè meu, dui lotte impurtentissimi.....ci vole à "Ricursizazzione" tutale di i corsi mà dinù luttà contr'à scursizazzione..

24.mandatu da zuzzicabugnu u 10/06/2010 16:43
Hè vera!i naziunalisti ani "fattu" 36%! E po avali chi videmu? Circani di fà com'è i clanisti piddendu u più piazzi pussibili.
dicini ch'iddi so par a lingua corsa mà parlani francesu à l'assemblea è ancu tra di elli è puri saria à iddi à principià
dicini ch'iddi sò par fà vultà i patriotti (scuseti,i prighjuneri) corsi in i so loghi mà dopu à avè vutatu chi facini?
dicini che ci voli à dà l'impieghi à i Corsi mà i francesi sbarcani à batelli pieni è ani capu avanti u so impiegu riservatu; tutti icapi di serviziu sò francesi è facini ghjunghja tuttu u so parintatu
dicini che par cumprà o cusrtuì ci vularia a "citoyenneté corse" mà 8 eletti ùn ani mancu presu a carta d'identità corsa
Allora discorsi si mà fatti pocu par ùu dì micca

25.mandatu da Ghjuliu Ferry u 11/06/2010 07:09
@ zuzzi..."citoyenneté corse" hè ghjusta una manera d'accità u culunialisimu....fendu nice di cumbatte lu....simu digià "citoyens francais"....

26.mandatu da Muntagnolu u 11/06/2010 12:48
Ma perchè u corsu cercha sempre un culpevule à cantu à ellu? Simu noi i culpevuli ! Noi simu u populu e ùn emu bisognu ne di carta d'identità corsa ne di sapè sì i naziunalisti raghjuneghjanu in francese o in corsu ch'ò sappia ! Tocc'à u populu di trasmette a cultura, micca una decina di persone à l'assemblea ! È vera che nò simu vittime ... Ma e vittime di noi stessi ... Arricurdatevi u sinificu d'issa frasa: a populu vivu bisognu à marchjà. Fratelenza

27.mandatu da Mario Pulieri u 14/06/2010 12:42
è vero, bisogna tutelare lu territoriu, la natura e l'ambiente ingenerale per conservare la corsica e farla rimanere la più bella. lu turismo selvaggio distrugge tutto, porta ricchezza solo a pochi!
dite No alla speculazione immobiliare in corsica, no al cemento e alla distruzione della natura.

28.mandatu da zuzzicabugnu u 16/06/2010 16:03
Ùn hè micca u fattu d'avè o no una carta d'identità corsa chi impreme;mà, dapoi anni è anni ci hè un listinu induva si poni (si devani) fà scriva tutti i corsi o amichi di a Corsica chi ani sceltu i nosci usi è i nosci reguli.Stu listinu hè statu fattu par permetta di vutà par scedda u nosciu distinu A l'ora d' oghji ùn ci so che 4000 scritti!
Ch'aspettani quidd' altri?

29.mandatu da machja u 17/06/2010 11:05
T'aghju da di cio ch'elli facenu l'altri!
Seguitanu i cunsiglii di i nostri eletti, ch'elli sianu di femu a corsica o di corsica libera,chi dipoi quarant'anni ci portenu di fole in canzone,e si servanu di u populu corsu,di a LLN,di i clandestini,di u Fronte e di tutti i patriotti sinceri, per fa i so affari.
E chi sin'a oghje hanu riesciutu a fa crede a 36 % di i nostri che a so lotta era ghiusta e pudia sbuccia nanta un indipindenza di u nostru paese,ma di quessu un ne volenu.
So elli chi un volenu mica chi i corsi si scrivenu nantu su listinu,perche seria a fine di a supràna di quàlchi capimacchji, di a burghesia chi un hanu mai vulsutu da u putere a u POPULU CORSU

Novu cumentu :