A carriera di Kalashnikov hè puru semplice. L’omu vulia diventà ingeniore agriculu ma tandu ghjunse a guerra, a « grande guerra patriotica » cumu a chjamanu sempre oghje i nostri amichi Russi. Inchietu di vede chì l’Alemani pigliavanu a suprana incù a so superiorità tennica, soprattuttu in ciò chì si trattava di i fucili d’assaltu, Mikhail, ancu dopu à a vittoria di u so paese, s’inchjuccò di custruì un'arma efficiente, sigura, soda è à bon pattu. Creò dunque un fucile chjamatu l’Avtomat Kalachnikova in l’annu 1947, cusi dettu AK47.
Quellu fucile diventò un simbulu di a segonda metà di u 20imu seculu, pruduttu à decine di milioni d’esemplarii, l’arma a più sparsa in u mondu, spezialmente in u Terzu mondu, perchè ùn s’incruchjava guasi mai è pudia tirà sott’à l’acqua, in a rena, è custava pocu.
Allora quandu si vede ancu chì oghje hè diventata l’arma di i sgaiuffi è maffiosi di ogni sterpa, hè chì Mikhail pò esse cunsideratu cume rispunsevule di milioni di morti, ramintemu chì u tippu dicia sempre : « Hè colpa di l’Alemani s’o aghju concepitu l’AK47, aghju vulsutu difende a mo patria è dormu propiu bè a notte ! Ma hè vera chì m’averebbe piaciutu di più di custrui qualcosa d’utile cume una tundosa ».
A ringrazià ti o Michè, tù chì si statu l’omu più dicuratu di Russia, è chì ai finitu generale, forse seria statu in un altra vita u capizzone mundiale di u materiale di giardinu.
Quellu fucile diventò un simbulu di a segonda metà di u 20imu seculu, pruduttu à decine di milioni d’esemplarii, l’arma a più sparsa in u mondu, spezialmente in u Terzu mondu, perchè ùn s’incruchjava guasi mai è pudia tirà sott’à l’acqua, in a rena, è custava pocu.
Allora quandu si vede ancu chì oghje hè diventata l’arma di i sgaiuffi è maffiosi di ogni sterpa, hè chì Mikhail pò esse cunsideratu cume rispunsevule di milioni di morti, ramintemu chì u tippu dicia sempre : « Hè colpa di l’Alemani s’o aghju concepitu l’AK47, aghju vulsutu difende a mo patria è dormu propiu bè a notte ! Ma hè vera chì m’averebbe piaciutu di più di custrui qualcosa d’utile cume una tundosa ».
A ringrazià ti o Michè, tù chì si statu l’omu più dicuratu di Russia, è chì ai finitu generale, forse seria statu in un altra vita u capizzone mundiale di u materiale di giardinu.
I più belli tweets di François Fillon
