Accueil
Envoyer à un ami
Version imprimable
Partager

Sporting : eccu ciò chì s'hà da passà in 2010-11

Ùn vale a pena di mettevi a pressione per nunda, vi cuntemu tuttu ciò chì s'hà da passà durante a stagione in l'infernu di u National.



Sporting : eccu ciò chì s'hà da passà in 2010-11
AGOSTU
Dopu à un successu contr'à Amiens chì ci dà l'illusione d'esse sempre in L2, eccu chì Bastia tocca da veru l'infernu di u National (Rodez, Bayonne...). In Furiani si face u pienu di punti è u Sporting hè in testa di a classifica. "Cette fois, c'est la bonne !" dice Julien Lolli chì seguiteghja i macci cù una vuvuzela.

SETTEMBRE
El Azouzi, cugnumatu EL Azezu diventa l'idolu di Furiani dop'à un hat-trick contr'à Strasbourg. Ma fora di casa u Sporting hè a squadra ch'ellu ci vole à ammazzà è l'accogliu hè caldu à Cannes. U 24 di settembre, Bastia pè a prima volta di a so vita ghjoca contr'à Exempt.

OTTOBRE
Bastia mantene u rìtimu è face firmà à Patrick Colleter, 45 anni. "C'est le défenseur d'expérience que l'on attendait" dice Julien Lolli chì avà porta avà un Perfecto cù e santiags.

NUVEMBRE
U Sporting cala è rilancia e piccule squadre mozze : Alfortville, Fréjus... Primu grossu incidente di l'annata, u bus di i ghjucadori d'Alfortville hè pigliatu à colpi di rustaghje dopu à a so vittoria in Furiani. Si pò leghje in Le Parisien chì "Il serait temps que les clubs corses soient rayés de la carte du football français".

DICEMBRE
U SCB perde trè macci à fila. Frédéric Hantz mughja chì "on fera les comptes à la fin de la saison" è insulta un giurnalistu di RCFM. I ghjucadori di Luzenac partenu di Furiani sott'à a prutezzione di u GIGN. Frédéric Thiriez dumanda à RMC "qu'une mission parlmentaire fasse son enquête sur ce qu'il se passe à Bastia. Furiani fait bien partie de la République, que je sache..." mentre chì ùn si contanu più i morti in e banlieues francese chì i media chjamanu "la 2ème guerre des banlieues". U joker di u SCB si chjama Roger Boli, 45 anni.

GHJENNAGHJU
A treva di Natale hà calmatu à tutti. Salim Moizini hè vindutu à Manchester City è u Sporting ripiglia à Ghisolfi, sempre rimpiazzente à Reims è Cyrille Pouget, 38 anni. Jean-Paul Poletti porta u so sustegnu à u SCB è li scrive una canzona. Faruk Hadzibegic firma à u GFCOA. U SCB piglia a falata è si ritrova in u "ventre mou", a panza molle di u National. Bernard Casoni ride. Julien Lolli dice "les carottes ne sont pas encore cuites, l'appétit vient en mangeant".

FERRAGHJU
À Strasbourg i sustenidori anu fattu un tifo "bienvenue en france" è cantanu a Marseillaise durante 90 minuti. Scatinati, i ghjucadori si ribellanu è Bastia vince 1 à 0, but di Mustivar à l'ultimu minutu. Grossi incidenti à a fine di a partita : Michou Padovani si batte contr'à a securità à a surtita di u stadiu, u bus bastiacciu hè pigliatu à petrate, Julien Lolli mostra à i media a so parka strappata in l'azzuffi. Nisuna linea in L'Equipe.

MARZU
Julien Lolli hè sempre u solu presidente di u futbol prufessiunale à avè una mustaccia. U Sporting ghjoca torna contr'à Exempt. A Squadra hà ripigliatu i culori è torna à vince. U Paris FC rinuncia à vene in Furiani (dichjaratu "forfait", hà a partita persa 3 à 0). Frédéric Hantz mette una capata à un giurnalistu di LCI è forza i ghjucadori à fà 3 volte u GR20.

APRILE
300 sustenidori bastiacci si rendenu in Plabennec pè a vittoria di Bastia. U Sporting volta ind'a corsa à a cullata. "Si on monte en Super D2, je me rase la moustache", dice Julien Lolli. A "Boutique de l'OM" chì duvia apre à La Rocade hè plasticata.

MAGHJU
Paul Giacobbi vene à seguità i matchs in Furiani cù una maglia di 1995 di marca "Duarig". Furiani hè pienu à tappu pè a venuta d'Orléans. Un but di Salim Moizini (chì hè vultatu in Bastia dop'à u fiascu in Manchester City) manda u Sporting in L2. Julien Lolli dice à RMC "je dédicace cette remontée à l'ensemble des supporters du SECB ainsi qu'aux autres."

The show must go on...

u 6 d'Aostu 2010
U Sgaiuffu



1.mandatu da anto u 06/08/2010 13:21
Salutè ! moi pas footeux !

2.mandatu da vuvuzelacciu u 06/08/2010 13:37
ié ma l'altri si o anto !


FORZA BASTIA

3.mandatu da balaninuntèfinu u 06/08/2010 15:36
fuss'ella puru! ch'ellu si passi cusì st'annu! Evviva u Sporting! Evviva u SKEUBEU!!!!

4.mandatu da Pierrot Bianconi u 06/08/2010 16:18
Si l'affare ùn vannu cusi, anderemu à sustene l'Inter è ancu l'Om.....!! mà nanza tuttu u SKeubeu...

5.mandatu da Pierre u 10/08/2010 15:27
Fine di a storia : agostu 2011, a CTC deve torna mette 500 millioni per techjà (salvà) u SCB chi a bisognu di 45 porsche di locazione di più per campà!

6.mandatu da A Lupa u 12/08/2010 11:53
Rigretteremu tutti u SCB di i principii di 2000 chi si nè ando in finale è chi ghjera in 1 divisione... allora a "gestione Pieri" chi nè pinsate voi altri..

7.mandatu da super scemu u 13/08/2010 16:54
è cusì sia. s'ella si passa cusì, ci camperemu !

è bella sigura, forza...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta