Accueil
Envoyer à un ami
Version imprimable
Partager

Territuriali 2015 : José Rossi vole cunduce a lista

Eccu, hè principiata a campagna di e territuriali di u 2015. José Rossi si sente l'anima d'un Ryan Gosling è s'hè lanciatu u primu. Ma Camillou ùn hè micca cuntentu. À parte quessa, hè u grande ritornu di a CFR.



Territuriali 2015 : José Rossi vole cunduce a lista
Alè cumu ci annuiemu appena, femu u puntu nant'à l'elezzioni di u 2015. Sì à manca ùn si passa nunda (per avà), hè à diritta ch'ella ci hè appena d'animazione.

Fine settembre, José Rossi annunziava in Corse-Matin u so grande ritornu, u so amore per Sarkozy, è a so intenzione di cunduce una grande lista d'unione à diritta.

Cù Marcel Francisci ? Ùn si sà, per avà l'omu hè messu in esame in l'affare di l'Aviation Club de France è hà pagatu una cauzione di 320.000 euri per pudè esse in libertà.

Allora si ferà l'unione di a grande famiglia di diritta ? Troppu prestu per dilla. A settimana passata in Cuntrastu, Camille de Rocca Serra hà calmatu à JR : "la candidature de José Rossi est prématurée". Nanzu di pone a dumanda "et pourquoi je ne serais candidat ?". Quessa, hè fatta.

Anne-Marie Natali ella hè sempre in zerga dop'à u fiascu di e senaturiale. Nant'à RCFM hà prevenutu : "Je sais qui n'a pas voté... et il y aura des retours de manivelles".

Interrugatu nant'à l'azizume d'Anne-Marie Natali è a difficultà di fà l'unione, Camillou s'hè compru un survêt ind'è Décathlon è risponde : "Il y aura peut-être du sport, mais ça tombe bien j'ai fait beaucoup de sport dans ma vie".

Infine, a CFR torna è parte sott'à u nome di "Mouvement pour la Corse Française". Nisun prugramma, solu "nous sommes opposés à tous ceux qui se réclament du nationalisme corse", anu dettu à RCFM. Attenzione, per elli, José Rossi hè un naziulistu periculosu è Pierre Chaubon un agente infiltratu di u Fronte. Prumette una campagna d'un altu livellu.

In tantu, Paul Giacobbi conta i punti.

u 13 d'Utrovi 2014



1.mandatu da Michele u 14/10/2014 11:42
L'elezzioni territuriali sarebbe a dire? per l'assemblea della regione corsica?

2.mandatu da hantzu u 14/10/2014 12:03
o JR, statti puru in casa toia à fà l'immobilier in Grussetu Prugna

3.mandatu da u turcu u 15/10/2014 17:26
isiie

Novu cumentu :