Accueil
Envoyer à un ami
Version imprimable
Partager

Studienti, nutate i vostri prufessori !

Hè un idea di u rapportu Attali, a nutazione di i prufessori. A ministra di l'insignamentu superiore Pécresse vole permette à i studienti di nutà i so prufessori... "Vindetta" mughjanu i studienti !!!



"L’évaluation des professeurs ne peut pas reposer uniquement sur
les notes qu’obtiennent leurs meilleurs élèves ni sur l’examen
d’inspecteurs. Elle doit aussi reposer sur une évaluation de leur pédagogie
par leurs élèves, sur leur capacité à faire progresser chacun et
sur la prise en compte des résultats scolaires ultérieurs." P28.

Stu sistema hè di più di menu generalizatu in i paesi anglosassoni. L'idea camina pianu pianu in Francia. In certe scole, i studienti notanu i so prufessori ogni simana. Mettenu o caccianu cuppette di champagne o allora, e mettenu à l'arringuersciu! Da retu à stu versu didramatizatu di a nutazione, ci si ponenu parechje quistione in quantu à a piazza data à a demucrazia, à a perfurmenza è à a valutazione in l'educazione.

L'interessu d'un tale sistema ci hè. A sapimu chì tutti i prufessori ùn sò pari. Arricurdate vi... Quantu n'avete avutu croce chì v'anu stumacatu sia da a Scola, sia da a so materia? Unepoche mi si pare... In quantu à quelli chì v'anu marcatu, chì m'anu passiunatu per a so disciplina, ùn avete avutu nisunu mezu per valurizà li, per dilli tuttu ciò ch'elli vanu purtatu.

L'interessu ci hè ancu per u prufessore, per ch'ellu abbia un ritornu custruttivu è un rapportu di fiduccia incù i studienti. U maestru, ch'ellu travagli à a scola materna o à l'università, hè sempre qualchissia chì ampara incù i so elevi. S'è ognunu deve firma à a so piazza, sarebbe una bona ch'ellu ci fussi di più cullaburazione trà elli. Ci puderebbe esse di più rispettu dinù, sopratuttu ind'è i lochi detti "difficiuli".

Ma u periculu ci hè. Serà anonima a nutazione di i prufessori ? Chì serà u pesu di sta nutazione nant'à a so carriera? Serà solu un parè pedagogicu custruttivu o una vindetta di i studienti? U prufessore serà nutatu nanzu o dopu l'esame? Cumu veneranu spiegate e sumiglie trà e note di i studienti è quelle di i so insignanti? Ci serà un marcatu di e note da piattà a debbulezza di certi studienti quant'è di certi maestri? Ci hè quantunque da avè u penseru postu chì a dice u pruverbiu : "cunsigliu di topi, ruina di zani"...

L'interrugazione sò numerose. È voi, chì ne pensate? Cumu l'averiate nutati i vostri cari prufessori???

Articulu di u Figaro

attali.pdf attali.pdf  (1007.63 Ko)


u 27 di Ghjenaghju 2008
Sbanditu



1.mandatu da GWM u 27/01/2008 12:59
St'affare di nutazione di i prufessori po esse efficiente mà quandu stu sistema hè messu in pratica, a rilazione trà u prufessore e i studienti ùn'deve micca diventà una spezia di cuntrattu cummerciale, di tippu "u prufessore dà bone note, e i studienti in'ritornu u notanu bè". Un'si deve mai cunfonde u meritu incù a riuscita.

2.mandatu da cristianellu u 27/01/2008 13:29
n'importa chè st'affare, à quandu "l'università STAR AC" ?

QUI SERA ELIMINé CETTE SEMAINE ? OLIVIER JEHASSE, ANTOINE SERPENTINI ou FRANCIS FORD COPPOLANI ?


3.mandatu da estrimei u 27/01/2008 18:18
per me u tempu di a scola e passatu dipoi assai,ma ,ancu 40 anni dopu , a certi prufessori ,e feria fallà scudrate.

4.mandatu da Resistenza u 27/01/2008 22:08
L'evaluazione una volta l'aghju ghjà fatta à l'usu di certe università americane : ùn era micca direttamente l'insignente ch'era nutatu ma l'insignamentu di manera generale (cuntinutu, corsu...) è di più di manera anonima.
Aviu trovu l'idea intarissante di più chì a materia valia u colpu d'esse valutata.
Piccatu chì u prufissoru ch'avia messu in ballu st'affare ùn sia più di u nostru mondu chì ghjera un universitariu di valore, vogliu di u tintu di Claude Olivesi.

5.mandatu da Studientinu u 28/01/2008 00:48
A l'università, in facultà di scienze per esse precisu, hè fattu. Chjaru qu'un hè micca ubligatoriu è di manera anonima (dunque nimu'u fà !)

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta