Accueil
Envoyer à un ami
Version imprimable
Partager

Sigondu giru di l'elezzione presidenziale : s'appronta a Corsica

Una settimana fà, a maiò parte di i Corsi vutavanu à Marine Le Pen cù 27,88% di i voti. A Corsica hè dinù u rughjone induve l'astentiunisti funu i più numerosi, o ancu quellu induve Jean Lassalle hà fattu u sò più grande risultatu. È avà, cumu s'hà da finisce ?



Marine Le Pen sempre in testa ?

Forse chì in Corsica sarà sempre u casu.
À u primu giru, Marine Le Pen hà ottenutu 27,88% di i voti. Emmanuel Macron ellu, ne hè solu à 18,48% : trà i dui candidati, ci sò quantunque guasi 15.000 voti.
Di più, sò pochi l'altri candidati à avè chjamatu à vutà à Macron (solu Hamon). Nicolas Dupond Aignan ellu, sustenerà è vuterà à Le Pen.
Ancu puru s'è parechji pulitichi corsi cum'è Gilles Simeoni anu chjamatu à vutà Macron, sarà difficiule per u candidatu di u muvimentu « En Marche » di rifà u so ritardu in Corsica.

L'astensione sempre in crescita ?

À u primu giru a Corsica era dighjà u rughjone induve c'era u menu di vutanti (32% d'astensione).
Di manera logica, l'astensione duveria esse torna più putente da quì à una settimana.

Primu, ci sò i naziunalisti chì dumandanu à i Corsi d'ùn andà à vutà, cum'è u Rinnovu, Jean-Guy Talamoni (chì dice quantunque chì s'è omu vole veramente vutà, ci vole à sceglie à Macron) o u sindicatu studientinu Ghjuventù Indipendentista.

Sapemu dinù chì certi naziunalisti è certe persone chì si n'impippanu di a pulitica avianu vutatu à Jean Lassalle (guasi 6% in Corsica, chì vuterà biancu u 7 di maghju prossimu) perchè u tippu era bravu, s'hè fattu una pastizzata è hà messu un bassu tremendu in Auccià un mese fà. Quessi ùn vuteranu nè à Macron nè à Le Pen.

Dopu, ci sò i candidati ch'anu persu chì sò pochi à avè sceltu trà i dui finalisti di isse elezzione. Per esempiu i militanti di Jean-Luc Melenchon o di Philippe Poutou (s'ellu ci n'hè, ùn si sà maì !) chì devenu fà a scelta trà « u fascisimu » o « u candidatu di e banche » ùn vuteranu micca.

À l'ingrossu : u 7 di maghju prossimu, ci seranu i Corsi chì vuteranu à Le Pen (collabos ?), quelli chì vuteranu à Macron (militanti o pè fà barrage ?), quelli ch'ùn vuteranu micca (naziunalisti o stumacati di pulitica ?).

È voi, quale site ?

u 4 di Maghju 2017
Maì Jerricane



1.mandatu da PAISANU u 05/05/2017 09:37
i collabo votenu pa i banchi e a mundialisazioni

Novu cumentu :