Accueil
Envoyer à un ami
Version imprimable
Partager

Stéphane Guillon più forte chè Christian Clavier

Stéphane Guillon averia una residenza segundaria in Lumiu. À quandu un'occupazione di u so giardinu ?



Guillon in vacanze in Corsica. Què, era nanzu...
Guillon in vacanze in Corsica. Què, era nanzu...
In u classamentu di i pippoli i menu appreziati in Corsica, Stéphane Guillon vene di realizà una prova magnifica : riesce in una settimana à stumacà a ghjente, di manera ancu più forte chè Christian Clavier.

A storia a cunniscite, hà fattu cambià di piazza un invàlidu chì era à u primu rangu à u so spettàculu in Bastia è l'hà messu in un scornu, in un locu bughju.

U staff di u còmicu vulia ancu annulà u spettàculu si l'omu ùn cambiava di locu. Ci spiega chì : Le régisseur de Guillon dit clairement, que si je reste à cette place, le spectacle sera annulé. La directrice du théâtre essaye de lui faire entendre raison, que les PMR sont toujours installés à cette place,et qu'aucun artiste, en vingt ans, ne s'y était opposé. Devant le refus du régisseur, qui menace encore d'annuler le spectacle, la directrice lui répond : « Tant pis ! On annule tout! »

U mutivu avanzatu hè ch'ellu ci vulia à prutege l'omu in u futtogliu à ròtule : "J’ai été informé à la dernière minute qu’il y avait un handicapé placé tout près de la scène. J’ai alors demandé à ce qu’il soit placé dans la salle et que cette mesure soit gérée le mieux possible. Je ne voulais pas qu’il soit mal à l’aise et que le public soit dérangé par sa présence sur un fauteuil roulant", spiega à Corse-Matin.

In Le Parisien, Guillon cuntinuveghja d'infangassi, dice ancu ch'ellu era per pruponeli una piazza più bella : « J’avais envie qu’il soit mieux placé pour pouvoir mieux apprécier le spectacle. Et c’est pour cela que j’ai dit à mon régisseur : Tu vas le voir et tu lui proposes d’être déplacé un peu sur le côté. » Bella bugia !

Ancu megliu, mette tuttu in colpa à u so régisseur è u lampa fora : « Ce régisseur, qui n’est pas mon régisseur habituel, a très mal géré la situation. Et, d’ailleurs, je lui ai dit que je ne travaillerai plus avec lui. »

L'affare si passa di cummentu. Noi vuliamu solu felicità à Stéphane Guillon chì vene di vince u so tìtulu di catinu di l'annu, è chì diventa u pippulacciu u più odiatu di Corsica, ancu peghju chè Christian Clavier è Jean Reno.

Sì Guillon vulia dicci quist'annu chì "c'est beau la Keurse et les Keurses sont formidables", hè un fiascu.

l'8 di Ghjugnu 2012
U Sgaiuffu



1.mandatu da Guizzu u 08/06/2012 01:14
Un rumore dice chì Guillon hà una residenza secundaria in Aregnu ch'hà saltatu durante a "notte bleue" di u mese passatu... E ch'ellu hà fattu tuttu per ch'ella ùn si sappia micca, dumandendu à i giurnalisti di piattà l'affare. Info, Intox ?

2.mandatu da ghjiseppa u 08/06/2012 01:18
Chì vergona.. Iè, ma capisci si dice chi a so famiglia hè Corsa, allora ùn face nunda, u corciu..

3.mandatu da John u 08/06/2012 01:21
aghju intesu dinù sta voce, o Guizzu.

I Balanini , avà tocca à voi !

4.mandatu da John u 08/06/2012 01:23
ma hè quantunque una gloscia stu tippu, no?

5.mandatu da buvone u 08/06/2012 08:13
E po , ci so quelli i "people" ch'elli fussi di dirita o di mancha ,
chi anu a bocca piena di " keurse par ci, keurse par là".
E po esse tranquilli, so capasci di tutti per cuntinuà a avè una casa sempre cu un tettu !
Ma a a fina, chi hè a Corsica è i corsi per elli, paglini !!!!

6.mandatu da attà li sempre vivu u 08/06/2012 09:13
Tandu i grandi giurnalisti francesci ( barbier,gisbert,ruquier...) è i grandi canali (tf1,a2,canal+) ùn si sentenu cumu serà ? peccatu chi stu stroppiu ùn sia micca stu giuffu !!!!

7.mandatu da ANTO u 08/06/2012 12:00
fora Guillon ! trè chilò e mecha longa !

8.mandatu da Piazzettaclandestina u 08/06/2012 12:42
Tre chilo ci vole à metta u pachetu sottu à i so scarpi sino un basta per una casa

9.mandatu da Scortu u 08/06/2012 14:40
Cumelu mi face piacè di vede infine un "people" rimessu à la so piazza !
Perche sin'avà, i Corsi so campionni di u lecca-culu di i people : e u m'amicu Dutronc, e u m'amichu Fugain e u m'amicu Jean réno e à m'amica muriel robin... Chi stumacheghjiu li si pare un onore d'avè sti mezi ciarbelli cume "amichi".
E qualle hè Guillon : un disgraziatru chi a fattu ttutta a so carriera di comicu ch'un face ride chi i vitelli, piattu à France Inter e chi a tiratu gloria e soldi di u so licenziamentu... Bella ropa e ellu si sentia in casa soaia perchè à so mammo hè corsa, bell'affare !

E basta incù CorsiGala !

10.mandatu da Popolascard u 09/06/2012 15:09
"ortu"... "giardinu" !?

11.mandatu da Giovanni della Grossa u 09/06/2012 16:08
Innò!
A casa Di guillon hè in Lumiu, Strada di a piaghja, vicin'à quella Bedos.
Vidarete, si face custruisce un murone di petra.
Ghjè una di e 7 case di sott'à u camin'di farru, di fronte à u mare.
Una sola frà e 7 appartene à un Corsu.
A prima che vò scuntrate cuntinuendu dopu à u stabilimentu di piaghja, ghjè quella di guillon.
Sapiate chì guillon hè statu aiutatu bè da i speculatori è i "petits bourgeois"balanini pè pudè cumprà a casa è u tarrenu.
Salutemu dinù a mubilisazione di l'intraprese balanine chì lu facenu un travagliu magnificu, è in un tempu "record"!!!!
On est vraiment au top!!!!
Mi dà a voglia di stallà mi in Balagna...


12.mandatu da stumacatu u 10/06/2012 11:26
O amichi, ci sera pegliu che S. Guillon...

Hè un attizzadore ma un pensu micca ch'ellu sia un gattivu omu.

E un n'hè micca falzu, dice di fronte cio ch'ellu t'a à di : hè una grande qualità !
Certi facenu i bravi e parlanu male quandu à persona si volta...

Per piacere, lasciatelu in pace.

13.mandatu da ghjattuvolpa u 10/06/2012 23:36
Un v'inchietate micca, in u quatru di l'allizioni di i diputati, Gilles ha da occupà ssa casa cu tutti i militanti di FAC. Ma un purteranu debroussailleuses ne tronconneuses

14.mandatu da JeanLM u 26/04/2013 23:54
U corsu, ùn lu parlu micca, ma possu leghjelu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta