Accueil
Envoyer à un ami
Version imprimable
Partager

Sò passatu per Barchetta è aghju persu u mo permessu...

A sanu i sciuffori. Quandu ghjunghjenu in Barchetta, ùn sò ancu ghjunti ind'è elli. In stu no man's land, nisunu ci stà! Oramai, sta visione anticogna è gattiva di stu paese hà da cambià...



S'hè parlatu di Barchetta in l'attualità isulana per via di u cusì dettu "miraculu di Barchetta". Era quandu U trinichellu avia intuppatu un antru trinichellu! Ma stu paese, u cuniscimu tutti per d'altre ragiò...

Barchetta by night
Cuniscimu tutti à Barchetta per via di a canzona puetica assai di e serate infiarate à u comptoir... "Peron, peron peron pon pon... Sò falatu in Barchetta aghju persu... Sò cullatu in Ponte Novu, m'aghju cumpratu...".

Barchetta is beautiful
I sapientoni cunoscenu elli à Barchetta per via di a so architettura art nouveau, e so piazze cuncepite da l'artista José Calzetta, e so funtane di u stile Acquasecca è e so ghjesgie playmobil. Avà, tuttu hè cambiatu assai è ùn si ricunosce più stu paese.

Parigi, Londra è Barchetta
Cum'è d'altre cità maiò, Parigi, incù a piramida di u Louvres o u carrughju di a Défense, cum'è Londra è i casali alti alti di a city chì facenu fronte à Westminster è à Big Ben, l'architettura di Barchetta entre infine in a mudernità.

Salutemu a mani d'opera di sta trasfurmazione: Michelle Alliot Marie. Grazia à u ministeru di l'internu, avemu oramai dui toccu di radar grisgioni di prima trinca. Unu à l'entrata è l'altru à l'usciu di u paese.

Cusì, rispettendu e cunsigne di securità stradale, puderete gode di e bellezze di stu paese caru chì hè diventatu a mo musa:

A paghjella di u radaru

"S'è vo ghjunghjite in Barchetta
Ci viderete un radaru
Di u permessu, lu tagliolu
Hè finita o figliolu
À chì fala à tavuletta
Hà u fliccu à u collu"

u 14 di Lugliu 2008
Sbanditu



1.mandatu da estrimei u 14/07/2008 10:56
fin'a quist'annu a vitezza avia a limita a 50chm/o 100M nenzu e 1OOM dopu a u paese , e he custi chi u statu s'he carcatu -ci so passatu anch'eu-
vuleria sapè s'ellu ci'ole u permessu di u mere per piazzà si scrocca ghjente?

2.mandatu da TonyMontana u 14/07/2008 15:18
Bella paghjella ! Ci vuleria à pruponella à u nostru amicu Hubert Tempête... Ch'ellu a mettessi in musica, fendu rimà ben intesu à Barchetta cù A Piazzetta, nè ?

3.mandatu da SULAna u 18/07/2008 13:34
Eiu penssu cume tony montana :P

4.mandatu da TonyMontana u 19/07/2008 13:12
SULAna s'è tù si una zitella, ti facciu un basgiu, virtuale ben intesu ;p ma tremendu quantunque, u voli ? lolu

5.mandatu da SULAna u 19/07/2008 20:23
arff u so micca una a zitella :P

6.mandatu da TonyMontana u 19/07/2008 23:18
Peccatu ! Ma ùn face nunda... S'è tù poi fà vene qualche zitelle annantu à a Piazzetta, seria simpatica di la to parte, perchè ùn ci hè veradimente chè tippi quì. O Sbandì fà qualcosa!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta