Accueil
Envoyer à un ami
Version imprimable
Partager

Stéphanie Grimaldi hà scupertu l'esistenza di u Populu Corsu

Cun 30% di voti naziunalisti à l'ultime elezzioni, i partiti tradiziunali cambianu u so discorsu. Stéphanie Grimaldi vole "cursizà l'UMP".



Stéphanie Grimaldi hà scupertu l'esistenza di u Populu Corsu
Pare luntanu u tempu di a Corse Française et Républicaine è di u "fronte" anti naziunalistu di l'anni 80 chì andava da u MRG à u RPR.

Di siguru, 30% di voti pè i naziunalisti à l'ultime territuriali forzanu i partiti à scambià appena u so discorsu.

Cusì face Stéphanie Grimaldi. In l'emissione di RCFM Le club de la presse di u 27 settembre l'hà detta di manera chjara : "il faut corsiser l'UMP".

"Il faut revenir à des thèmes régionalistes, qui touchent le coeur des Corses (...) les nationalistes ont toujours representé le renouveau, ce sont les seuls à prendre la main sur les dossiers qui touchent les tripes des Corses (...) c'est ce qu'attendent les Corses".

Dopu à avecci sciappatu l'orechje durante anni è anni à colpi di "Marseillaise" di "France une et indivisible", eccu chì l'anti-naziunalisti d'eri ci facenu u colpu di u regiunalisimu.

Ci hè vulsutu à aspettà u 21 marzu 2010 per chì certi scoprinu chì in stu paese c'era un populu chì hà una lingua è ch'ellu hè primurosu di u so avvene è di a so terra... Era ora ch'ella si rindissi contu ch'ellu ci hè u perìculu.

Perchè micca ? "Mieux vaut tard que jamais", dice u pinzutu.

Ma al dilà di i belli discorsi è di i colpi di cumunicazione pulitica, i partigiani di a "cursizazione" di l'UMP o di a manca sò pronti à opponesi à a spatrunizazione di u fundivu ? À a bettunizazione di u liturale ? À difende a lingua corsa, sin'à l'obligazione di l'insignamentu ? À a generalizazione di e scole bislingue ?

u 24 d'Utrovi 2010
u webmaestru



1.mandatu da orsucciu u 25/10/2010 01:13
hahaha ùn t'ani veramenti a paura di nudda à l'UMP! !

2.mandatu da paulu u 25/10/2010 01:27
ch'ellu sia Stéphanie Grimaldi, Jean-Martin Mondoloni, Gandolfi-Scheit, Simon Renucci o Paul Giacobbi, si dicenu tutti in favore di a lingua corsa...

...ma ind'i fatti un facenu nunda per difendela !!!! a dicenu, ma quand'ellu ci vole a fà un ci hé piu nimu

pé u "foncier" ghjè listessa

3.mandatu da UMPS u 25/10/2010 08:30
Mà per elli un corsu hè francese, mà un francese ùn hè corsu spergu...!!

4.mandatu da jus sanguini u 25/10/2010 08:33
Seranu pè a ricuniscenza du u populu corsu storicu, u solu.. (jus sanguini.) ghjè ghjustu pulitichella.. à l'ora induve certi volenu corsizà, i partidi naziunalisti (elli) franciseghjanu....peccatu !!

5.mandatu da U Rossu u 25/10/2010 10:26
Cursizà l'Ump !! è dopu spergu ch'ella vulerà ricursizà à Corsica è i corsi (S'ellu nè ferma..) chi bisognu ci hè..

6.mandatu da marcellu u 25/10/2010 12:04
Un amicu m'hà dettu ch'ellu avia intesu mughjà "Statu Francese Assassinu!!!" ind'un appuntamentu di l'ump :-)

7.mandatu da jf u 25/10/2010 12:10
iè, ma chi face Stéphanie pè a lingua corsa per esempiu ?

chi face Gandolfi Scheit pè a lingua corsa in Biguglia ?

chi face Jean-Martin Mondoloni in u so stabilimentu ?

"cursizà l'ump" ? so curreghje sumerine

8.mandatu da caterraghju u 25/10/2010 12:25
è Vincent Carlotti chi vole fà l'autonomistu ?

9.mandatu da Mamone u 25/10/2010 12:57
Sopratuttu mi pare ch'ella pensi à a so carriera. Ste ghjiente chi voltanu e so ghjiachette per essere inde u versu di u ventu un mi cabarnu tantu...E ella u parla u corsu? Eiu l'adjiu sempre intensa sfrancisa à a Porta!!!!!

10.mandatu da anzianu UMP u 25/10/2010 13:00
@ Mamone è jf avete a ragio, un so che posture pulitiche ch'elli principiinu pè parlà corsu indè a vita è incu i media, è po di dinù chi s'elli so francese di "carta" so corsi di sangue è di cultura tandu puderianu esse pigliati à u seriu no ??

11.mandatu da Santa Regina.. u 25/10/2010 14:01
Un cridide à quessi, 18 anni fà u merre di Pietralba..(J-Casta) hà fattu ancu di più,, avia parlatu (ellu) di populu corsu..è po una volta elettu...so tuttte cumbine pè ripiglià voti (O evità di perde ne torna...) A Repubblica l'hanu indè u sengue quessi (Cume certi natios d'altronde..)

a prestu

12.mandatu da anto u 25/10/2010 15:07
Sta ghjuanetta ci piglia vèramente pè una mansa di cuglioni !Ci vole fa u colpu di Sarkozy nantà u "pouvoir d'achat" .A l'UMP so tutti ghjacubinisti appèna cumè i ghjacubbisti !

13.mandatu da Michè u fliccu u 25/10/2010 16:14
una vera diritta corsa à mè ùn mi scumoda micca

14.mandatu da Santa Regina.. u 25/10/2010 17:04
@ Michè Diritta Corsa di ché ?? Diritta è manca francese so traminduie unitariste è universaliste...Dunque Giaccubine.....ùn riconoscemu micca e minorità etniche storiche, alloraù ùn ti lascia micca avè.. ghjè tuttu un cumbugliu...ùn corsu ùn ha bisognu di una disfatta pulitica pè sapè chi sangue corre indè e so vene..so belli impizzutitti quessi..!!

15.mandatu da Santa Regina.. u 25/10/2010 17:05
* ricunoscenu

16.mandatu da corsu u 25/10/2010 17:33
carlotti avia dittu , anni passati : vutemu a muzzione a nanta a u populu corsu ,un serva a niente

cynique?

cume mitterrand e u so amicu bastianu leccia chi era presidente dt a cumpania di u rhone tuccandu in u stessu tempu l'assedic in u modu massonu


17.mandatu da MARCUCCIU u 25/10/2010 17:41
aghiu un'amicu,anzianu di u fronte,scrittu a l'ump,favureulè a u giacubinismu,cucinu d'un militanté attivu ump,chi mi a dettu"ma simu tutti naziunalisti".Soca sera cusi a pulitica in Corsica????

18.mandatu da ARC u 25/10/2010 20:16
o Marcucciu seranu forse "tutti naziunalisti" mà indè a sucietà nè ùn si sente nè ùn si vede stu naziunalisimu... allora cume serà seranu tutti settebelli... o trumbette...??
è i Naziunalisti, elli, ti parenu assai cursisti o universalisti...??

19.mandatu da schirzemu u 25/10/2010 21:54
UMP = Unione di i Maghjoni Patriotti....??? ghjera tandu u MPA,....hanu cambiatu l'U contr'à l'A...

20.mandatu da Michè u fliccu u 26/10/2010 09:54
parechji Corsi so di diritta a Corsica ghjè una terra di diritta

21.mandatu da Paulu secondu u 26/10/2010 10:40
Perchè 30 % ?
10 % + 25 % facenu 35 %
è micca 30 % s'o ùn mi sbagliu no ?

22.mandatu da ARC u 26/10/2010 12:43
@ Michè, una terra di diritta chi vole di ?? Un populu po esse di diritta mà micca una terra...Mà hè vera chi simu erede di un populu di pastori, guerrieri è catolichi chi dà 'impurtanza à a lea famigliale (Clan pè certi) èchi ùn hè mai vussutu sparte sta terra incu l'invasore qualsia sia...!!

23.mandatu da per ride u 26/10/2010 16:26
Vista da a Francia a CORSICA hè à MANCA;

Vista da l'Algeria hè à DIRITTA....(sic).

Vista da u Meziornu hè à MANCA da l'Italia è à DIRITTA da a Spagna.

Vista da u Nordu hè l'incuntrariu.

Ma vista da a CORSICA? Hè u CENTRU di u Mondu.

Hè cacciate di i cumenti sò propiu degne di u spiritu di l'articulu, A PIAZZETTA t'hà e risorse pronte.

24.mandatu da stuzzicabugnu u 26/10/2010 16:30
Tantu chi u Corsu ùn sara micca lingua ufficiali è ricunnisciuta da tutti in Corsica è in altrò, tantu chi a noscia lingua ùn sara micca a lingua di u pani, tantu chi i naziunalisti( a principià par i nosci eletti) parlarani a lingua di l'occupanti, ùn si pudara micca fà un solu passu avanti.
E di i nosci meri (ancu naziunalisti) chi ani cio che a leghji francesa chjama " le droit de préemption" è chi ùn si ni ghjovani mai chi ni pinseti?

25.mandatu da MP5 u 26/10/2010 21:27
lingua di u pane ? Iè capiscu mà micca solu, sopratuttu lingua patria o lingua di u stintu, perchè ghjè u nostru patrimoniu eredu di l'antichi..è a nostra cultura ùn si deve firmà à lingua sola... a nostra storia deve ghjuvà di riferenza sociupulitica è filusofica allora chi avà simu indè u francisume puruL

L'Eletti naziunalisti ùn parlanu mai corsu nè a alta nè rcfm nè fr3 cume serà..à ponu fà è utilizzà a minima rimpruvera cume un attacu à u custituzione chi dice chi ste lingue facenu partida di u patrimoniu (Custituzione.V republica.)...no ???

26.mandatu da corsu u 27/10/2010 08:31
certi nazionalisti so contra u corsu ubligatoriu a a scola cume u partitu cumunista: edmond e gilles simeoni etc certi d'inseme di u pnc di femu a corsica......face paura a l'eletoratu francesu portughese e arabu

chi un ci vole micca cunfonde cu l'ubligazione d'insigna ma l'elevi un so micca ubligati d'anda

ghje tutta l'ambiguita di a situazione intratenuta per u statu e una mansa d'umanisti chiari cume "l'eau de vaisselle"

27.mandatu da MP5 u 27/10/2010 10:35
à corsu : Mà allora luttemu pè i poutuguesi ll'arabi è i francesi o pè i corsi..??

28.mandatu da Michè u fliccu u 27/10/2010 10:43
certi messaghji di stu foru so di diritta no?

29.mandatu da langue de molière u 27/10/2010 10:47
@ corsu, hè vera o scherzi ?? si cio che tu dice hè vera ghjè gravissimu, si avà i stranieru hanu "dà fà a pulitica" di i corsi, simu freschi in veru..!!

30.mandatu da jean-paul emploi u 27/10/2010 12:00
iè o michè, d'apressu a mè ci nè unu chi s'amusa à scrive decine è decine di messaghji assai à diritta ma so l'opera d'una sola persuna

bah ognunu hà u so amusamentu o misteriosu amicu di diritta!

31.mandatu da manc'à dritta.. u 27/10/2010 13:42
@ fliccu si pulizzieru, giandarme o simpliciamente flicchu corsu...?? micca RG o mancu...!!!

32.mandatu da Duganeru Corsu u 27/10/2010 20:17
A manca Naziunale ùn esiste più...??

33.mandatu da Poggioli P u 29/10/2010 10:18
ma comu ùn esiste piu !?

Ma si , cume l'ANC di tempi fà ...ùn partitu di cumunicati di stampa !

;-)))

34.mandatu da nostaligica u 29/10/2010 19:07
ANC era u muvimentu direttu dà PP, eranu dissidenti mà avianu u so gruppu "resistenza " chi si facia sente abbastanza bè........
@ Esiste sempre a manca mà un si sente pocu.....Mà eo mi piacia quella CCN, ella si chi ghjera naziunalista....mà tempu hè tempu...


35.mandatu da dispetosu u 06/11/2010 22:30
E quellu Fronte Ribellu.. ùn esiste più avia fattu saltà a Paul-Paul....

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta