Accueil
Envoyer à un ami
Version imprimable
Partager

Senza casa in Cala Longa è senza Rolex, si pò riesce a so vita ?

U spezialistu di a frittella (primu giru à manca, segondu giru à diritta !) vene di cappià una nova bomba per difende u so amicu Sarkozy. È senza villà in Cala Longa o Séguéla, l'ai riesciuta a to vita ?



Interrugatu nant'à u caratteru bling-bling di u so amicu Sarko, eccu cumu Séguéla difende u presidente francese : "Comment peut-on reprocher à un Président de la République d’avoir une Rolex ? Enfin, tout le monde a une Rolex ! Si à 50 ans on n'a pas une Rolex on a raté sa vie !"

È pè e Ray-Ban dumanda u giurnalistu ? « Des lunettes à deux balles ! »

U milione è mezu di RMIsti in Francia apprezieranu.

Da quì à una vintina d'anni, Séguéla firmerà cum'è un sìmbulu di l'anni Sarkozy : a riescita passa per i soldi è ci vole sopr'à tuttu à mustrà ch'è vo n'avete di più ch'è l'altri.

Durante a so campagna, Sarko avia prumessu di rialzà u valore di u travagliu. Mettendu in avanzu ghjente cum'è Clavier, Séguéla o Tapie, face tuttu u cuntrariu. Evviva a sbacca è u soldu. Evviva l'apparenza, a superiorità è u disprezzu di quelli chì anu i soldi nant'à e povere closce chì s'arrizzanu a mane pè travaglià à bon'ora.

È hè tutta sta ghjentaccia chì face custruisce a so villà en Corse in Sperone, in Piantaredda o in Balagna... Ma ch'averemu fattu pè scunfinisceci tutta a feccia di l'umanità !

In tantu, s'è vo site veramente in listessu trip ch'è Séguéla ma ch'è vo ùn avete micca u listessu contu in banca, sappiate chì false Rolex si ne trova in vendita à 20 euros in fondu di a Piazza Santi Niculà, Bastia.

Senza casa in Cala Longa è senza Rolex, si pò riesce a so vita ?

u 20 di Farraghju 2009
U Sgaiuffu, sempre senza Rolex nè Cayenne



1.mandatu da Heliofobu u 20/02/2009 03:50
Per ripiglià u nostru fratellu Petru Deprosgi, "O Jacques Séguéla hè un catinu, è mi stunarebbe appena ; o Jacques Séguéla un'hè micca un catinu, è mi stunarebbe quantunque assai !"
A l'epica... Un visiunariu...
Petru sempre vivu !

2.mandatu da bertrand u 20/02/2009 09:48
purtantu, Séguéla ghjè un "amicu di a Corsica", li piace a nostra isula, à tal puntu chi hà decisu di vene à stallassi ind'è noi.

segondu a definizione di a "communauté de destin" duveria esse cunsideratu anch'ellu cum'è corsu, nò ? ùn hè cusi ?

3.mandatu da ZIU ANTO U PURCAGHIU u 20/02/2009 11:16
Ma chi n'avemu da fà di si stracsi di seguela di kouchner hè di tanti altri ? ? ? noi in COrsica ci cuntintemu di emile zuccarelli di santini h' di cameddu . . . . .

4.mandatu da estrimei u 20/02/2009 12:05
o ZIU ANTO U PURCAGHIU ,
iè, ma zuccarelli , santini,e u conte di Cala Purcina ,hanu forse a Rolex , ma un passanu micca a " vivement dimanche "; he ghjustu , ghjustu , s'elli ponu sparte u " mesciui lumiacciu "'ncu a Culli Stretta chi di tantu in tantu bene a assicurassi so simu belli domi.

5.mandatu da estrimei u 20/02/2009 12:07
........u bene a assicurassi so simu belli domi.
..........u vene a assicurassi so simu belli domi.

6.mandatu da filidatu u 20/02/2009 17:51
cinqu'ore di matina
in a cità a notte
è sempre senza fine
ricumencia a sorte
da a casa à l'usina
cusì sin'à a morte
sole sole 'sse mani quì
sò tracarche di pene
sole sole 'sse mani quì
sò sulcate di vene
sole sole 'sse mani quì
meriteranu un avvene

'ssa canzona di a filetta m'hè venuta in mente subitu subitu leghjendu 'ssarticulu è dopu leghjendulu torna m'hè venuta in mente chì seguela hè un catinu è chì u megliu hè d'un parlanne più perchè chì parlendu d'ellu li si dà una impurtanza ch'ellu ùn hà micca

7.mandatu da Heliofobu u 20/02/2009 19:29
Stu grapulax hà dinù fattu vince quellu brav'omu di manca (!) di Mitterand ! Da riffleteci...

8.mandatu da altore u 20/02/2009 21:12
pè u catinu di l'annu hè troppu tardi o si vota sempre... avemu u nostru campione...

9.mandatu da Ghjuvan' Filici u 21/02/2009 12:24
È dopu 'ssu caghjaronu di Seguela dici in Corse-Matin ch'ùn mireta micca : "l'opprobre des Corses".

Ghjusta. Si mireta piuttostu u palu. È micca chè di i Corsi.

U PALU PÀ A SEGA !!!!!!!!!

10.mandatu da piratella u 21/02/2009 22:51

Rolex o micca, quandu omu hà a tencia è u sennu di a Sega, era ancu megliu à ùn nasce micca à imbruttacci l'ochji è l'arechje!!


11.mandatu da claviercristian u 23/02/2009 18:18
ci vole à fà un telethon pè Seguela, chi ci hà lasciatu e ruffie in Corsica u corciu!!! è solu una persona l'hà chjamatu; s'avia u so numeru l'avia chjamatu eo, lampu una chjama truvate mi u so numeru pè piace!!!

12.mandatu da aghjagraccà u 25/02/2009 20:39
ma chi sumeri sti tippi chi parlanu nant'a i nostri giurnali!!!!!
eiu seria per supprimà a CORSE MATIN sta merda di giurnale chi dà a SO VERSIONE DI A REALITA falzissima!!!
serai per un leghje piu stu stracciu chi porta a parolla di quelli chi ci arruvinu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta