Accueil
Envoyer à un ami
Version imprimable
Partager

Site malatu ? Pigliatevi una sborgna

"Soignez-vous par le vin" hè un best-seller di l'anni 70 chì hè statu turnatu à esse editatu. Un libru fundamentale.



Site malatu ? Pigliatevi una sborgna
U duttore Maury hè un geniu. Infine, s'ellu hà esistitu da veru. In verità ùn si sà mancu quale ellu era. Un pseudo ? Un scruccone ? Un briagone ? Un libru finanzatu da u lobby francese di u vinu in l'anni 70, quandu a lege Evin ùn esistia micca ?

Hè un misteriu ma sta bibbia di u sburgnone hè stata turnata à esse editata (edizioni Nil). À noi ci pare chì stu libru fundamentale hè da mette in a categuria di i grandi pensatori francese, in a successione di BHL è di Michel Onfray.

A so lettura ralegrerà tutti l'amatori di comptoir è derà l'impressione à i passiunati d'apperitivi chì beie hè una necessità per esse in salute. Chì tanti yoga, salle de muscu è footing...

Aérophagie ? Sciaccatevi duie cuppette di champagne.

Ménopause ? Dui bichjeroni di Médoc. Perchè, ùn si sà.

Cacarella ? Un Beaujolais.

Pena in capu ? Sopr'à tuttu micca un Efferalgan ! Preferite un stagnone di Sauternes.

Si puderia cuntinuvà cusì :

Angine ? Trè pastizzi on the rocs.

Frebba ? Quattru gin-tonic-cul-sec à prendre au milieu des repas.

Conjonctivite ? Una cascia di Malibu ananas.

Gueule de bois ? Una Suze cù appena di Liptonic.

Invece, nunda nant'à a malatia di DSK.

Lasciate cascà u vostru duttore, a medicina chinese o l'omeopattia. Empiite a vostra cantina di sottu scala piuttostu ch'è a vostra farmacia. Sì a pulizza v'arresta è ch'è vo site à 3 grammi, dite ch'ellu hè per via di u vostru trattamentu. Vi l'aviamu detta, stu tippu hè un tercanu.

Alè, à a salute è ch'ella sia a nostra medicina !

u 15 di Nuvembre 2011
U Sgaiuffu



1.mandatu da ANTO u 15/11/2011 14:24
Nunda che di vèdè a so faccia si sente chi u tipu hè in salutè et pigla e so madicinè tutti i ghjorni .

2.mandatu da ANTO u 15/11/2011 14:26
...scusate :piglia e so medicine...

3.mandatu da Cazzumarinu u 15/11/2011 16:06
U laziu di cantà? Beite un bichjeru di Johnny-Coca

Puzzate di bocca? Beite un bichjere di smirallu (chi tanti Jet27)

Site famitu? Sciaccatevi un Fernet branca!

Vi vulete fà cresce a panza appena di più? Sciaccatevi puru una biera!!!

4.mandatu da U Barbutu u 15/11/2011 16:34
Français peuple de vin, peuple de rien

5.mandatu da Anghju u 15/11/2011 23:30
Saluti à tutti !chì vole un beaujolais ?! ( simu fresci)

6.mandatu da U Palatinu u 16/11/2011 08:21
Mi pare appena straniu quantunque. Ch'e u vinu aiutessi à dorme, pensu chì què, ùn sì pò negà [smiley di risa], ma per u restu, quantunque, hè appena stunnante.

7.mandatu da J G u 17/11/2011 11:52
PIANU O ZITELLI : un ci vole micca a abusà di e medicine !

8.mandatu da Talavesu u 19/11/2011 22:49
In vino veritas?
Micca pe a mimoria e i bucie,dumendati a chirac e a sarko!

Novu cumentu :