Accueil
Envoyer à un ami
Version imprimable
Partager

Sustenite a rivolta in Guadaluppa : mandate e vostre arme !

Facenu avà parechje settimane chì a Guadaluppa si rivolta contr'à Parigi. Prublema : à sti disgraziati li mancanu l'arme. Ind'è noi, segondu i giurnalisti francesi, arme ci ne saria troppu. Allora ?



Sustenite a rivolta in Guadaluppa : mandate e vostre arme !
u Figaro à avè turnatu à caccià u prublema di l'arme in Corsica. Siguramente u fattu d'un giurnalistu à l'oziu...

À gran'colpi di lezziò, compie cusì u so articulu : "Si les armes sont criminogènes, il est grand temps de mettre l'ordre dans l'arsenal corse". Accidenti !

È cusì sia ! Christophe Barbier ùn hà da stà tantu manch'ellu per rimettene una. À ellu chì li piace tantu di dinunzià "l'arcaisimu" di i Corsi.

In tantu, hè un pulizzeru chì s'hè fattu tumbà in La Courneuve, sàbbatu sera...

Allora postu ch'è no averiamu troppu arme, ch'è no sariamu troppu viulenti, arcàichi, gattivi, in più d'esse corci, assistiti, stercaghji è prufittori, femu prova d'appena di generosità è di filantrupia : MANDEMU I NOSTRI FUCILI IN GUADALUPPA !

Feremu piacè à tempu à i sempiterni dunadori di lezzioni parigini è à i rivultati di i DOM TOM entrati in ribellione contr'à i békés...

Da leghje dinù, trovu nant'à u net : Corse Guadeloupe, même combat !

Sustenite a rivolta in Guadaluppa : mandate e vostre arme !

u 23 di Farraghju 2009
U Sgaiuffu



1.mandatu da smith&wesson u 23/02/2009 01:16
di tutte manere l'arme in Corsica ùn ghjovanu più pè rivultassi..... allora mandemule puru à più famiti ch'è noi!

2.mandatu da piazza d'arme u 23/02/2009 01:28

Si pÒ omu dumandà cum'hè chì sò ghjunte tanta ghjente (sicondu l'INSEE) in stu paese di salvatichi? Sè almenu tutti i nostri difetti supposti i fessinu sfughje, ma nò,

Seremu belli addurmintati...


I guadalupeani ci danu una bella lezziò.

3.mandatu da fratellu ficatellu u 23/02/2009 01:36
Si po dinù sustenelli andendu a asculta e canzone a è serate culturale di "La cave Bastiaise"... Tutte e sere, da 11 ore di sera sin'a 5 ore di mane (Ancu di più, se vo' cunniscite appena...) "Vas'y Alain c'est bon !"

4.mandatu da Kugùrn u 23/02/2009 09:57
femu un "pistolethon"

5.mandatu da hans u 23/02/2009 10:09
é pè sustene a brise de mer, si pp fà un donu dinù?

6.mandatu da machja u 23/02/2009 12:09
Perchè aspita sempre cumplimente di a parte di i francese, ie l'arme ci piacenu , e alora ?
Eiu vuleria ch'elle sianu in vendita libera cume in USA.
Ogni volte che a Corsica face qualchi cosa, si volta versu a francia per ave u so cunsentu, cume un zittelucciu versu i so genitori.
Simu cume no simu, e se a nostra manera d'esse o di campa dispiace a u populu di francia , ch'ellu ci lascia tra di noi, e tene e so lezzione per a so ghjente.
U figaro o l'altri "media " scrivenu e dicenu cio che li piace, pocu m'impreme EIU SO CORSU E PO BASTA

7.mandatu da Antò u 23/02/2009 12:10
Bellu st' articulu.

8.mandatu da fratellu ficatellu u 23/02/2009 13:37
Iè, anc'a mè mi piacenu l'arme, un'aghj'a micca mandalle a i mamadù, chi i calibri, n'avemu bisognu pè pudè cuntinuà da tumbaci tra di noi... Chi ghjè a nostra manera d'esse...

9.mandatu da machja u 23/02/2009 14:11
Inno! l'armi un servanu mica a tumbacci tra di noi, l'armi ci so sempre state in Corsica, in li tempi un ci era mica tante pistole o fucile ma stiletti, chjamatti ancu" porta rispettu".
E nazione putente hannu "l'arma atomica" chjamatta forza di dissuasione, e noi a nostru livelu avemu u fucile.
Quandu una vera democrazia nascera in Corsica tandu i fucile fermeranu in casa.
Un cascate mica ind'e u discorsu intrappulattu di u paese u piu micidiàle di l'Auropa, e di i populi "civile".

10.mandatu da bertrand u 23/02/2009 14:27
iè, ben parlatu o machja !

ma si ponu dinù chjamà "purtava rispettu"...

dumandate à Richard Casanova, Francis Mariani, Robert Feliciaggi, Daniel Vittini, Ange-Marie Michelosi... ecc ecc...

ah iè, l'anu purtatu u rispettu !...

11.mandatu da Kugùrn u 23/02/2009 14:45
http://www.wmaker.net/apiazzetta/Charlton-Heston-ha-cappiatu-u-fucile_a166.html

pè o contru à una NRA corsa?

12.mandatu da machja u 23/02/2009 15:18
à bertrand
un c'hè bisogna ne di pistole ne di fucile per tumbà un omu !
I bigliettini di votu hanu fattu piu morti che tutti i fucile di Corsica !
Dumanda cunsigliu a i nostri clanisti !

13.mandatu da in cauda venenum u 23/02/2009 16:21
U MAHATMA GANDHI SENZA NUNDA A LAMPATU FORA A PIU GRANDE PUDENZA CULUNIALE DI A SO EPUCA ACCADE DINU CHI CERTE PARULLE SIPIINU PIU PUDENTE CHE FUCILATE QUAND'ELLE SO DETTE CUM'ELLU CI VOLE QUAND'ELLU CI VOLE FORZA GUADALUPPA

14.mandatu da Chjucu Maiò u 23/02/2009 17:00
Simu d'accordi in Corsica l'arme ci so puru, ch'ellu vi piace o no. Què ghjè un fattu.
U mio cummentu ùn hè micca per dì chi ghjè bè o male d'avè un'arma in casa, mà ...

Ma ùn vi scurdate di l'anni 90 quandu c'era a guerra tra naziunalisti, ci so stati ùn l'a so quantu morti ! Ditemmi appena quantu arrestazione è prucessi ci so stati per fà piantà stu macellu ?
U statu francese era più chè cuntentu di lascià l'arme parlà indu nostru paese... Tante famiglie stirpate è ruvinate ! Tanti morti per nunda... Vogliu dì chi què, ghjè ghjustu una scusa, ùn hè micca un'idea sincera di u nostru amicu Pariggi di caccià l'arme di Corsica.
ghjè ghjustu per avè a cuscenza più tranquila è per faci crede chi u statu face qualcosa per noi...
Aiò...

Sarebbe megliu di caccia ci tutta sta rubbaccia di "dealers" (Corsi o no) chi elli ruinanu a ghjuventù corsa! Stirpate puru sta rimigna, avete a mio benedizione !
Dopu ne riparleremu....

A prestu


15.mandatu da altore u 23/02/2009 18:11
eiu ùn vulerebbi micca esse u genderme chì hà da ghjunghje à pigliacci e catane un ghjornu di matrimoniu o d'elezzioni... ci avemu tandu da facci duie risate...

16.mandatu da piratella u 23/02/2009 20:20
Certa chì 'ssi ghjurnalisti volenu pruvà una volta di più chè no simmu a peghju sterpa in u mondu, certa chì l'auturità francese volenu incalcà 'ssu fattu per dì chè no simu cusì difficiuli à guvernà...

Ma quantunque, à mè ùn mi piacenu l'arme...S'ellu ci ne fussi di menu ghjente in pussessione d'arme, ci serianu di menu baruffe chì si cumpierianu in assassinii...


17.mandatu da Jericho u 24/02/2009 10:06 (da un teleffuninu)
No t avemu piu armi chi l antiesi ma ci sbagliemu sempri d oghjettivi e un semu boni chi a flinga ci tra di noi. eddi parlani pocu ma tirani i giandarmi com eddu ci vurria a fa certi volti inde no par rimetta li a a so piazza a tutti ssi pandurracci

18.mandatu da fucilone u 24/02/2009 11:15
100% d'accordu cun Chjucu Maiò

di tutte manere i pinzuti ùn so boni ch'è à dacci lezzioni

19.mandatu da FIUMINALE u 01/03/2009 09:30
Gardati chi mi guardu ( Parole di l antichi) e u rispetu si face solu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta