Accueil
Envoyer à un ami
Version imprimable
Partager

Sò corsu aghju u Playmobil

Si sapia chì a fede pudia pisà e muntagne o fà cresce a barba, si sà avà ch'ella pò sacchighjà e butteghe di ghjoculi.



In fatti, Luteru (Martin Luther) hè diventatu u persunagiu Playmobil u più pupulare di a storia. Prudutta da l'impresa di ghjoculi alemana, a so figurina s'hè vinduta à 34 000 esemplari in 72 ore. Ùn si ne pudia più truvà indocu.

Da leghje nant'à gizmodo.fr

Sò corsu aghju u Playmobil

Pensate cì Martin Luther seria un pippulacciu, un cantadore, un attore, un ghjucadore di ballò, o un super eroe à l'usu Spiderman incù un fanclub di quelli ?

Innò, Martin Luther hè un prete alemanu, un teologu, chì fu 500 anni fà u babbu di a Riforma è di a Ghjesgia Prutestante.
Di siguru, era più rigidu ch'è burlascone ma in paese soiu a ghjente vulia chì i zitelli u cunnuscessinu.

Ch'aspettemu noi, pè playmobilizà u Babbu di a patria ? I nostri figlioli cari u cunnosceranu è puderanu svucià « Sò corsu aghju u Playmobil ».

Sò corsu aghju u Playmobil

Una quistione si pone quantunque : a figurina di Luteru tene in manu una penna è a Bibia scritta in alemanu, chì metteremu in manu à Pasquale Paoli ? A bandera corsa ? A custituzione di a Corsica vutata in u 1755 ?

Micca abbastanza cummerciale. Allora chè ? Un fucile ? Un pulendaghju ? Un paghju di Ray Ban ? Un quad ?

Sò corsu aghju u Playmobil

Cù i playmobils, si pò ancu vince in Ponte Novu.

l'11 di Marzu 2015
Zenbucucciu



1.mandatu da Didier Rey u 15/03/2015 12:14
Amichi,
Esistani dighjà i playmobil Corsican Ranger !
http://gardenwargaming.com/RalfGemein/NapoleonEgypt.htm

Novu cumentu :