Accueil
Envoyer à un ami
Version imprimable
Partager

Si n'hè andatu Santu Casta



Si n'hè andatu Santu Casta
Hà fattu u so ultimu viaghju Santu Casta, prufissore di corsu, pueta è scrittore di rinomina.

Santu Casta, chì hà participatu assai à u Riacquistu, era cunnisciutu per i so talenti literarii è a so cunniscenza prufonda di a lingua.

Hà lasciatu daretu à sè mori scritti chì ghjuvarani à e generazione da vene.

Scritti pedagogichi : a cullizzione "Lingua viva" scritta 20 anni fà hè sempre usitata in i culleghji è licei di Corsica oghje chì hè oghje.

Scritti linguistichi : "La syntaxe du corse" è "Punteghju" par migliurà è misurà e so cunniscenze nantu à a lingua.

Scritti di traduzzione : hè dinù par via di u so travagliu chì "Le petit prince" hè divintatu "U Principellu"

Scritti literarii : "Rise è Frizzure, è più tardi "L'acelli di u Sarriseu", "U ingallaratu", tutt'è dui premii di u libru corsu in 2011, conta a storia d'un paisanu corsu chì parte par à guerra in u 1940. Sarà siguitatu in 2013 da "Maria Stella", chì conta u so ritornu di guerra è a ricerca di a so fidanzata...

Ma aldilà di i so scritti, Santu Casta era un'omu chì ùn pudia capì issa generazione appiccicata à i screni di i tilifunini, ellu chì fighjulava è s'intarissava à tuttu in giru à sè. Cacciadore passiunatu, u so vissutu si vidia in ogni scrittu. Basta à leghje "Nuvelle animalesche" o qualchì passaghju di "Acillaria" par induvinà u so sensu di l'ussirvazione è u sguardu rispittuosu è smaravigliatu ch'ellu purtava annantu à a natura :

"Sturnelli, sturnellacci, annaspavate par stu celu, lestri lestri, è ci smaravigliaste assai caliendu o alzighjenduvi d'un colpu, passavate è viniate senza mai piantà, è turravate à passà à taglioli niricci finamente à l'annuttà, è po, d'un colpu, vi spuniate..."

u 5 di Farraghju 2014
U Pettirossu



1.mandatu da henry smart u 06/02/2014 00:22
Riposi in pace è à ringraziatti per i to scritti !!

2.mandatu da MARIELLI Antonu u 06/02/2014 13:36
Un gran'pueta. Li feraghju un omaggiu à i trè cuncerti di Diana di l'Alba in Portivechju, Bastia è Aiacciu.
Aghju missu in mùsica quattru di i so puesie : " u Screnu", " Trè Castelli", "Rughjoni" è "Malacella".

Riposa in paci, u me amicu.

3.mandatu da anto u 06/02/2014 16:43
Ch'ellu riposi in pace ,l'omi cusi so di piu in piu scarsi

4.mandatu da u 06/02/2014 19:46
...è iè, tutt'inghjunu chì more ghjè un bravu tippu!

Santu CASTA bravu tippu ? A dilla francaùn hè micca ciò chì c'intaressa. Avia u so carattaru appena estrosu (cum'è noi tutti?), era d'un altru seculu, d'una Corsica altra, impastatu di Corsica paisana è di cartesianisimu francese. Un omu di qualità, di alta qualità.

Eppuru sta qualità ùn l'emu micca sfruttata, l'emu lasciata da cantu ("Casta hè stranu"), l'emu guasi disprezzata chì scumudava cusì tantu (capite, u troppu di cumpetenze ...STROPPIA).

Ci lascia quantunque un opara chì ghjuvarà à tutti i patriotti chì pensanu chì a lingua HÈ a sima di a casa cumuna CORSICA ch'è no dimu custruisce.

Piccatu l'umaggiu si face sempre quand'ì a parsona ùn hè più quì...

Cumu hè chì issi puntelli di a lingua, di a lotta, cum'è Santu CASTA, Ghjuvanteramu ROCCHI, Rinatu COTI, Pasquale MARCHETTI,Ghjuvanghjappu Franchi ..... Ùn sò stati insignanti à l'UNIVERSITÀ DI CORSICA?
Troppu cumpitenti? Troppu sapè? Troppu corsi? Un troppu chì l'hà struppiati...

Un troppu chì ci hà struppiatu à tutti.

5.mandatu da Ghjuvanluca u 07/02/2014 20:06
Bellu e originale ù to cummentu o "nò".So d'accunsentu.
Eu nun cunuscia micca issu intelletuale Corsu.L'ignoranza e tutta mia, a sò ,ma di piu facenu a luntananza e u mare, chi separanu le nostre duie isule(Corsica - Sardegna) e ancu ,le nostre storie,i nostri eroi normali.Cume quessu Santu Casta ,chi eu un cunuscia. A sò ginerazione a fatto u miraculu di resuscità l'anima moribonda di a Corsica in l'anni 70 (U Riacquistu).Un Esempiu pè L'avvene.L'omini cume à ellu Sò eterni.

6.mandatu da henry smart u 07/02/2014 20:44
Eiu un Lu cunniscia. s'ellu era un bravu tippu un a so ?
u ringraziava per i so scritti è basta chi l'aghju in casa è m'accade spessu di sfuglittalli !

7.mandatu da amicu u 10/02/2014 16:22
era stranu? NIMU UN SI RAMENTU chi u so fiddolu era statu assassinatu

8.mandatu da misgiacciagavignaninca u 15/02/2014 20:12
A Diu amicu, ringrazzi e rincunicenzza per tuttu cio che tu ai fattu per nostra lingua. Riposta in pace.

Novu cumentu :