Accueil
Envoyer à un ami
Version imprimable
Partager

Sin'à induve anderà Giacobbi ?

Paul Giacobbi hè favurèvule à un statutu di "residente corsu" è l'hà ricunnisciuta nant'à France 3 : a Corsica ùn appartene più à i Corsi... Per Nicolas Alfonsi, stu statutu di residente serà plasticatu da u Conseil Constitutionnel.



Sin'à induve anderà Giacobbi ?
Paul Giacobbi avia digià cappiatu a bomba a settimana passata nant'à u statutu di residente corsu per pruvà d'impedisce a spatrunizazione di a terra corsa (da leghje in Corse-Matin di u 6 d'aprile).

Sapemu chì in certi lochi di u liturale, a grande magiorità di i pruprietarii ùn sò micca Corsi.

À cuntrastu, Paul Giacobbi hà cuntinuvatu in sta via. À a dumanda di Joseph-Guy Poletti "vous partagez l'idée suivant laquelle la Corse ne sera plus aux Corses ?", hà rispostu : "Ah oui. C'est statistique, malheureusement..." (da vede nant'à u situ di France3)

Nicolas Alfonsi ellu dorme tranquillu. L'hà detta à 24 Ore, u statutu di residente ùn li face paura : « Tout le monde fait semblant d’y croire mais tout le monde sait que le statut serait pulvérisé par le Conseil Constitutionnel... »

Allora, quale hà da vince ? Chì mette in stu statutu di residente ? Philippe Gildas è Christian Clavier dinù ponu esse cunsiderati cum'è "residenti corsi" ? È cumu evità ch'ellu sia plasticatu da u Conseil Constitutionnel ? U dibattitu cuntinuveghja...

u 10 d'Aprile 2011
U Webmaestru



1.mandatu da KÜG u 11/04/2011 01:00
una Custituzione, si po cambià.

2.mandatu da Fasgiolu u 11/04/2011 02:05 (da un teleffuninu)
Speremu ch'ellu si ghjunghjerà a qualcosa e ch'ellu n'he micca "un effet d'annonce" !
Per una volta, forza giacobbi !!!

3.mandatu da estrimei u 11/04/2011 07:45
so chi he sicuru , he chi stu colpu , un aemu micca lecca culi a a testa di a ctc !
ancu s'ella pruatu a muntacci a segga (appoghju di Mosconi a u conte di Cala Purcina) Giacobbi c'ha datu a prova ch'ell'era accerbelatu e ch'ellu sà so ch'ellu dice.
Alfonsi si n' "appella" a u cunsigliu cunstituziunale ? Giacobbi ricunosce (ancu s'ellu a veste) so ch'elli chjamanu a "colonisation de peuplement " .... e he unaffarone pe a cuscenza naziunale.

4.mandatu da estrimei u 11/04/2011 07:59
"ancu s'ella pruatu" :ancu s'ell 'ha pruatu

5.mandatu da giacobbonaziunalistu u 11/04/2011 08:22
Chì miraculu ! Giacobbi averia vutatu à Angelini...Hè forse a prima volta chì u capu d'un "partitu tradiziunale" parla di sta manera à a televisiò. Segnu chì si ponu cambià i raporti di forza in stu paese, cù u travagliu. Aspettemu à Simeoni in Bastia è dopu attaccheremu a cità d'Aiacciu

6.mandatu da ANTO u 11/04/2011 09:50
a sapete chi Venacu hè u paese di l'impussibile allora tuttu po accade !

7.mandatu da topupinutuscemu u 11/04/2011 11:05
cumu dicia Carlu Pasqua " e promesse impegnanu chi quelli chi ci credenu"...

8.mandatu da circinelludiguagnenativupèliguagnesusosanguaversatu u 11/04/2011 11:51
appinuccia di autosatisfazzione quantunqua: FORZA CL !!! chì riesce à fà passà e so rivindicazione di l'ultima campagna !
Ancu s'è ùn hè ancora a "citadinanza corsa" è s'è femu a corsica era contru, à l'epica (!) ... Avà tuttu u mondu ci travaglia !

9.mandatu da Guidu u 11/04/2011 13:33
Hè a dimustrazione chi i naziunalisti avianu ragiò dapoi u principiu....

10.mandatu da Zeruffu u 11/04/2011 14:52
Alfonsi buciardu cum'è sempre. Cum'è tutti i vechji castratoti prova à impressiunà a ghjente pocu struita è quelli chi ùn cunnoscenu u dirittu.
Hè perfettamente pussibule di crià unu statutu di residente incù unu statutu generale d'autonomia. In a Custituzione francese, c'hè unu capitulu apposta pè e cullitività à statutu specificu (pulinesia per indettu). S'è u prossimu statutu di a Corsica hè privistu quì, u Cunsigliu custituziunale ùn hà nulla à dì.
Quandu si hè trattatu in Francia d'aduttà a leghje nant'à parità Omi/Donne, u Cunsigliu si hè uppostu. Ma dopu hanu cambiatu a Custituzione (l'articulu 1 pè esse precisu) è l'affare hè statu fattu.
Alfonsi : a guardia di daretu chi guarda...daretu.

11.mandatu da questione u 11/04/2011 15:20
angelini un dice niente a nanta u statutu di residente : bizzaru !!!! in fattu un dice niente su niente
aghju intesu a giacobbi ricunosce u populu corsu nanta una radio e negalu a nanta una antra radio anni fa
aghju intese a simeoni esse contra u corsu ubligatoriu !!!

cà varie !!!!!

12.mandatu da nuit bleue u 11/04/2011 15:30
L'evoluzione di a pulitica di Giacobbi un mi surprende mica, in lu sensu, ch'ella viaghja cu quella di l'elettore corsi, e di u ritornu pussibile di a manca a u livellu naziunale francese.
Giacobbi e l'altri, alliscianu in lu sensu di u pèlu u pertitu sceltu per una maio parte di a pupulazione corsa, e un pensu ch' ella hè per cunvinzione persunale, ma ci si vole u ricunosce che l'omu sa nutà.
Oghje ch'elli so torna a u capu di a CTC cu i so amichi cuministi, i clanisti d'eri so pronti a accità tutti i cambiamenti ch'elli ricusavanu, quand'ell' eranu pruposti da un pugnu di "terruristi"
Tantu meiu per noi, ma chi tempu persu, tempu e omi, e vite e sperenze, hanu spassatu d'un colpu di mane 40 anni di lotta, per ghjunghje a u stessu risultatu, cu una sfarenza smisurata, che a pruposta vene da elli.
E dumane, se u cuntestu hè adàttu seranu pronti a andà ancu piu luntanu, fussi la puru !

13.mandatu da estrimei u 11/04/2011 16:44
o zerù,
dici :"Alfonsi : a guardia di daretu chi guarda...daretu. ". ti sbagli, Alfonsi face ommancu 40 anni ch'ellu campa di pulitica e passa u so tempu a fassi una maggiurità pe e senatoriale (un senatore, i tocca in veru ! )
a questione
dici : "aghju intese a simeoni esse contra u corsu ubligatoriu !!! "
si sicuru , quandu , qualessu u Simeoni ?
o nuit bleue ,
u culpevulle he u Populu. s'ell'era piu rispunsevulle per sceglie i so elletti , s'ell'un si suttumettia e ch'ellu li dumandava i conti di tantu in tantu , l'affari anderianu megliu .
a disgrazia he ch'elli so troppu numerosi quelli chi li leccanu u cullu pe avè una piezza, un serviziu, o per fassi vee .
c'he da sperà chi tutti i nostri cuntrasti piglierà cuscenza.

14.mandatu da questione u 11/04/2011 17:06
l'aghjiu intesu nanta rcfm da edmondu,, tempi fa,, e da gilles un annu fa .si po verifica.
a dicenu a spicera !!!!! civole ave l'arrechja fina !!!!

15.mandatu da nuit bleue u 11/04/2011 17:55
U Populu, u disgraziatu hè sempre di a parte di u piu forte, ghje una quistiona di sopravvita, e quessi so veramente forti, so eletti repubblicàni francesi , clanisti arabiati dipoi seculi, e piglianu u putere cu e rivendicazione Naziunaliste, ci si vole a fa lu.
Ma i peghji so i capimachji naziunalisti chi a sapianu dipoi u principiu di sta sumiglia di LLN, hanu rigalatu d' issa vittoria nant' un piattu d'oru, i partiti i piu cunservatori di corsica, lascendu darett'a elli , morti, sangue nucènte, ferite, famiglie disfatte, orfani, so elli i fussàii di u Populu Corsu.

16.mandatu da MARCUCCIU u 11/04/2011 18:34
aghiu vistu anccuéiu a Giacobbi intervené nantu a cuntrastu.a dettu"je suis pour le statut de resident corse".O ghjienté,tamanta giratapulitica pigliata da st'omu !!!si védé chi a ghjiorni d'oghié l'idéè naziunalisté hé ancu indipendentisté so riprésè da tutti i pulitici corsi fora di i barbonni riatziunarii .Alfonsi,caméddu,zucca.Ma so omi, pulitichi a fin di strada..A rivendicazzioné nazziunalé oghié porta u so fruttu."a viaghiu faccendu,acconccia a somma".CI so eletti municipali,cantunali,territiriali;hé u diputatu europeanu .A stradda oramai ghié sigura........cuntinuvemula cusi.....

17.mandatu da estrimei u 11/04/2011 19:02
a questione ,
a ringraziatti.



he ancu veru so che tu dici o nuit bleue , ma suttumettesi a un manghjoni c'arruina

18.mandatu da ANTO u 12/04/2011 15:40
Mi piacerebbe di sente u parè di i cumunisti e di u prisidente Bucchini nant'a stu putachju?

19.mandatu da un capiscu micca u 12/04/2011 17:23
a corsica he autunoma dipo 1982 e per giacobbi dipo jules ferry (1890).hemu digia vintu e purtantu ni semu sempre a u stessu puntu.un capiscu micca!!
aiuttu!!!! ci sera una personna chj mi po spiega stu schmilblic?
un si po micca parla corsu inde e servizi publichi e u populu corsu sparisce.
a cummunita di destinu fa spariscia a cummunita storica .30 anni di autunumia e a situazione impeghjurisce!!!!
l'autunomisti ci ponu spiega st imbrogliu?

20.mandatu da estrimei u 12/04/2011 18:41
à un capiscu micca
hai capitu tuttu. a " communauté de destin" he un sbaglia mondu per piglià i voti.
a citadinità a capu di 10 anni un ha sensu che si in listessu tempu si ricunosce una naziunalità (l'aghju dettu , a dicu torna e a u turneraghju a di , di manera chi e cose sianu chjare , naziunalità un sii ne ha che una. ci'ole a sapè so ch'omu vole . un colpu a u chjerchju e l'astru a a botte , he so chi arruina tuttu) corsa.
si i citadini anu certi duveri e diritti , i naziunali ne hanu d'astri e i strangeri d'astri.
he capita chi qual'ella sie a categoria , ognunu si merita listessu rispettu , listessa pagga per un impieggu simmile (so chi cambieria assai , assai cose....)

21.mandatu da Casimir........... u 12/04/2011 20:07
U sgio Giacobbi era forse capu di u Fronte à parte dà 1989... certi dicenu ancu ch'ellu sarebbe statu ancu un di i fundatori......in 1976.!!
Avà vole dà u so "statut de résident" à tutti i "résidus" di Corsica.... Bella sorte pè u nostru populu....

22.mandatu da nuit bleue u 13/04/2011 11:10
à un capiscu micca, a Corsica un hè autonoma dipoi 1982, ma ha un statutu particulare, cio chi un hè a stessa cosa.
U statutu particulare ci da a pena piu di putere a u livellu lucale, ma sempre sottu u sguardu di u statu francese chi po mette u so "veto" nant'e decizione pigliate per l'assemblea di corsica( ricordati di a ricuniscenza di u Populu Corsu).
Dopu c'hè l'AUTONOMIA INTERNA, chjamata dipoi 40 anni per l'UPC, i fratelli Simeoni, u figliolu, e oghje Angelini.
Cio chi si vole a sape ghje che l'autonomia interna, da piu putere che un statutu particulare, ma sempre in lu quadru di u statu francese.
Cu l'autonomia u Populu Corsu un sara ricunisciutu, a lingua corsa un sara ufficiale, postu chi a corsica sara sempre francese, e chi in francia in a so cunstituzione, solu u populu e a lingua francese so ricunisciuti.
L'autonomia interna po esse un passu versu l'indipendenza, ma mica una fine.
Avale toca a u Populu corsu di sceglie u so modu di campa, simu i soli maestri di u nostr'avvene.

23.mandatu da estrimei u 13/04/2011 11:50
per esse chjari ci'ole a arricurdà chi l'eea autonomista he vechja.
cunsigliu a quelli chi so passiunati di leghje "20 années de corsisme "di H.Yvia Croce .
l'ARC cummenciò per esse "Action Regionaliste Corse" , poi diventò l'Azzione pe a Rinascita di a Corsica. capu nenzu u so i regiunalisti di manca ( F R C )chi diventonu Autonomisti ( PPCA . PCA)

24.mandatu da Chè venement... u 13/04/2011 13:46
U Corsismu era tandu un Naziunalisimu.. volesi di ch'ellu avia una primura etnica-cultuare...invece chi oghje.....

25.mandatu da Chè venement... u 13/04/2011 13:47
*"culturale" scusate...

26.mandatu da ghjuvan'marcu u 13/04/2011 17:33
@ "nuit bleue": bravu, tutt' hè dettu !

27.mandatu da autoindipendentistu u 13/04/2011 19:57
L'autunumia hè cum'è l'indipendenza: dipende di u so cuntenutu. ùn vale a pena à esse indipendente cum'è a "Côte d'Ivoire" nò? Ancu s'ella pò esse una tappa, ci vole à dà un veru cuntenutu à l'autunumia, à pena cum'è i, Catalogna, cù a ricunniscenza di a lingua è di u populu. E basta. I discorsi di dopucena, per facci piacè ùn valenu... Ma capiscu ch'ella sia rimessa in davanti l'idea di l'autunumia in Corsica, quandu chì a Francia parla di riforma stituziunale. ùn simu micca quì per sapè s'ellu ci vole à rimpiazzà i cunsiglieri generali per cunsiglieri territuriale, ci voe una riforma di fondu, cù una vera evuluzione stituziunale...

28.mandatu da AOC u 13/04/2011 20:07
Un conta troppu a "buttiglia" o autoindependentistu..conta più u vinu... ch'ellu si vole fà.
Dipoi 82 un certa autunumia ùn ha permessu di piantà nè scursizazione di a corsica nè a specumazione nè altri periculi cunisciuti...i mezi chi a francia seranu sempre à pro di u republicanisimu chi ghjè per noi un veru cancaru... eppo noi dinù ùn simu ormai più che republicani...

29.mandatu da nuit bleue u 13/04/2011 22:14
Un si po paraguna a Catalogna e a Corsica, a Catalogna he a parte a piu ricca di Spagna e a Corsica a piu deseridàta di a francia, e l'autonumia catalana s'avicina a passi maio versu l'indipendenza, ma per quessu i catalani si so dati i mezzi, tanti pulitici ch' economici .
E riforme so fatte per accuncia cio chi hè dighja in piazza, e stituzione so quelle di a francia, pensate a pro di u populu francese e mica per quelli chi hanu a voglia di spicanza.
So catene per diminui a nostra liberta e fà di u populu corsu cavalli di pastoghja.
A Corsica un ha bisogna d'una riforma, n'avemu cunisciute tànte, ma d'una rivolta in lu sensu veru, una rivoluzione in la manera di pensa u lindumane , di fà a pulitica per u benista di u populu e mica per fà perde un'altru partitu ,una mossa per a creazione di stituzione e d'una custitizione corsa , mica una sumiglia di a ripublica francese a l'usu corsu, ma una sucieta arradicata in fondu di e nostre tradizione, di a nostra cultura, di a nostra lingua chi hè u cimentu di un populu, tutte isse valore chi facianu u populu corsu e chi u statu francese, cu l'aiutu di certi corsi, ha sguassatu di a nostra vita in duie seculi.
Ma per quessu un basta a di la, ci si vole u cunsentu e a voglia di i nostri cumpatrioti, a vita he fatta di scelte e e strade so numerose, un ci hè ne fatalità ne maledizzione.
Pudemu fà cume assai ghjente e raghjunghie a mansa di pecure chi seguitanu u primu pastore chi li da a manghjà, o fà vale e nostre sferenze e u nostru particularismu , ne avemu u dirittu e pensu u duvere.
Cio che u statu culuniale a sfattu u pudemu rifà.

30.mandatu da Falasorma u 15/04/2011 07:24
Eiu capiscu bè a teuria sviluppata da "Nuit bleu". un simu micca in Catalogna, ecc, ecc. MA pensu quantunque ch'ellu ci vole à pigliacci qualcosa, moltu più in a situazione pessima di a Corsica, cù una pupulazione chì vene à rimpiazzà u populu....Ma dimmi, cusì, "o nuit bleue, s'è t'eri elettore in Purtivechju, ch'averisti fattu? Vutava à Rocca Serra o à Angelini?

31.mandatu da 1001 notte u 15/04/2011 09:59
Chi vole di "Pigliacci qualcosa" O Falà ? Si Giacobbi face ste pruposte ghjè so "franco-compatibles" e dopoi anni e anni naziunalsiti facenu pruposte di più in più "light" ghjust'à puntu pe ch'elli sianu accitatte.. invece di fà pruposte necessarie......20 anni fà si dumandava una "Cuufficialità " (Rivendicazione "pulitica "ghjusta è chjara..)di a lingua corsa, oghje si dice volemu "i mezi" o "femu a prumuzione", ùn vole di nunda mà quelli di u clan ponu piglià u trenu e passa pè prugressisti, postu chi u scopu è di fà l"unione elleturale incu elli pè prussime territuriale...... tuttu què vene dà i scontri l'isule Aland...
Eo in Purtivecchju ùn averebbe vutatu à nimu manca à Michè chi mi pare onestu mà troppu liate à e strette dà i capizzoni ...

32.mandatu da nuit bleue u 15/04/2011 11:21
Falasorma, face un pezzu cun participeghju piu a su carnavale urganisatu per u statu francese, per me vuta, ch' ella sia in Purtivecchju o in altro, ghje cauziunà a pulitica francese, ghje ricunosce che no accitemu a RIPUBLICA FRANCESE , e so legge e e so regule eleturale cuncepite per incavistrà u Populu Corsu.
Ch'ella sia in Purtivecchju o in altro , u vincitore, sott'a legge francese sara sempre un francese.

33.mandatu da estrimei u 15/04/2011 12:34
o nuit bleue ,
dici : " hje cauziunà a pulitica francese, ghje ricunosce che no accitemu a RIPUBLICA FRANCESE , e so legge e e so regule eleturale cuncepite per incavistrà u Populu Corsu. "
e so legge e e so regule eleturale a Francia e c'impone , che no a voglimu o no :
rispetti e regulle di cundutta, paghi l'impositi , si statu ,o vai , a a scola , maneghji l'euro .
andà a vutà un cambia tante cose.
d'altronde l'ellezzioni ( chi , he vera , so cuncipite cume una trappulla) , permettenu ancu a u nostru Populu di di u so parè.
simu sottu a culunisazione di a Francia , he vera , ma u Populu ( u nostru ) un face nunda per cambià e cose ancu s'ellu si face piglià i so lochi e i s'impieghi ,, ancu quand'ell'he cundannatu a perte,

34.mandatu da nuit bleue u 15/04/2011 14:41
Avemu cuntrastu spèssu, Estrimei, e cume tutti i francesi so rispettosu di e legge ch'ellu c'impone u statu culuniale, ma u votu un hè ancu ubligatoriu, e inde noi l'elezione so diventate per assai corsi una vera battaglia, induve si lampanu cu passione, rabia e forze, sguassendu tutte l'altre lotte, ch'elle sianu, suciale, culturale, economice... e quessu hè un paradossu, u ricunoscerai ancu tu, vulemu in lu stessu tempu esprima a nostra sfarenza e simu a regione francese chi si sottumette u piu vulinteru a e legge che no riitemu.
Hè quessu u missaghju che no vulemu mandà ?
Eccu u mio parè, un vogliu cunvinsce a nimu, ma ghje a me manere di lotta.

35.mandatu da falasorma u 15/04/2011 14:45
s'e capiscu bè 1001 notte è nuit bleue ùn votanu mai.... Aspettate l'indipendenza per vutà??? VOLE dì chì ùn fate differenze trà ANgelini, Simeoni, Talamoni è Rocca Serra??? L'affare mi pare cumplicatu.... V'accade di vutà ??? A' quale? Ma ditemi, ùn vincite mai ?
Estrimei dinù ùn vota micca ??? Beuh ...

36.mandatu da estrimei u 15/04/2011 16:49
o nuit bleu ,
a- a contu meu di di u so parè he un attu puliticu . u cuntrastu face avanzà a riflessione.
b-u Populu ha certi mezi e nu i vole aduprà : si i corsi si mettianu a parlà a so lingua , in ogni locu, seria un attu puliticu maiò.
si a ogni ellezzione(ancu a a meria ), u Populu era piu rispunsevulle , s'ell'un tenia contu ne di a parentia, ne di l'amicizia, ne di i so interressi persunali , ma ch'ellu riflettia a ogni colpu a l'interressi naziunali un ne seriamu custi.
t'aghj' a forse da dispiece, ma c'anu a esse l'ellezzioni di u presiente di a republica frencese, aghj'a andà a vutà perche so cundanatu a esse citadinu (micca naziunale) frencese, e mi tocca di difende i mio interressi di citadinu.

o France' ,
eu a facciu a differenza , ma pe disgrazia , tutt'e quatru , so omi pulitichi chi un s'appoghjanu tantu nantu a u Populu.

37.mandatu da nuit bleue u 15/04/2011 20:11
Ma perchè vutà per e presidenziale francese ? simu corsu e anderemu a vuta per un omu o una dona, di l' UMP? u PS ? di u FN? di u fronte di manca ? Borloo ? Villepin ? Fillon ? tutti nemici di u nostru populu.

Per me i mio interessi di Corsu so piu impurtante chi quelli di citadinu francese.

A nostra sorte s'assumiglia di piu in piu a quella di u populu francese, ghjente chi patenu a fame, disgraziati chi campanu e crepanu in carrughju, scole chi sarenu, omi e done disocupatti, e d'una altra parte un pugnu di ricconi chi s"arrichiscenu sempre dipiu, cu u sustegnu e a benedizione di TUTTI i partiti tradiziunali francese.
Ma a francia hè diventatu peghja ch'i paesi africani e un hè ancu pront'a cambia.

Dimi ,qual'hè da per te, l'omu o u pertitu prontu a ricunosce u nostru Populu ?
Prontu a impone l'insignamentu di a lingua corsa, e a ricunoscella cume lingua ufficiale ?

Inno u anderaghju vuta per un presidente di a francia, perche un mi sentu francese
.
E per risponde a falasorma, aghju dighja vutatu, aghju sustenutu quelli chi si prisentavanu cume patrioti, e ch'hanu fattu di u mio votu ? nulla.
E tu ch'ai vintu dipoi che tu voti ?
Ma anc'eiu aghju una quistiona per te falasorma, chi ne pensi di a cunsulta naziunale, perche i corsi un ci credanu ?
Avemu pruvate tutte e strade, ch'elle sianu democratice, clandestine, in lu quadru di a ripublica francese, a lotta armata, e cumpromizione cu certi eletti francese.
Oghje, d'apressu a me un ci ferma piu ch'issa soluzione ch'un avemu ancu pruvata, alora perche no ?

38.mandatu da Ripù blicanu u 15/04/2011 22:11
@ Nuit Bleue: ùn dici che tu rispestti e legge è i principii di a republica, tandu ci vole andà ancu a vutà cume un veru "Citoyen"...eo dicu ch'ellu ùn ci vole micca sempre rispettà ste legge chi so fatte pè distrughjesi...l'esempii so numerosi mà unu mi vene à mente.. principiemu à favurizà a "ghjente nostra" (Cungenerii) indè a vita d'ogni ghjornu, tenandu sempre a mente chi ci hè in Corsica u "noi altri " è tutti l'altri.......ancu si sta dimarchja ùn hè bella ripublicana (è Tantu megliu..) eppo chjamemu puru un 3ghjattu un ghjattu"...................................

39.mandatu da nuit bleue u 16/04/2011 13:33
A me mi piacenu i ghjatti !!!!

40.mandatu da estrimei u 16/04/2011 13:43
ancu s'ellu si chjama "fripon"?

41.mandatu da AIO u 16/04/2011 14:09
i fripon fora

42.mandatu da nuit bleue u 16/04/2011 15:20
Perche soli i" fripon", a sai che u ghjattu hè egizzianu, i ghjatti fora!!!!

43.mandatu da estrimei u 16/04/2011 15:58
perche: "j'appelle un chat , un chat, et matou un fripon".
o ghjente , so struitu , eu , aghj'amparatu ancu u frencese !

sscusate ma di tant ' in tantu mi piece a riicchjullà anc'a me

44.mandatu da falasorma u 16/04/2011 18:42
ch'elli sianu fripon, ghjatti o misgi, site belli pochi à ùn vutà micca ma à vutà listessu, quand'ella vi cunvene. Quì, vi fate piacè è guasi vi dispice di vede chì i corsi ponu vutà un naziunalistu. Ragiunamentu chì si capisce, ma spartutu da poca ghjente è forse ancu cunfurtevule, vi capiscu propiu bè. Ma ragiunamentu tropppu poveru di pettu à l'inghjochi per u nostru populu. In termini chjari, serete ancu di quelli chì, s'ella ùn vi piace a carne, s'ellu ùn vi garba u pesciu, è s'ellu ùn ci hè pomidori in salata , ci sò chì s'anu da more di fame. Troppu faciule cum'è scelta, moltu più chì ùn more mai nimu di fame....M'avete capitu bè, i discorsi "puristi" ùn techjanu à nimu. Mi dicerete, à u tantu ci serà un casgiu venachese o niulincu per cacciassi l'appitittu... Ma dicu è m'intendu, eiu in Purtivechju votu à Angelini contr'à Rocca Serra è basta. Ferete cum'è tanti, senterete i risultati à rcfm o nant'à france 3 corsica... s'è vo ùn site capaci oghje ghjornu di fà a diferenza trà un Simeoni, un Angelini è un Rocca Serra, pocu impreme i fripon, i ghjatti, i misgi è e scimie...

45.mandatu da nuit bleue u 16/04/2011 23:14
Eiu un vegu sfarenze tra Angelini, rocca serra o simeoni, ma tu chi l'hai vutatu m'hai da spiega; Angelini ha vintu, mi face piace, ma ch'ha vintu u populu corsu ?
Dumane Angelini ha da techja tutti i disgraziati? ha da truva impieghi a tutti i disoccupati ? chi ne sara di l'insignamentu di a lingua corsa ?chi ne sara di a ricuniscenza di u Populu Corsu ? chi ne sara di u sviluppu di l'ecunumia corsa ? chi ne sara di a culunisazione di populamente ? chi ne sara di a cursisazione di l'impieghi ? un omu solu un po cambia a sorte di un Populu.
Face piu di 40 anni ch'elli ci portenu di fole in canzone; da Simeoni, passendu per Santoni, L.Battesti, Y. Stella, Talamoni, Orsoni, Biancucci, ARC, UPC, PPC,MCA, MPA,Cuncolta, Corsica Nazione, FLNC storicu, FLNC habituale, Resistenza, ANC, PNC, Simeoni u figliolu, dopu dumane Simeoni u cusginu, e cusi fin'a quandu, fin'a quandu emu da vuta per omi chi s'impremenu che di u so distinu burlendu i tintacci chi votenu per elli cun belle prumesse.
U cambiamentu un po vene che di u Populu quandu l'avera decisu.

46.mandatu da falasorma u 17/04/2011 13:20
D'apressu à mè, s'e capiscu bè, ùn voli più vutà. Ma tandu, a sai omancu ciò ch'è tù puderii fà per cambià a Corsica? Eiu ùn vegu... Pare cumplicatu o amicu u to pianu...
Eiu cercu di fà per u malpeghju .. Stassine in casa o andà à piscà mi pare antinaziunalisimu ..

47.mandatu da la foire fouille tu trouve de tout u 19/04/2011 22:11
Perché vule cambia a corsica ??
Tuttu va per u megliu ,i corsi vendenu a terra ,facenu soldi ,cunstruiscenu case,partenu in vacanze, vitture di prima trinca,,piazze per u zittellu,u ci hé micca ché disgraziati in corsica???
Capi d'intrapresa ,furmazione di l'omi ,mundialisazione, scambiamente di suciatà..;
Da qui a pocu a corsica sera economicamente indipendenta
Giaccobi sa chi i corsi so pe smarisce ,dunque anc'ellu!!!.
Cursisazione di l'impieghi ,la prison doré...........

U ferma piu ché a lotta per a liberta.

48.mandatu da nuit bleue u 21/04/2011 19:31
U 7 di maghju ci so l'elezione di a Cunsulta Naziunale, e issu ghjornu anderaghju a vuta.
Iss'elezione so fatte for di l'instituzione francese, pa i Corsi e per i Corsi, so elezione di un populu liberu di a so scelte, senza prumesse eleturale, chi rompe cu a puliticchella che no cunisimu dipoi dui seculi, a l'usu francese.
1. Pà u dirittu a l'Autodeterminazione è a ricunniscenza internaziunale di a Nazione Corsa.
2. Fà chi i diritti ecunumichi, suciali è culturali di i travagliadori sianu ricunnisciutti cum'è primura è forza di a Nazione.
3. Fà chi sti diritti sianu zuccati in la petra di a nostra Custituzione fatta da tutt i raprisententi di a Nazione.
4. Aiutà a u spanamente d'una cultura viva propriu indipendente da u puliticu.
5. Prupone a a Cunsulta Naziunale di vutà, cume prima legge,l'illegalita di tutti i trasferamenti di pruprieta in Corsica, a cuntà di u votu.
6. A l'egalita di issi trasferamenti sarà studiata da a cunsulta dopu a l'independenza.
7. Fà chi a Cunsulta Naziunale sia a raprisentente di a Nazione Corsa, pettu a u statu francese a l'autorita internaziunale, in lu quadru di l'Eserciziu di u Dirittu a l'Autodeterminazione.
U duvere d'ogni patriottu hè di participà a a vita di a Nazione da ch'ella campi.
Vutà per l'elezione di a Cunsulta Naziunale ghjè dà un fiattu novu a u nostru Populu, a noi tutti.
A legitimita di a Nazione Corsa ci tocca a custruila tutti inseme cu u so locu sputicu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta