Accueil
Envoyer à un ami
Version imprimable
Partager

Senza precura ùn si pò stà

In Corsica, ancu di grazia ch'è no avemu a passione di e precure. Ch'o sinnò, ci annuierebbimu appena.



Senza precura ùn si pò stà
L'elezzione di u presidente di u Cunsigliu Generale di Corsica Suprana era l'evenimentu di u ghjornu. Sin'à u terzu giru, ci annuiavamu appena. C'era un candidatu à diritta (Jean-Jean Castellani), dui à manca : François Orlandi (piuttostu sustenutu da Giacobbi) è Jacky Padovani (piuttostu micca francamente sustenutu da Giacobbi).

Ma nunda di strasordinariu. Appressu à tuttu, a diritta ùn hè divisa (à u pianu corsu cum'è à u pianu francese) ? I naziunalisti ùn sò i campioni di a divisione (quale hè capace di cità à mente i nomi di tutte e liste è i partiti naziunalisti à a fine di l'anni 90) ?

L'elezzione si passava tranquillamente. Eppo à u terzu giru, hè ghjuntu l'affare dettu di a precura di Joseph Castelli, l'anzianu presidente di u CG2B, chì ùn era presente.

È ancu di grazia ch'ellu ci hè sempre qualchissia chì pensa à e precure per animà i scrutini troppu tristi !

Senza precura ùn si pò stà

Nanz'à u votu, un tweet di RCFM ci dice chì Joseph Castelli ùn vuterà :


...o micca.

Allora chì i cunsigli generali s'approntanu à vutà à u terzu giru, una surpresa ghjunghje per fax :


A precura hè per Michel Mezzadri, cunsigliere generale di... Venacu.

Senza precura ùn si pò stà

Amparendu quessa, Jacky Padovani tira i salti : "je suis d'autant plus surpris que j'ai dans ma poche, et ce depuis une semaine, une procuration de M. Joseph Castelli à mon nom !"


I filmetti :


Ci credimu in un episodiu di House of Cards, ma in peghju :


Hè surrealistu : à l'elezzione di u presidente di u Cunsigliu Generale, ci sò dunque... duie precure di l'anzianu presidente.

Chì s'hè passatu ? Qualessa hè a vera ? Ci ne serà una terza chì ghjunghjerà ? Ùn si capisce più nunda.


Nant'à Twitter si vede ancu u hashtag #NousSommesJacky, in sustegnu à Jacky Padovani.

In fine di contu, François Orlandi dumanda ch'ellu ùn si teni contu di sta precura. Michel Mezzadri annunzia ch'ellu ùn vuterà micca per Joseph Castelli.

François Orlandi hè elettu (15 voti per ellu, 11 per Padovani) è ùn ci serà più storie. I sette voti di diritta si sò spartuti (trè per Orlandi, trè per Padovani, unu ùn hà vutatu).

I dui candidati facenu a pace :

Senza precura ùn si pò stà

Ma u spetàculu ùn hè statu bellu :

Alta Frequenza parla di pulitichella. Nant'à RCFM si parla di "panier de crabes". Jacky Padovani dice à Corse-Matin : "Giaccobi a tout fait pour faire élire François Orlandi" è à Corse Net Info : "Je suis prêt pour le match retour".

Per mette appena di più d'ambianza, a diritta ella parla di pressione è di... "califat".

Per finisce, sappiate ch'ellu si torna à vutà da quì à dui mesi per e cantunale, è dunque ch'ellu si turnerà à vutà per a presidenza di u Cunsigliu Generale.

Bon curagiu.

u 20 di Ghjenaghju 2015



1.mandatu da acquaviva u 22/01/2015 08:11 (da un teleffuninu)
Cume si po vuta per ghjente simule:corciu paese un avite nunda a fa!!!

2.mandatu da Paulo u patrone di u Cismonte u 22/01/2015 10:23
Qual'hè u patrone oh ghjente ????

3.mandatu da J+1 u 23/01/2015 10:00
L'homme du match : Paul Giacobbi

4.mandatu da Luca u 23/01/2015 14:33
Ghje a pulitichella chi ha tombu a corsica

5.mandatu da ossau u 23/01/2015 16:41
On ne s'ennuie jamais en ces lieux, u spettaculu è permanente, réjouissons-nous d'avoir en ce théâtre une si brillante troupe

6.mandatu da on s'aime u 24/01/2015 11:50
E a diritta chi mette in piazza l'omu di Giaccobi

7.mandatu da tettè u 24/01/2015 17:43
s'ellu ci facia di tantu in tantu una cunferenza nant'à Proust, seria megliu chè tutti sti prout.....

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta