Accueil
Envoyer à un ami
Version imprimable
Partager

The show must go on !

Ècculi chì spùntanu torna a so nappa !
Avìanu abbandunatu a Scena Corsa chì u successu parìa di vulèlli nigà u mottu malgratu un talentu palesu, ma messi fora per a porta, tòrnanu à affaccà per u purtellu…



The show must go on !
V’arricurdate di u gruppu Corsica Terra ? E so voci latine, spurgulate è piene, e so ribuccate maestre, a so dicitura perfetta... un incantu! Ci tòrnanu st’inguernu dopu à avè mutatu pelle, ed ècculi avà portabandera di u Metallu à l’usu Corsu. Ma ùn sò più quellu gruppu ch’è no cunniscìamu. Innò, prima chì anu cambiatu nome : da Corsica Terra, sò mutati Corsica Metalli. Efficace.

Ma dinù anu abbandunatu a lingua Corsa chì, dicenu elli, « più nimu avà era capace à capì e nostre canzone ». In quantu à a putenza artìstica, state puru tranquilli, ùn hà patutu u cambiamentu di stilu chì, cun stu ritornu à carne in bocca, u piacè hè sempre listessu.

Avà càntanu in inglese dunque, influenzati da a rièscita di u gruppu Notte ch’elli ricunnòscenu cum’è i so maestri : « ci anu influenzatu assai a so musica è i so panni », ma l’indiatura ferma listessa è u so primu dischettu pare digià prumessu à un successu di quelli!

Ind’è quellu giuvellu ch’elli anu chjamatu cù u garbu soiu « We Fuck France », I Corsica Metalli prupònenu tìtuli cum’è « Symphony of the island of beauty », « The power of the dynamite » (« we put your buildings down »), o ancu u famosu « The lament of the drunken terrorist » nù u filu di a tradizione Corsa di u lamentu, è ancu « The march of the Nationalists » (« Nazione is on march », « Corsica for ever in ou hearts, in our souls ») ch’averebbe da esse l’innu di a campagna eletturale di Còrsica Lìbera per e Territuriali. Infine, « Hidden in the maquis » (incù a rima « hidden and happy ») serà di siguru in l’anni à vene u ribombu inglese di Clandestinu, a famosa canzona di Canta u Populu Corsu. Da ascultà à fondu !

Oramai, pare ch’elli ùn fèrminu più ch’è I Mantini à pudè fà a lingua pettu à sta crèscita qualitativa di a pruduzzione culturale corsa.

Ma bàstanu avà e chjàchjere, let’s run !

http://www.lastfm.fr/music/Corsica+Metalli/_/The+Power+of+the+Dynamite

http://www.lastfm.fr/music/Corsica+Metalli/_/The+Lament+of+the+Drunken+Terrorist

http://www.lastfm.fr/music/Corsica+Metalli/_/Hidden+in+the+Maquis

u 23 di Ghjenaghju 2009
Ussamà Ben Lazezu



1.mandatu da Heliofobu u 23/01/2009 10:47
"Hidden in the maquis I feel so crazy" ! Chi putenza, hà da esse difficiule di truvà megliu !

2.mandatu da GWM u 23/01/2009 11:48
Headbanging in tutti i paesi !!! mà pè paghjellà in lu stessu tempu, difficiule...

3.mandatu da Ironu maidenu u 23/01/2009 13:49
mortu di risa!!! chi macagna!!!

4.mandatu da Hubert Storm u 23/01/2009 14:21
perchè ste cazzerolle ? d'appressu cio ch'aghju intesu qui, ùn so micca cusi gattivi, sti metallisti corsi. Per "Ironu maidenu": ci vulerebbe à fà una ripresa chjamata "Un Nùmaru di a Bestia" !

5.mandatu da Miku Jaghjer u 23/01/2009 16:26
eccu a track list...

Corsica Metalli – We Fuck France

1 - Initial Explosion
2 - My Holy Paillotte
3 - Hidden in the Maquis
4 - Behind our Masks we are so Beautiful
5 - The March of the Nationalists
6 - Furiani Valley
7 - The Sea is Blue but our Land is Bloody Red
8 - Symphony of the Island of Beauty
9 - The Power of the Dynamite
10 - We say "no" to Sarkozy's Referendum
11 - Fuck off Everybody, we are Independant in our Hearts
12 – The Silent (but not for a long time) Ship of the Tourists
13 (bonus track) - Corsica Bella (feat. I Muvrini & Tino Rossi)
14 (Japanese bonus track) - Ta gueula Francia (feat. Patrick Fiori)

pocu fake !

6.mandatu da Corsica Focu u 25/01/2009 01:27

Aghju altri tituli à pruponeli :

Farewell Angelini

Padduc now or never

Vamos à Playa Baya

Sea sex and Droga

Brothers in arme





7.mandatu da Flash Gordon u 25/01/2009 21:33
Hè una macagna di Corsi o una chjachjera di Pinzuti ?
Pare che tuttu sia fattu à l'urdinatore

8.mandatu da ghjacumu terzu u 27/01/2009 14:51
iè hè un bellu "fake" fattu da pinzuti, ma face ride quantunque.

ma eccu un esempiu di musica à seguità !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta