Accueil
Envoyer à un ami
Version imprimable
Partager

Sò Corsu, aghju l'autocollant tamantu

Bellu colpu marketing di Citroën chì sorte a persunalizazione di a so DS3, cun parechje versioni "regiunali". È un bellu capatoghju pè u prefettu di Nizza è a LFP. Sì Jean-Louis Leca cunduce sta vittura, si face caccià u permessu ?



Sò Corsu, aghju l'autocollant tamantu
Un lettore ci hà mandatu stu ritrattu d'una publicità 4x3 pigliata in cuntinente (ringrazii à Johnniewalker2b).

Citroën prupone dunque per a so DS3 una persunalizazione "regiunale" di u tettu di a vittura. Parechje versioni sò presentate : u Paese Bascu, a Brittania, l'Alsazia, l'Uccitanìa, è ben intesu a Corsica.

Ma ci hè dinù Parigi, u Nordu, a Savoia, è una versione "régions viticoles" (sic) è Champagne Ardenne. Nò, ùn hè micca una magagna.

E pudite scopre nant'à a so pagina Facebook.

Ancu più forte ch'è l'appiccicatoghju "Fier d'être corse" è altre cunnerie cum'è "Souvent conquise jamais soumise", eccu a testa di moru nant'à u tettu di a vittura. Stu kit vi custerà quantunque 490€ TTC.

Preghemu furtuna à u prefettu di Nizza pè l'organizazione di u prussimu Nizza - Bastia. Sì Jean-Louis Leca và à l'Allianz Riviera cun sta vittura, risicheghja una suspensione ?

Una cosa hè certa : a bandera corsa hè entrata da veru in u marketing. Face una stonda ch'ella hà persu a so fiura ribella è suvversiva.

Money is money...

u 21 di Nuvembre 2014
U Sgaiuffu



1.mandatu da a ciaccera u 21/11/2014 10:12
Ma chì scumpientu !
U peghju ghjè chì ne videremu dapertuttu di l'abbruttiti immatriculati 2B cù l'appiccicatoghju è sta m.... ! (ma mai parlandu una sola parolla di corsu)
Da piglià à pattoni !!!

2.mandatu da D''altrò u 21/11/2014 11:50 (da un teleffuninu)
un à sò si cì vole pienghjè o ridè... Sò cerbelliseccu tutti quelli chì si pensanu corsu incù un numaru datu dà l''administrazione francese... 2,80€ l''appiccicatoghju è site corsu!

3.mandatu da D''altrò u 21/11/2014 11:50 (da un teleffuninu)
un à sò si cì vole pienghjè o ridè... Sò cerbelliseccu tutti quelli chì si pensanu corsu incù un numaru datu dà l''administrazione francese... 2,80€ l''appiccicatoghju è site corsu!

4.mandatu da hibou u 21/11/2014 12:55
Par contre il y a bien toutes les régions représentées - dont Paris, les régions du Nord etc

http://ursofrench.fr/criez-vos-origines-sur-tous-les-toits-avec-la-nouvelle-ds-3/

5.mandatu da aciaccera u 21/11/2014 13:46
Tutte e regioni ?
Induv'ella hè a Pruvenza ?!

6.mandatu da capicursina u 21/11/2014 16:05
è chì regione? ùn ci ne serà più chè 13 (officiale...) in u 2016!

7.mandatu da antone u 21/11/2014 16:05
Gattivu segnu.

8.mandatu da Cattana u 22/11/2014 11:03
E per i "banlieusards" di Parigi, c'é u trenu "RER B" o a "Tour Effel" soprà u so tettu !
Manca à risa!

9.mandatu da corsicaturchina u 25/11/2014 15:22
vi mandu un articulu di l'associu Europe-Israel :

http://www.europe-israel.org/2014/11/la-knesset-votera-le-2-decembre-sur-la-reconnaissance-de-la-republique-corse/

un n'aghju mica trovu induve mandavilu , forse serribbi tempu di crearà une rubrica "cunttatu" per raccoglere idee d'articuli

bonna ghjurnata

10.mandatu da aciaccera u 25/11/2014 15:47
Ghjè un fake ! Era per fà ride appena i lettori di u situ pro-israelianu Dreuz... Fattu assai bè.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta