Accueil
Envoyer à un ami
Version imprimable
Partager

Sempre l'orìgine corse di Kadhafi : u web si scatena

L'infurmazione publicata da u situ bakchich.info hè stata ripigliata è face u giru di u web. A so videò si ritrova nant'à i sfarenti blog è forum è Alex Alessandrini hè diventatu una celebrità cù u so pull adidas. Stu puttachju, mischju di pippol esòticu trà Corsica è Libbìa hà l'aria di piace à i francesi. Ma sopr'à tuttu pè ridesine di noi...



Kadhafi u corsu... Quessu u puttachju ! Cum'è prevista, u buzz face u so effettu. A videò di Bakchich hè stata vista più di 11.000 volte in trè ghjorni, è ùn ne simu ch'è à u principiu.

Un elementu fundivu di u net hè a facilità di ripruduce l'infurmazioni. Un simplice "copié-collé" hè si face u giru di u pianeta.

Cusì, l'infurmazione publicata trè ghjorni fà alimenta i blog è e cunversazioni nant'à i forum. I giurnalisti di media più prestigiosi è di più grande difusione ripiglianu anch'elli a nutizia.

Ma forse pè curciura giurnalistica, pochi facenu u sforzu d'interrugassi veramente nant'à l'infurmazione è si cuntentanu di ripiglià ciò ch'ellu dice Bakchich.

Femu una piccula rivista di web :

U giurnale Libération ripiglia l'infurmazione senza ùn purtacci nunda di novu.
Da l'altra parte di u Mediterraniu, hè listessu pè u situ Afrik.com ch'ùn porta nunda nè mancu pè u situ Lakoom.
Solu nant'à RTL un giurnalistu hà fattu u sforzu d'andà à circà a famiglia Preziosi pè dumandalli u so parè.
Ancu u JDD hà mandatu un inviatu speziale in Vizzani ma ùn ne sorte nunda di novu.

A "blugusfera" si cuntenta di ripiglià u famosu filmatu dettu "d'Alex Alessandrini in survêtement" ; fidighjate quì ma dinù quì è infine quì.

Pè compie, nant'à "Yahoo questions réponses" l'infurmazione hè cummentata nant'à u modu ridiculu.

Allora ? Veru scoop, puttachju o magagna, per avà u web ùn hà a risposta è cuntinueghja di girà in tondu...

u 19 di Farraghju 2008
u webmaestru



1.mandatu da GWM u 19/02/2008 18:03
ié mà GL Leca ?

2.mandatu da Petru-Anghjulu u 19/02/2008 18:58
Ci vole sempre ce tutti i ghjurnalisti ripigliinu l'infurmazione, c'he a so arte

3.mandatu da Jean-Louis Laca Corre u 19/02/2008 19:26
Leca ? ahè, laca corre...

chi buttacciu

4.mandatu da estrimei u 19/02/2008 21:36
chi he un buttacciu?

5.mandatu da Jean-Louis Laca Corre u 20/02/2008 00:11
o estrimei, tù ùn ai micca fidighjatu à Nantes - Bastia eri sera, chè ?

ai fattu bè... ma ai mancatu un veru "buttacciu"

6.mandatu da estrimei u 20/02/2008 08:01
un so micca un passiunatu di ballo e so assai criticu 'ncu e squadre "naziunale".
speru chi buttacciu un he un "but"+acciu.
'nu i tempi c'era una canzona d'ellezzione chi dicia:""per crepà cumme buttacci
site sottu e ci'ole a stacci "

7.mandatu da Jean-Louis Laca Corre u 20/02/2008 12:13
è cosa vole di "crepà cume buttacci" ? chi ghjè un buttacciu ?

8.mandatu da estrimei u 20/02/2008 18:36
a l'adecec dicenu chi u buttacciu he u suffiettu per dà l'aria a a stazzona.
ma mi pare chi qui ,in castagniccia ,u buttacciu he dinu u ruspiu -so chi dà un sensu a sta canzona d'ellezzioni-

9.mandatu da GWM u 21/02/2008 14:10
buttacciu, di buttà, cum'è in buttafocu ?

Novu cumentu :