Accueil
Envoyer à un ami
Version imprimable
Partager

Tradizioni di u Ghjovi Santu

Oghje, Ghjovi Santu, hè un mumentu forte di a celebrazione di a Settimana Santa. Perchè u ghjovi hè u ghjornu di e serate "années 80" à u Connor's ? Ma nò...



Tradizioni di u Ghjovi Santu
N'avemu digià parlatu, a celebrazione di Pasqua hè principiata cun a dumenica di e palme.

U Ghjovi Santu currisponde à u mumentu induve Ghjesù Cristu pigliò u so ultimu ripastu cù i so discipli.

A tradizione vole chì in memoria di st'ultimu ripastu si manghji a cena domini, vale à dì una suppa di paste è ceci.

Infine hè u mumentu induve si visitanu i sepolcri, chì sò stati preparati in tutte e chjese : in francese reposoir, hè un Cristu in croce, vicinu à l'altare, decuratu cun fiori è candele. Ci vole à visitane un numeru sparu (impair).

Eccu, dopu solu, puderete andà à u Connor's. Ma attenti ch'ellu ci vole à esse in gamba pè a viacruci di u venneri santu !

u 20 di Marzu 2008
u webmaestru



1.mandatu da estrimei u 20/03/2008 13:44
a Cena Domine arricorda l'ultima cena fatta dàGjhesu 'ncu i s'apostuli,he una cena di festa.
in certi lochi si manghjanu paste e ceci (es:in Corti),ma in altri lochi si manghjanu altre cose

2.mandatu da Panzo u 20/03/2008 15:48
Megliu un pranzu cupiosu cumu a suppa di pasta è ceci, perchè u lindumane ci vole sta quasi dighjunu cumè disgraziati e cuntentassi di un pezzu di baccala bullitu...

3.mandatu da curtinese20 u 20/03/2008 17:10
in Corti a prucessione si face u Ghjovi Santu è ghjè magnifica

4.mandatu da Mazzone u 20/03/2008 17:20
Attenti ! Sta sera andate puru à u Connor's s'ella vi pare ma statevine à l'acqua, ch'osinnò sarete casticati cum'è gattivi sughjetti di a santa rilighjone cristiana, catolica, apustolica è rumana chè vo site !

5.mandatu da edmilson u 20/03/2008 17:31
ùn hè micca ch'o sia pretinu, ma u cristianisimu face 2.000 anni ch'ellu hè presente in Corsica è entre per assai, ch'è no a voglimu o nò, in l'identità corsa. ancu s'ellu ùn si crede micca, e feste religiose sò feste suciale.

allora ancu so ùn so micca un bonu cristianu, manifesteraghju venneri sera, più pè cultura ch'è pè fede.

JESUS LOVES YOU !

6.mandatu da GWM u 20/03/2008 18:16
iè ! tutti à a manif di venneri sera ! i slogans i cunniscite, è in ogni casu ci serà un prete incù u megaffonu.
e per una volta, fate un sforzu, ùn surtite micca quella sera.

7.mandatu da u WBM u 20/03/2008 18:46
quelli chì ùn sò micca cuntenti, ch'elli vaghinu à fassi u so blog.

8.mandatu da in cauda venenum u 20/03/2008 18:54
Quellu chi pensa e parla corsu un po esse staccatu di a religione cristiana postu chi a vita e tutti i fatti culturali di i nostri anziani eranu appicicati a e feste di a nostra chjesa da capu d'annu a u 31 dicembre. In CORSICA u prufanu e u sacru so sempre stati intricciati u rispettu di a religione he sempre statu presente in ogni famiglie. A chjesa ci accumpagna da a nostra nascita a l'ultimu soffiu . In stu tempu pasquale chi ci ramenta a speranza di l'omu cu a resurezzione di u cristu pudemu spera dinu chi u nostru populu pudesse ripiglia fiadu pe l'avenne di a nostra santa corsica messa sott'a prutezzione di MARIA. A cena di u ghjovi santu ci po serve d'esempiu pe quelli c'un sanu piu cio ch'ellu vole di spartera pe quelli c'un anu piu che orgogliu mal piazzatu pe quelli c'un rispettenu piu nunda . BONE FESTE DI PASQUA A TUTTI

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta