Accueil
Envoyer à un ami
Version imprimable
Partager

Solenzara (a canzona) à a cunquista di u mondu

Goran Bregovic chì avia arrubatu a meludia di « Solenzara » pè scrive « In the death car », a canzona di u filmu « Arizona dream » di Kusturica (cù Johnny Depp), ùn hè micca u solu musicante à esse statu seduttu da a canzona di Regina è Bruno. Eccu una duzina di versioni di l’innu piaghjincu scrittu da Bruno Baccara è Dominique Marfisi. Dodeci esempii di « u soft power » nustrale, lampatu à a cunquista di u mondu.



1) Una versione in alemanu

Cantata da Alexandra chì manda via e marine assulanate : Alexandra canta in la neve cù un tippu in calzunettu chì và à piscà...

Solenzara (a canzona) à a cunquista di u mondu

2) Sunata à a ghitarra classica incù gustu da Noh Dong Hwan (hè cureanu...)


3) Un'interpretazione à a ghitarra elettrica "surf è orientale"

Pare esciuta da un filmu di Tarantino (state à sente e percussioni scatinate quandu u tema principia dopu un minutu d’intruduzzione).

Solenzara (a canzona) à a cunquista di u mondu

4) Juan Ramon ci dà a versione "Te quiero mi corazon"


5) Kari Tapio (una versione nòrdica)

U cumentu dice : "Tosi hyvä ääni Kari Tapiolla ja ihana laulu" (ùn si pò dì megliu).

Solenzara (a canzona) à a cunquista di u mondu

6) Cantata da a bella Zaliha, una Dalida bruna è turca.



7) Una versione romantica è strema urientale

Un core nant’à a rena, un sole chì si ciotta, un chjar’di luna...

8) Una versione finlandese

Lasse Hoikka, chì deve campà vicinu u mare Balticu è chì pensa chì Solenzara hè in Spagna (toro y flamenco).

Solenzara (a canzona) à a cunquista di u mondu

9) Päivi Nieminen, ella, canta cum’è ella pò...

Ma i so amichi ùn sanu micca fà un ritimu di bolero.

Solenzara (a canzona) à a cunquista di u mondu

10) Sunata da una zitella chì porta u mandile in capu è principia à ampara u pianò



11) Una versione ska

una versione "two tones" biancu è neru à l'usu Madness u gruppu ska di l'anni ottanta...

12) A versione di Enrico Macias

Chì hà fattu assai pè sparghje a canzona (attenti à e ricuccate à a fine !)



Solenzara (a canzona) à a cunquista di u mondu

Iè, Enrico hà fattu cunnosce a canzona sin'à u Giappone :

Bonus-track : u mix di a versione d'Iggy Pop è di quella di Regina & Bruno


À u prucessu (ch’ellu hà persu) Goran Bregovic avia dettu chì un’idea musicale cusì semplice ùn pudia micca esse prutettu da un copyright : serà semplice ma piace da u polu Nord à u Mare di China…

u 24 di Nuvembre 2016
Zenbucucciu



1.mandatu da Clement-Jo FRANCESCHI u 24/11/2016 19:13
Ci hè ancu una versione cantata da Enrico ma in Talianu !! https://www.youtube.com/watch?v=RYL5grPDmA8

Novu cumentu :