Accueil
Envoyer à un ami
Version imprimable
Partager

Sò quì ! Forza Luia ! Allez Luia !

Infini sò quì ! I tourichti, i nosci santissimi turisti sò quì, dopu dui mesi ad aspittàlli, i bracci in cruci !



Sò quì ! Forza Luia ! Allez Luia !
In Aghjacciu ùn si ni bramaia più. I ghjesgii si ghjerani carcati di cirosi impicciati. Tutt'ugnunu a sapia ch’avìani piddatu bateddi, vulenti è chì n’a socu (omu dici chì ci sò novi linei in elicotteru cù a cumpanìa Corseus). Ma, ùn ci voli à spiicà la comu, i turisti si ghjerani persi trà u portu è a piazza di a merrìa. Raël avìa prupostu di vena à fà si merri è parà ci da l’annochju. Ùn c’era più nimu, trà i nosci patroni, à fà u spaddichjimi n’u corsu. Napuliò ghjera in dolu. Una stracciatura di u spaziu è di u tempu t’avìa purtatu i tourichti, pà ‘ssi Purtivechju, Purticciu, o peghju ancu, in i campeggi. In Corciu-Matin, n’a pagina aghjaccina, ùn si truvaiani chì annunzii « cherche pinzuti désespérément pour leur vendre mon figateddu en mousse ». Solu Mamadù, u mazzeru-medium di ceppu lucali (sarìa un fiddolu Colonna) facìa i solda, à rombu di venda grìgrì à i marcanti di brocciu passu aghjaccini.

Ci voli à capì chi’ssi puvaroni di francesi sò cusì imbalurditi dipoi un’annu di Sarkunarìa ch’ùn spendini più un danaru sanu. Ma ditemi, à chì ghjuva di ferrà in Corsica aienti ancu più povari di noì ? Cù noscu vulemi Ghjuvannu Reno (di Rennu ?), Cristianu Clavier (Tastera ?), ò Filippu Gildas (…lacami corri pà ‘ss’ultimu a cummunità di distinu ùn pò accodda ugnunu, l'hà ditta Paulu Quastana).

Aspittendu, n’Aghjacciu, si vedi quissu baddu stranu : a cità ùn campaia, fin’à'ssa simana, fora di l’ingiru di i supermarcati. Chì quissa, essa marcatoni di merda, ci ni sò ! Trè volti di più chì u numaru accittatu dàaa legi pinzuttesca. Inveci, ‘ndrenti bars, pub, è chjuchi negozii, umbeh, chì straziu pà truvà l’omi in bob è sandaletti à calzetti !

Hè cusi u turismu ughjincu : di più turisti povari chì si ni vani à cumprà robba di francia à i negozii ch’ùn ghjuvani à a noscia ecunumia...stranu u sviluppu. À noi, ci va comu a sella à u porcu… E induvineti quali sò chì n’ani da ghjuvà ? S’hà dà custruì un novu marcatu sopra u situ archeulogicu di San Ghjuvanni, mentri chì i scavi si sò bastati à i primi scuperti.

Mà comu sarà chì u Statu lacarìa custruìscia dapartuttu Casinò, cruciata (eh...Carrefour !), sopra U, è chì n’a socu (comu si dici spar in corsu ?),mentri ùn lacani più aprì i bar dopu dui ori, comu in Francia? U statu di dirittu istaddatu da Bonnet ùn ghjè u stessu pà tutti?

È dopu ci diciarani i nosci capizzoni chì u sviluppu hè una furtuna pà tutti ! Aspittendu sò ghjà cinqui i negozii chi chjudini cust’annu n’u centru di a cità. È u valsu principia solu.

u 23 d'Aostu 2008
Hank Appata



1.mandatu da Black Block u 23/08/2008 14:19
Unu in 1780, chi si facìa chjamà Julius Van Daal, ha scrittu un libellu "Beau comme une prison qui brûle".A s'epica qui in Londra, l'aghjenti in una una mossa populari, attacconu i simbuli di l'ordini stabulitu: I prighjò tandu .
Ùn li pudemu mancu brusgià i "supermarket" ch'iddi sò divintàti i nosci centri culturali muderni.

2.mandatu da Hank Assai u 24/08/2008 19:17
Aghju littu a Van Daal, è m'intaressa monda i muvimenti contr'i prighjoni. Dà u libru di foucault ("surveiller et punir") à u bimisincu "l'envolée" chi si pruduci ndrentu i prighjoni di francia; passendu cù ss associi di liberazioni di prighjuneri pulitichi (par asempiu ci ghjera "libérez les" chi cheri supratuttu di capià à i militanti di Action Directe.
Mà pà vultà à l'affari di i supermarcati, ùn cregu micca chi ghjuvissi a cultura chi soi pò truvà custìndi! Mà mi si pari chi quiss'ultima frasa llu cumenti fussi una satarata, innò

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta