Accueil
Envoyer à un ami
Version imprimable
Partager

Serata pè A Piazzetta : à ringraziavvi à tutti !

C'era Helmut Fritz in Bastia ma c'era u mondu ancu in Vallecalle pè A Piazzetta. Grazia à tutti quelli chì eranu presenti, un nùmeru di u giurnale hè finanzatu !



Serata pè A Piazzetta : à ringraziavvi à tutti !
Grazia à a vostra presenza in Vallecalle, un nùmeru di u giurnale hè assiguratu !

Malgradu a cuncurrenza d'un'orribile serataccia in Bastia piazza San Niculà, di u Mundiale è di TF1, ci hè statu u mondu in Vallecalle pè sustene A Piazzetta.

Una serata sèmplice è nustrale cum'ellu si ne duveria vede più spessu : paghjelle, comptoir, musiche è canti corsi. What else ?

Ringrazi à tutta a squadra di prima trinca chì hà riesciutu l'operata, à a merria di Vallecalle, à Cathy, Louis, Maryse, Marie-Pierre, u gruppu Sciappittana, Barbara Furtuna, a panatteria Santa Divota in Borgu, Lisà, Pippò, Carole, à tutti i canterini, à quelli di u comptoir chì anu assiguratu una ambianza tremenda è à tutti quelli chì anu fattu u sforzu di vene, certe volte da luntanu. Postu ch'è no ci semu ringraziemu ancu à Raymond Domenech.

Grazia à voi tutti, u giurnale cuntinuverà à campà !

u 29 di Ghjugnu 2010
U Webmaestru



1.mandatu da Culomba u 29/06/2010 08:05

Bravi, cuntinuvate à fà vive a lingua è a risa

2.mandatu da u spettatore u 29/06/2010 10:11
Bravu à tutti!!! E ch'ella cuntineghja à campà a nostra lingua!!!

3.mandatu da bud weiser u 29/06/2010 10:23
ma sopratuttu ci semu campati! chi ambianza! e paghjelle e i canti anu ribumbatu sin'a tardi in a notte: A QUANDU A PRUSSIMA ?

4.mandatu da lacoupole u 29/06/2010 17:22
Saveriu Bonci hà cantatu le petit bonhomme en mousse?? à un'epica era a so canzona preferita

5.mandatu da U Rossu... u 30/06/2010 18:08
Ghjera una serineta Camif....

6.mandatu da Pumatongs u 30/06/2010 23:37
Iè, eppo ci era ancu un pumataghju Bosciu, in short è mocassins, a faccia rossa imbacaricciata è cù a marca bianca bianca di i spechjetti di sole... Mi si pare d'avellu ancu vistu pè u Palazzu in Corti....

Sti Bosci sò veramente i più forti....

7.mandatu da birkenstamp u 02/07/2010 00:17
cumu serà chi l'amicu estrimei ùn ci hè cullatu à a festa di A Piazzetta ?

8.mandatu da avulpaccia u 19/10/2010 17:05
Sò sicura chì quelli chì sò andata annant'a a piazza, sò ghjelosi.

bon'ùn la sapia micca prima chì era per u ghjurnale, sò stata invitata dà un parente chì hà cantatu .... , dopu era ancu di più cuntenta .... cusi ùn vi francate, eppò sì pò sempre fà usu di a lingua (hà u scrittu) , é di leghjella ancu di piu ne.

Eppò a l'anticà serate comptoir tamantu comptoir! humm i ghjacci sò ghjacci .... ùn tenianu tantu ...mdrisa

BASGII

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta