Accueil
Envoyer à un ami
Version imprimable
Partager

Territuriale 2010: i Primi Candidati è l'Ultime News...

À chì face cum'è a levra, à chì face cum'è a cuppulata....



Territuriale 2010: i Primi Candidati è l'Ultime News...
Uniti Mai Più

Principiemu incù una nutizia di quelle bunissime. S'è vi vulete presentà, pare chì a lista UMP circhessi candidati. Vistu u so fiascu à l'ultime municipale è u rimusciu di u PADDUC, più nimu ne vole sente puzza di u partitu d'Ange è di Camille...

U Ritornu di u Fughjiticciu...

In più di quessa, Caesar, u babbu spirituale di sti dui Brutus, Jean Baggioni si vulerebbe prisentà. Arricurdate vi... Hè l'anzianu anzianu mere di e Ville di Petrabugnu, l'anzianu presidente di l'esecutivu ma dinù l'anzianu patrone di a sezzione capicursina di u RPR è unu di l'ultimi scrittori di a rivista U Muntese. Hà annunziatu ch'ellu ci vulerà à cuntà cun ellu...

Abbasta ch'ellu si ficchi duie o trè candelle di botox in faccia per ch'ellu turnessi cum'è prima... Per avà, hà digià sceltu a musica di a so campagna. Serà a canzona d'Antone Ciosi : Ritornu.

U sunniacciu di Séguéla

Jean-Charles Orsucci, u mere di Bunifaziu hà ancu ellu dichjaratu a so vulintà di mette un pede à a CTC. Seria u capilista di "Presenza bunifazinca" ma e piazze nant'à a lista serianu pruibite à i cala lunghesi...

Scappinu

U PNC di Jean-Christophe Angelini ghjoca à Chjam'è rispondi senza risposta... JCA seria tandu capace à cantà si una di e so più belle serinate...

Free Corsica!

In quantu à l'indipendentisti di Corsica Libera, à sente l'ultimi puttachji, serianu più laziosi di liberà a Corsica chè e piazze nant'à a lista...

U ciucciu

Eppò u giovane Alexandre-Jérôme Tollinchi Junior hà annunziatu per contu soiu ch'ellu sarebbe capilista di Terra corsa, terra nostra. V'interessa à voi tamanta nutizia?

E seghe

A manca, stumacata da e mancate, si vole ripiglià. "Forti seremu s'è uniti semu" averia lampatu un militente di u PRG. Dipoi, a manca si vole addunisce da retu à Paul Giacobbi. A lista d'unione trà Tonton, Milou è Popaul s'appronta à fà piglià e poste...

U peghju, ùn sò micca sti candidati ma tutti sti prufessiunali di a pulitica è di a pulitichella chì ùn l'anu ancu palisata ma chì contanu di presentà si è chì speranu vince... Poveri à elli, chì campa sperendu more cachendu...

Cunsulta di A Piazzetta in Barchetta

A squadra di a Piazzetta vulerebbe ancu ella presentà una lista. È perchè micca noi? Ancu puru s'ellu ci manca u prugramma, u cungressu di i redattori di u blog chì s'hà da tene in Barchetta u 2 di nuvembre prumette di mette u paese in sussuru. À dilla franca, per contu nostru, simu incapaci cuscenti mentre d'altri candidati, più niscentri è pretenziunuti, sò incapaci incuscenti...

A quistione di l'integrazione in a lista d'unepoche di persunalità esteriore ma di fama cum'è l'ecunumista Estrimei, u pueta Machja, u chimista in Cauda venenum, u piratu Ghjuvan'Filici, Elvira u pezzò, Culomba a cantatrice, Ribella l'idealista, u psicanalista Pazzurgu, o peghju, u schinchiseccu di Circinelludiguagnènativupèliguagnesusosanguaversatu oppone e duie tendenze scherzose di u blog.

u 14 d'Utrovi 2008
Sbanditu



1.mandatu da estrimei u 14/10/2008 13:19
o sbandi' ,
so inghjuliatu! m'hai trattatu d'ecunumista , e a sai so ch'ellu dice Attali di l'ecunumisti ? dice:"he quellu chi e sempre capace di spieggà, u ghjornu dopu , perche u ghjornu nanzu dicia u cuntrariu di so chi si passa u ghjornu stessu ".

Ma so dinnu onoratu ; mi sciacchi in testa di a lista di a Piazzetta . ti ringraziu assai , ma dopu avè assai riflettutu, so cundannatu a ricusà. stu colpu aghj'ha intrapullà per esse nantu a lista di Giacobbi-dicenu che ellu chi vincerà e prussime territuriale - e postu ch'o ne simmu a parlà d'ellezzione vuleria lampà una chjamma a tutti quelli di a Piazzetta chi sannu ch'o li portu cunsidérazione , amicizia , fratellanza, stimma,affezzione.....: amici cari serraghju canditatu e elettu a e prussime territuriali , per quessa aghju bisognu di tutti i vostri voti . ajutatemmi , pertite in campagna e buscatemi u piu voti ch'ellu si po . puvemmu vince tutti insemme , e a sapete , so vincimmu simmu salvi ! incu Mè a l'assemblea un ci'he piu nunda a temme

2.mandatu da Sbanditu u 14/10/2008 13:30
Bella citazione di Jacques Attali. L'avia detta ind'è u nouvel obs. A crisa finanziaria li hà datu ragiò...

In quantu à l'elezzione... Peccatu... Cuntavamu di mette vi capilista... Più chè què, ùn la pudemu fà !

3.mandatu da machja u 14/10/2008 15:12
A meia, a citazione, sara quella di missiavu, chi mi dicia sempre " FA UN DI " e tenaraghju a mente isse parole séne.
Per l'ellezione di e territuriale un mi truverete mài , aghju sempre dettu che l'assembléa di a corsica, era una sumiglia di putere francese, e per noi una trappula maio.
Eiu pensu che seremu piu putenti, e piu utile di fora, nant'una piazzetta, alluntanati di e tentazione di u putere chi guasta u spiritu.
Salutti a tutti l'amichi e cuntraditore di a Piazzetta

4.mandatu da Blaccu Bloccu u 15/10/2008 17:14
Quali Attali ? Quiddu di l'Angola Gate ?
S'iddu sbarca qui hè capaci à fassi eleghja, cheta vè !

5.mandatu da estrimei u 15/10/2008 19:53
o Blaccu Bloccu ,
chi vai a circà? Attali 'un he micca (e un he mai statu ) a mio divuzione , ma s'ellu dice cose chi currispondenu a cio ch'o pensu ripigliu vulenteri so ch'ellu dice .
tutta sta 'nfrasata per ditti chi ancu s'ella t'accunsente un mi chetu micca .
u cuntrastu l'accettu 'ncu piace , l' ordini e i cumandamenti dalli a i pari toi !

6.mandatu da Blaccu Bloccu u 17/10/2008 19:05
o Strimè era par taruccà appena à quali a mimoria li scappa.
Ùn fà u muffutu chi a prissioni "cheta vè" l'usu eiu par dì "basta basta" o "mai la sia".
'Nu spiritu eru pò luntanu dà l'ordini è i cumandu ch'iddi mi sgradisciani ancu à mè.

7.mandatu da estrimei u 18/10/2008 12:12
o Blaccu Bloccu ,
avà , aghju capitu, ma nu i mio lochi un s'adopra micca.
aghju pigliatu a mosca per nunda, ti dumandu scusa e ti salutu

8.mandatu da piu piu piu piu u me cuccu u 14/02/2009 10:01
eiu pensa ch'ella saria propriu bè una lista a piazetta
he tempu d'apre un postu per mette idee e pruposte chi ne pensate ?
vogliu esse l ultimu di a lista ma senza nome postu ch eo scrivu
ind'è a piazzetta cu una mansa di pseudo piu scemi l'unu chè l'altru
ma grazia a a piazzetta mi so messu a scrive in corsu ancu puru s'ella hè corsu di carrughju appenna limitatu
ma di tutta manera tutte strade di corsica so limitate a quandu un panellu limitatu a 50 a quandu dinu una vacca in piena mezza ma in pulitica e limitata da i boulet prufessiunalli di a pulitichella allora saremi i piu forti cum'ella facia coluche he què a nostra forsa
eviva a corsica eviva a piazzetta eviva ziu memette

9.mandatu da MDRRRRR u 14/02/2009 10:02
memette chi ci metta ????!!!!!!!!!!!!! heinnnn ???

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta