Accueil
Envoyer à un ami
Version imprimable
Partager

Strane splusione in mare à u largu di a Corsica

Hè statu osservatu un fenòmenu stranu in mare, vicinu à a Corsica è à u largu di l'isule di Montecristu è d'Elba. U locu si chjama "U Scogliu d'Africa". Ma per avà ùn si parla ancu d'attentatu islamistu.



L'affari sò in talianu. Cunnisciamu l'esistenza di u vulcanu sottumarinu chjamatu u "Marsili". Altu di circa 3000 metri, hè l'unu di i più grandi di u Mediterraniu.

Si trova à u largu di a Calabria è di a Sicilia.


Hè cunsideratu dinù cum'è unu di i più periculosi d'Auropa.


Ma dop'à a decurazione da a merria di Bastia d'un elettu rumanu di strema diritta, un'altru fenomenu stranu hè statu osservatu.

Si tratta d'un geyser à u largu di a Corsica, vicinu à l'isule d'Elba è di Montecristu.

Si passa in u locu chjamatu "U Scogliu d'Africa"


L'affari principianu u 16 di marzu quandu un geyser di dece metri hè statu osservatu, ci dice u situ di u giurnale Il Tirreno.

Dapoi, a navigazione hè stata pruibita.


Di fatti, a presenza di gaz per sti lochi hè cunnisciuta dapoi l'anni 60, ci dice sempre Il Tirreno.


Una squadra di scentìfichi hè sopr'à locu per circà di capisce u fenòmenu.

Fiura : Il Tirreno
Fiura : Il Tirreno

Stu ritrattu ùn hà nunda à chì vede, era solu per attirà a vostra attenzione :

Aspettemu a seguita...

u 24 di Marzu 2017


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta