Seranu veramente finiti i tempi sebbiati di u BTP ? L'epica piena di felicità induve i permessi di custruisce piuvianu à riocchi ?
Sabbatu i prufessiunali di u settore anu manifestatu in Aiacciu pè prutestà contr'à l'annulazione di u PLU.
Hè vera chì durante anni è anni, s'hè custruitu à buzeffu. Da per tuttu in Corsica, ma assai in ciò chì si chjama avà "L'Extrême Sud".
Case di lussu pè ricconi, residenze segundarie, "mitage" è "étalement urbain" anarchicu, scempi architetturali nant'à u mare, terre agrìcule sacrificate, spazii rimarchèvuli arruvinati... eccu u prugrammu di st'ultimi anni.
Portivechju era l'esempiu di a famosa "ecunumia residenziale" chì ci anu vindutu à un mumentu datu. U turisimu è a cunsumazione eranu preferiti piuttostu chè a pruduzzione. Avemu vistu u risultatu.
Cunniscite i sciffri : trà 60 è 70% di residenze segundarie in certe cummune di u liturale, ghjente chì compra in magiorità d'altrò, speculazione, eccetera...
È oghje, à forza d'avè custruitu, ci sò assai troppu allogi vioti.
À a manifestazione in Aiacciu si pudia leghje "Portivechju sinistrée".
Iè, hè vera, Portivechju hè arruvinata da quelli chì l'anu fatta cusì. È in più di u scempiu visuale è architetturale, avà vene u tempu di u scempiu economicu. Avemu da pagà u fattu d'avè messu tuttu nant'à l'immubiliare, u turisimu è u BTP, è nunda nant'à un'ecunumia di pruduzzione.
Allora vi prupunimu di truvà un slogan per a prussima manifestazione :
"Libertà pè i nostri parpaings"
"Machja assassina !"
"Simu di stu paese, ci vulemu bettunizà !"
"Les pagliaghji ça suffit, on ne veut plus de maquis"
"Qui c'est les plus forts, les plus forts c'est les résidences s'gondaires"
"Date un lotissement à i nostri figlioli"
Sabbatu i prufessiunali di u settore anu manifestatu in Aiacciu pè prutestà contr'à l'annulazione di u PLU.
Hè vera chì durante anni è anni, s'hè custruitu à buzeffu. Da per tuttu in Corsica, ma assai in ciò chì si chjama avà "L'Extrême Sud".
Case di lussu pè ricconi, residenze segundarie, "mitage" è "étalement urbain" anarchicu, scempi architetturali nant'à u mare, terre agrìcule sacrificate, spazii rimarchèvuli arruvinati... eccu u prugrammu di st'ultimi anni.
Portivechju era l'esempiu di a famosa "ecunumia residenziale" chì ci anu vindutu à un mumentu datu. U turisimu è a cunsumazione eranu preferiti piuttostu chè a pruduzzione. Avemu vistu u risultatu.
Cunniscite i sciffri : trà 60 è 70% di residenze segundarie in certe cummune di u liturale, ghjente chì compra in magiorità d'altrò, speculazione, eccetera...
È oghje, à forza d'avè custruitu, ci sò assai troppu allogi vioti.
À a manifestazione in Aiacciu si pudia leghje "Portivechju sinistrée".
Iè, hè vera, Portivechju hè arruvinata da quelli chì l'anu fatta cusì. È in più di u scempiu visuale è architetturale, avà vene u tempu di u scempiu economicu. Avemu da pagà u fattu d'avè messu tuttu nant'à l'immubiliare, u turisimu è u BTP, è nunda nant'à un'ecunumia di pruduzzione.
Allora vi prupunimu di truvà un slogan per a prussima manifestazione :
"Libertà pè i nostri parpaings"
"Machja assassina !"
"Simu di stu paese, ci vulemu bettunizà !"
"Les pagliaghji ça suffit, on ne veut plus de maquis"
"Qui c'est les plus forts, les plus forts c'est les résidences s'gondaires"
"Date un lotissement à i nostri figlioli"
A Corsica, campione di Francia pè e residenze segundarie
