Accueil
Envoyer à un ami
Version imprimable
Partager

Terrurisimu : ùn v'inchietate, i peghju sò sempre i Corsi

"Les terroristes sont tous islamistes ? Des chiffres pour relativiser" hè u tìtulu stranu d'un articulu publicatu nant'à u situ di u Nouvel Obs. Di siguru, ci n'hè pè i Corsi.



L'articulu prupostu da u giurnalistu Boris Manenti si vole una risposta à i prupositi di Roger Cukierman : "Toutes les violences, aujourd’hui, il faut dire les choses, sont commises par des jeunes musulmans".

Dapoi, u presidente di u CRIF hà fattu a pace cun Dalil Boubakeur, u presidente di u CFCM.

Chì i musulmani ùn sò micca tutti assassini sanguinari pronti à fassi saltà à La Rocade, si ne và cù i so pedi. Innò, a lettura di u Curanu ùn porta micca sistematicamente à piglià a Kalashnikov.

Ma induve l'articulu hè stranu, hè chì l'autore, in u filu di u famosu "padamalgame", cerca à rilativizà u terrurisimu di i fanatichi islamisti cù... u "séparatisme corse".

Iè iè. Pensavate avelle viste tutte ? Ebbeh nò.

Terrurisimu : ùn v'inchietate, i peghju sò sempre i Corsi

L'analisa hè chjara è ùn lascia piazza à u dubbitu. I "separatisti corsi" sò più periculosi ch'è l'islamisti.

À prupositu di l'attacche terruriste :

"Toutefois, les terroristes islamistes ne sont responsables que de trois d'entre elles, soit 1% de l'ensemble des attaques. Bien loin des séparatistes corses qui totalisent 214 attaques sur cette période (soit 72%) ou des séparatistes basques (13 attaques, 4%). De quoi relativiser les propos du président du Crif, Roger Cukierman"

Iè, di chè rilativizà. Uff ! L'attaccu di Charlie Hebdo è di l'Hyper Casher à cantu à e notte turchine chì facenu saltà e casacce in bor'di mare, ùn sò nunda.

Ancu di grazia, l'autore finisce per aghjustà à l'ultimu chì :

"Reste que les attaques d'islamistes demeurent les plus marquantes puisque les plus meurtrières. Depuis 2000, 249 personnes ont été tuées en Europe par des islamistes, soit bien plus que par des séparatistes basques (56 morts) ou irlandais (27 morts)."

È un mortu solu in Corsica, ch'ellu ùn cita manca.

Terrurisimu : ùn v'inchietate, i peghju sò sempre i Corsi

Allora d'accordu, ùn vole micca dì ch'ellu ci vole à nigà i prublemi di viulenza in Corsica, chì sò d'orìgine maffiosa per u più. Nè mancu e derive di muvimentu in l'anni 90 chì anu purtatu i naziunalisti à tumbassi trà d'elli (una vintina di morti). Ùn ci vole micca à scurdassine è ci vole à cunnosce u passatu per ùn turnà à pruduce listessi sbagli.

Ma u paragone di u giurnalistu di u Nouvel Obs presta piuttostu à ride. À forza di ripete "pas d'amalgame", in fine di contu, si ne face d'altri...

St'articulu traduttu nant'à u situ Ampargu a lingua corsa.

u 26 di Farraghju 2015



1.mandatu da luntanu u 26/02/2015 18:09
Ne a seria Padamalgame: cum'hè chì millaie di ghjudei volenu fughje in Israelle allora ch'ùn u cunnoscenu mancu stu paese, ùn ci hanu mai messu i pedi per a più parte è sò quì dapoi centinaie d'anni. Ma l'arabi (musulmani) ùn ci n'hè manc'unu chì parla di vultà ind'è ellu. Nò. Parte ne ssi paesi in guerra per amparà à tumbà è volta in francia à metteci a merda è tirà di Kalashnikov per i cherrughji o nant'à quelli ch'ùn pensenu cum'è elli. Ma tuttu và bè. Padamalgame.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta