Accueil
Envoyer à un ami
Version imprimable
Partager

Tonton 1, Lolo 0

Tuttu u mondu u pensava mortu, Tonton Simon hè di ritornu. Femu u puntu nant'à a situazione in Aiacciu.



Tonton 1, Lolo 0
L'ultima elezzione municipale in Bastia avia attiratu tutti i sguardi è ùn avemu guasi micca parlatu di l'elezzione aiaccina. Casca bè, l'Aiaccini anu da turnà à vutà.

281 voti di differenza : Sia 1,18%. Hè u scartu ch'ellu ci hè statu trà Laurent Marcangeli è Simon Renucci à u segondu giru. S'hè parlatu prestu di false precure è di froda. Ma i sguardi si sò purtati dinù nant'à a lista naziunalista. Ùn ci hè statu accordu trà a lista di Renucci è quella di José Filippi è sò stati accusati d'avè fattu u ghjocu di a lista di diritta.

Aiacciu, capitale di a froda ? Durante anni è anni si parlava di Bastia cum'è "a capitale mundiale di a froda". L'Aiaccini averanu pigliatu ancu quessa à Bastia ? Di maghju scorsu Libération parlava di "procurations fantômes". 1.780 precure à u primu giru, 2.380 à u segondu. Ci n'era statu 973 à u segondu giru in u 1995, 1.357 in u 2008...

"Manœuvres frauduleuses" : In fine di cantu, i Renucci anu fattu annulà u risultatu. U tribunale amministrativu di Bastia ùn hà micca appreziatu tutte ste precure. Hà rillevatu :
- "une série de procurations avaient été rédigées de la même main"
- per d'altre : "la signature différait manifestement de celle figurant sur la liste d'émargement du premier tour"
- o allora "les informations relatives à l'identité et à l'adresse de la personne donnant procuration étaient grossièrement contradictoires ou inexactes"
- per ciò chì hè di e signature : "la signature apposée lors du second tour était significativement différente de celle apposée au premier tour"
Cunclusione : "une manœuvre systématiquement organisée dans l'établissement des procurations", è si turnerà à vutà.

Ma u tribunale ùn trova culpèvule : Messu in causa, Marcangeli a si franca : "impossible, en l'état de l'instruction, de déterminer quels étaient les auteurs des manœuvres et leur bénéficiaire".

È avà ? Si turnerà in i trè mesi à vene, a data ùn hè ancu scelta. Marcangeli hà demissiunatu è hè digià in pista per una campagna nova.
Ma a manca ùn hè unita. François Casasoprana s'hè dichjaratu candidatu.

È i naziunalisti ? Marcangeli l'avia attaccati, Femu a Corsica hà fattu una cunferenza di stampa pè rispondeli.

Ma l'anu fatta senza Corsica Libera, chì di u colpu hà fattu una cunferenza per dì ch'elli parterianu à l'elezzione...

Dicenu dinù ch'elli ùn volenu sente parlà d'unione cù a diritta : "la droite certainement pas, puisque c'est celle qui nous combat et qui refuse toutes avancées de statut pour la Corse. Da leghje nant'à Corsica Infurmazione

Per a tontonista Maria Giudicelli, "les leçons ont été tirées" : "au regard des conditions très difficiles dans lesquelles se sont déroulées les négociations, nous n'aurions aucune peine aujourd'hui à réaliser ce rassemblement".

Ma per avà, a manca hè divisa è i naziunalisti dinù. Tuttu què cù e territuriali di u 2015 chìanu da vene subbitu dopu. Marcangeli ellu hà persu à Marcel Francisci chì hà da chì fà cù i so prublemi di ghjustizia.

A campagna hà da esse longa...

u 28 d'Utrovi 2014



1.mandatu da estrimei u 29/10/2014 08:48
"tonton "=1 Lolo=0 " ?
a mè mi pare chi ciò chi averia dà cunturbacci hè ch'ellu si cunsidereghja un ' elezione cume una pertita di ballò.
hè vera chi u sistema elletturale hè statu calculatu per stringhje a vuluntai demucràtica , ma quand'ellu s'arrubba a un ' elezzione si torce u collu a u vullè di l'elettori e mi pare chi di quessa l'administrazione ghjudiziaria ,cum'elli dicenu in Bastia , si ne impippa .
e u peghju hè chi noi simu custì a sciaccamanà per u culore di a banda ch'avemu sceltu scurdenduci che no ci pilgiemu a calci in culu ...
"Lolo" o "Tonton " ,vistu da qui , mi pare ch'elli sienu di listessu sistema

2.mandatu da ubabbu u 03/11/2014 05:55
Ci sarà pensu un'elezzione difficiule sopratuttu per l'aiaccini. Eiu votu da sempre naziunalistu, quandu sente parlà d'unione trà "noi" è a manca cumunista è ghjacubina mi ghjaccia u sangue.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta