Accueil
Envoyer à un ami
Version imprimable
Partager

Sulidarità cun Guy Bedos !

U pruprietariu d'una residenza segundaria in Lumiu è d'un cane chjamatu Malo s'alza per dinunzià a scimità di a viulenza in Corsica. Era ora chì i pippol si muvissinu per stu paese !



Sulidarità cun Guy Bedos !
U cursinu hè statu tombu d'una palla in capu. "Les tireurs n'ont laissé aucune chance à la victime", anu dettu i giurnalisti.

In una lettera chì vi ferebbe pienghje un Vladimir Poutine, spiega Bedos à Corse-Matin chì :

"Ma femme d'origine bretonne, mais qui adore la Corse, comme tous les Bretons, l'avait pour rire, baptisé Malo. Pour nous, désormais, victime et martyr de la folie des hommes, il sera Saint Malo. Pour toujours."

Passemu nant'à u "qui adore la Keurse" chì ogni pippulacciu di Corsica hà almenu dettu una volta in a so vita à Corse-Matin.

A "scimità di l'umanità" hà dunque un nome. L'ondeci settembre ? Hiroshima ? A Shoah ? "L'enclave de Cabinda" ?

Nò, un cane tombu in Lumiu, segondu Guy Bedos.

L'infurmazione hè diventata naziunale : si ne parla in u JDD, nant'à Le Post, Le Figaro...

È in Corsica, si movenu i sustegni :

André Paccou hè aspettatu sopr'à locu. Emile Zuccarelli hà fattu una dichjarazione contr'à "cette nouvelle flambée de violence meurtrière qui a une fois de trop ensanglanté la Corse".

Addunite di ghjente si sò fatte in Lumiu sott'à i striscioni "mai più què, halte à la violence et au fascisme".

Christophe Barbier hà digià preparatu un novu sketch.

À l'interru, s'aspetta ancu più mondu ch'è pè Philippe Seguin. U Cullettivu di i Pippol di Corsica serà presente cun Christian Clavier, Muriel Robin, Jacques Dutronc è ancu Brigitte Bardot.

A ghjustizia anti-terrurista s'incarica di l'inchiesta è s'aspettanu assai interpellazione in i ghjorni à vene.

A nostra isula, ferrite è traumatizata, ci la ferà infine à stirpà sta maladetta viulenza chì face tantu danni à a nostra piccula Cursichella chì "ùn averà mai bè" ?

Ùn sò micca i nùmerosi assassinati di i regulamenti di conti in u milieu di l'annu passatu chì diceranu u cuntrariu.

In quant'à tutti i cani tombi è ghjatti avvelenati pè storie di paese, d'abbaghjate o di ghjelusie è chì ùn anu avutu mancu un filare in u giurnale dapoi anni è anni, seranu felici di vede chì i pippol di stu paese si sèntenu infine cuncernati da l'avvene di a Corsica.

u 12 di Ghjenaghju 2010
U Sgaiuffu



1.mandatu da Kalliste u 13/01/2010 00:24
Aghju un vicinu mezzu tontu, mezzu drugadu chi ha un pitbull.. Stu cane core cuante sette tra mezzi i curido e indu purto, sempre solu.. U typu abbra a so porta (un studio !), u cane sorte e aspetta chi qualchisia abbri u purto per sorte a fa i so bisogni fora.. L'aghju detta a stu typu di tene u so canacciu.. Si ne ride di me e ma anchu dettu chi avveva da ampara a u so cane a murzicami.. (Che lu venga, aghju una bella ramuletta chi l'aspetta).. Aghju chjamatu a pulizza parechje volte.. Tuttu mondu si ne batte i c******* !!!! allora se quellu chi a sparazzadu Lumio di Malo pudia occuparsi di stu pitbull.. M'arragiarebbe chi aghju dui figlioli chjuggi..

2.mandatu da ragoutoutou u 13/01/2010 00:49
dopu à u ghjallu di a piscina di Clavier, eccu u cane di Guy Bedos

à quandu stu porcu di Sarkozy ?

3.mandatu da Fiumorbu u 13/01/2010 07:56
Mi campu, veramente mi campu cun i francesi e sopratuttu i pipoli! Da qui a pocu bedos ha da ghjama a obama

4.mandatu da Tarzan di a vechja cità u 13/01/2010 08:31
Un cursinu incù un patronu francesi pò essa chjamatu "collabo"?

5.mandatu da u spettatore u 13/01/2010 09:11
E ch'ha dettu a SPA (Sucieta di i Pipol Arrabiati)??

6.mandatu da Corfatex u 13/01/2010 09:38
"S'è tu voli andà in pace, ùn stuzzicà cane chi ghjace"

7.mandatu da alanu bougranu di u buru u 13/01/2010 09:41
Salute so u presidente di a spa in corsica
Aghju messu dui ghjorni per rimettemi di issa nutiziaccia. Ava aghju da fa tuttu cio che pussibule per ritruva stu omu.Oh guy un ti ne fa, malo un he micca mortu per nunda! Aghju principiatu a spiula tutti i cani di a cita, ma per u mumentu so cascatu annantu un ossu. L'affara n'he micca di e piu simplice, ma truveraghju l'omu di sta malfatta.MALO GLORIA A TE

8.mandatu da Royal Canacciu u 13/01/2010 11:32
Di poi, Thomas Dutronc ùn lascia più i so teckel sorte senza bodyguards.

9.mandatu da PERTU SANTU u 13/01/2010 12:03
I su canacciu cupria a mio ghjiacara in calore.Pé un avé micca cani imbastaditi in casa méia l'aghiu fattu tumbà.Cusi a razza un si perderà.

10.mandatu da Bustanicane u 13/01/2010 12:17
O Bedos o bédé !

11.mandatu da malo u 13/01/2010 13:10
MALO SEMPRE VIVU!!

12.mandatu da Chnoupi u 13/01/2010 14:41
Que d'écritures pour un chien !
J'aime les animaux, possède deux chiens et trois chats et condamne le tireur ; mais je n'irai pas porter plainte si l'un de mes chiens divague, importune personnes au village ou animaux (vaches, chèvres...), d'autant plus que, très souvent, le propriétaire de la bête est prévenu (tout se sait au village !).
Bedos a du temps à perdre et, surtout, il a de l'argent à dépenser. Et puis, quand on a un animal (surtout un chien), on l'a avec soi, on ne le laisse pas dans une de ses résidences secondaires !

13.mandatu da lingua nostra u 13/01/2010 16:04
Oh chnoupi In lingua corsa a prossima volta perpiace.

14.mandatu da UBoziu u 13/01/2010 19:41
A morte di ùn cane in prima pagine hè una scelta giurnalistica ridicula, ma quellu chi ha tumbu stu cursinu hè senza dubbiu ùn vigliacu chi ùn vale mancu una sorba.

15.mandatu da u pastore u 14/01/2010 10:21
I ghjacari un devenu micca esse cappiati quandu un ci he micca u padrone. Dopu ghjunghjenu in i chjosi e tombanu lanimali.Quandu ne vecu unu chi si mette dopu e mo cabre u tombu e basta, e di sicuru cio chi he accadutu incu stu ghjacaru.Peccatu chi fussi statu un cursinu

16.mandatu da GWM u 14/01/2010 14:16
Eccu !

17.mandatu da OBAMO u 14/01/2010 23:53

Umbah l'anu tombu cum'è ...un cane!

18.mandatu da A. S. MASSOUDINI u 15/01/2010 10:38
Malu... Mortu pà a Nazione!

19.mandatu da Bragaghju u 15/01/2010 14:08
Prima di tuttu, cumplimentu per a frasa : "Ùn sò micca i nùmerosi assassinati di i regulamenti di conti in u milieu di l'annu passatu chì diceranu u cuntrariu. " !!

Ate a vede chi avà, per i pinz', i Lumiacci anu a esse tutti assassini di cani ! Li piacenu à elli fiure semplice pà spiegà cio ch'elli puderanu mai capì ...
Sentu digià a voce di l'altru "JP Pernaud national" annuncià ch'un cane hè statu trovu mortu in Poitiers è chi a "pista lumiaccia" hè privilegiata ...

20.mandatu da Stancumortu u 17/01/2010 14:50
Ma chi hé sta razza suprana detta di i pipoli da qualessa i cani valerianu piu Che l'altri? Dimu piuttostu "mortu un bedos mortu un cane" e micca un bel'ossu a lampa.....a i cani!

21.mandatu da OBAMO u 17/01/2010 17:29
Faci sempri rida una frasa comu "a me moglia hè brittona ma adoooooora a Corsica, com'è tutti i Brittoni" : u ghjacaru hè mortu (u tintu) ma u ridiculu ùn hà da tumbà u so patronu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta