Accueil
Envoyer à un ami
Version imprimable
Partager

Sporting : A dicisione di a federazione, “ça fout les ch’tons”

Eccu una riflessione di L'Azezu nant'à l'ultimi evenimenti intornu à u Sporting.



Ritrattu : situ ufficiale di u Sporting www.sc-bastia.net
Ritrattu : situ ufficiale di u Sporting www.sc-bastia.net
À u sporting l’hè falata a mannaghja. Una volta di più.
Ma stu colpu hè forse peghju.

Privinuti eramu. L’incidenti ci sò stati : nulla à chì vede cù ciò chì s’hè passatu in Nizza ma…

Hè ghjusta di dì chì certi chjamati « supporters » cacanu in lu spazzatu. Ch’elli ùn volenu sente nulla. Ch’elli agiscenu contru à l’interessu di u club. Ch’elli s’impippanu di tutti è di tuttu. Chì quelli chì ghjunghjenu da Porti Vechju, da Aiacciu, da u Fiumorbu o puru da Prupià ne pagaranu e pene più cà l’altri.

Ma quandu ellu si face u paragone trà ciò chì s’hè passatu in Nizza è e cose minute accadute l’altra sera, cundannevule certe, siguramente, ci hè da firmassi à bocca aparta.

Ùn ci vole micca à piattassila : u club hè in piriculu. U murale di i ghjucadori, in Monaco, era sottu à zeru. E ùn anu ancu abbastanza punti da francassi in issu campiunatu chì compie. È po ci hè dinò l’affare di u puntu da caccià. È quellu di l’invadimentu di u tarrenu in Monaco : tinè, ùn si sapia chì l’invadimenti fistivi ùn eranu più tullarati. Ma un arbitru saria statu pittughjatu…


Sporting : A dicisione di a federazione, “ça fout les ch’tons”

À u migliò fà, Bastiacci ùn ghjucaranu più da nanzu à u so publicu di prima à u 2 di maghju, cù a vinuta di Saint-Etienne. Sapendu quantu ellu conta u sustegnu di u publicu è custattendu l’effettu di e misure di a federazione nantu à u cumpurtamentu di a squatra, in Monaco, ci hè da avè u pinseri. Da veru. Senza cuntà e dicisione di l’arbitru : dui cartoni rossi ind’una partita senza alcuna tensione, quandu chì u giallu si ghjustificava largamente, un penalty sminticatu à prò di i nostri. E cunsigne pare ch’elle sianu state date à i dirittori di u ghjocu… Nisunu ci farà u minimu rigalu.

Una volta di più, Bastia sarà a sola squatra ad esse cundannata à ghjucà luntanu da i so lochi è ci pare guasgi cà nurmale : tantu semu avvezzi po, nò ? Cum’è i prigiuneri scantati par isse France, cum’è e cause ghjudiziarie pigliate in carica da a JIRS. Tuccaria à fà un studiu da sapè s’è i club sardi è siciliani sò trattati in listessa manera in lu campiunatu talianu.

I cusì detti « supporters » di a tribbuna est, micca tutti siguramente, credenu forse di fà d’ogni macciu una dimustrazione d’affirmazione di a nostra identità. Anu a ragiò quandu ellu soffia u spiritu di a macagna. Anu tortu quandu elli credenu chì una forma di viulenza, puru mudarata (ma micca sempre, ci vole à dilla, ed ancu stupida di e volte), ci arricarà binifizii. Ùn ci hè cà battarchjate da liccà, cù un rincore chì cresce ogni volta di più.

À Ghislain Printant, a federazione l’hà difesu di piglià a parolla : una inghjulia parsunale, una inghjustizia tamanta fatta à un omu solu. In risposta, chì hà fattu, quellu, contru à Nizza ? A cunsigna hè stata d’ùn risponde à nisuna pruvucazione in lu ghjocu : l’arbitru, cusì, hà cacciatu dui Nizzardi, ed era più cà ghjusta. Certi avarianu da riflette à st’esempiu, moltu più chì ci hè statu à pocu pressu listessa situazione cù Metz in Furiani.

L’avvene di u sporting, in tantu, in prima divisione ? “Ça fout les ch’tons”…

Tinè, una traduzzione pussibbule di quessa : mi ghjunghjenu i bisci…

u 14 di Marzu 2015
L'Azezu



1.mandatu da carlinu u 14/03/2015 21:19
Un capiscu micca l'attidudine di si cusidetti "supporters" qui anni appress'a anni portanu un pregiudiziu tamantu a u Sporting.
Chi ne pensanu l'abbunati di sti sumeroni? .
In quant'a Bastia 1905 chi dumanda a leva di a plenta, feria megliu di mett'appena d'ordine inde i so ranghi. A respunsabilità di s'associu e tremenda et u Sporting a fattu bè di purtà plenta.
Eu presidente a li feria paga cara a si carnavalacci.

2.mandatu da claude e u 15/03/2015 01:06
a risposta a tuttu st afare deve esse importante, pulitica, o dura! mi pare che u popvlu corsu un e mai statu capace di da una vera risposta a tutti i prublemi di l isula. sarebe ora di svegliassi e di da una risposta cume omu deve fa. a quandu u svegliu ?!

3.mandatu da pontenovu u 15/03/2015 08:52
Dà leghje. cio ch'ella ghje LFP
http://la-nouvelle-gazette.fr/lens-en-l1-lautre-scandale-du-football-francais-dans-le-silence-mediatique/12478

4.mandatu da essezza u 16/03/2015 15:39
o Menes è zlatane ùn ti futtè micca i ch'tons, tandu ùn si sente nunda o tichjò ?!

5.mandatu da sardu u 16/03/2015 16:18 (da un teleffuninu)
Veramente i siciliani só taliani, noi no...

Novu cumentu :