Accueil
Envoyer à un ami
Version imprimable
Partager

Truvate a bona ragione d'arrestà A Piazzetta



Truvate a bona ragione d'arrestà A Piazzetta
Precisemu chì tutte ste rimarche ci sò state fatte da veru, ùn avemu inventatu nunda.


1. "Quelli chì facenu A Piazzetta sò closce di manca" :
sò una mansa di gauchos-bobos-socialo-communistes-écolos di manca chì ùn anu micca vutatu pè Marine Le Pen, chì vergogna.
U veru Corsu deve esse naziunalistu francese.


2. "Quelli chì facenu A Piazzetta sò scrucconi di diritta" :
Sò una mansa di latri chì difendu u gran'capitale è i patroni.
Sò capitalisti chì ùn piglianu mai a difesa di i poveri è di i picculi impiegati.

3. "Quelli chì facenu A Piazzetta sò traditori anti-naziunalisti" :
Sò una mansa di sgaiuffi anti-naziunalisti, nemichi di a Patria è traditori à a Nazione Corsa.
Si pò criticà à tutti, ma micca i patriotti.

4. Quelli chì facenu A Piazzetta sò scrianzati chì anu magagnatu un omu puliticu. Quessa in Corsica ùn si face. Appena di crìtica và bè, ma ùn ci vole micca à deccunà non più. Saperete truvà u nome di stu grande omu puliticu corsu (1 metru è 80) ?

5. Quelli di A Piazzetta sò "carchi à soldi" è "ils se gavent". Hè vera chì fà un giurnale gràtisi chì sorte tutti i trè mesi raporta assai soldi è d'altronde viaghjanu tutti in Cayenne. Peccatu ch'elli sianu tutti benevulenti è chì nisunu sia pagatu.

6. Ùn ci vole micca à criticà u BTP. Nè quelli chì custruiscenu, nè i Corsi chì vendenu, nè i merri chì facenu i PLU. Di tutte e manere, "iè ma capisci, c'est bien parce que ça va créer des emplois".

u 18 di Maghju 2012
U Webmaestru



1.mandatu da Massimu u 18/05/2012 15:32
Vi site scurdati di "A piazzetta sò gattivi atei, anticlericali, anti cristiani è anti catolichi, à u serviziu di u diavulu".
Dapoi l'affare Limelette, site l'antecristu à voi soli, è falsi naziunalisti postu chì i naziunalisti sò, di manera ubligatoria è dapoi seculi è seculi, cristiani estremisti di strema dritta.

E qualchissia ùn v'hà micca trattati dinù di vitrina pubblica di a franc-maçonnerie ?

2.mandatu da aceistu u 18/05/2012 15:38
Iè seti anti-naziunalisti dapoi sempri !!!! povari patriotti !!!!! ;)

3.mandatu da MONTANA u 18/05/2012 15:55
a piazzetta dans les fours!

4.mandatu da Petru mazzulincu u 18/05/2012 16:11
Ditemi appena: e per quessa chi dapoi unepocchi di ghjorni un surtite piu articuli?

5.mandatu da pazzurgu u 18/05/2012 16:19 (da un teleffuninu)
induve he passatu u mio cumentu ?
mansa di sarkozyste socialo ecolo !!!!

6.mandatu da pazzurgu u 18/05/2012 16:35 (da un teleffuninu)
un ci vole piu scrive in corsu ... chi piu nimu capisce.

7.mandatu da dirusiu u 18/05/2012 17:20
Quelli chi facenu a piazzetta, un tenenu mancu u pastizzu a u sole...e facenu i maligni in bastia perchè hanu a paura chi i so amichi surtessinu tutti i so vechji ritratti di e so burdate di giuventù...héhéhé

8.mandatu da Fiumorbu u 18/05/2012 17:25
Un piantate micca ! Cuntinuate cusì chì tuttu ciò chì vo dite ghjè a verità ! Simu à fiancu à voi !

9.mandatu da loris u 18/05/2012 18:08
http://www.immaginisensazioni.info/lingue-culture/lingua-dialetto-corso.htm

10.mandatu da loris u 18/05/2012 18:09
http://www.immaginisensazioni.info/langues-civilisations/langue-dialecte-corse.htm

11.mandatu da Jseb u 18/05/2012 18:13
Vi mandaghju i soldi prestu prestu ;-)


12.mandatu da LECA u 18/05/2012 18:53
Per via chi n'aghju una techja di u SCB et di u football. Mà vi tengu caru.

13.mandatu da Heliofobu u 18/05/2012 19:13
Trovu chi site stati belli pazienti è tulerenti di pettu à tutt'e nerpie di stu paese di closcie... Meritate guasi medaglie per tene un colpu, anegati sott'a tutti sti missaghji di carnavali, di frustrati, di storti è di cumplessati... Tenite u colpu fratelli ! Ancu sè vo site una sterpa di frammassoni parvinuti ! :-D

14.mandatu da cucunellu arrabiatu u 18/05/2012 20:13
una bona ragione d'arrestà a piazzetta ?? "a piazzetta sò l'eredii d'un muvimentu di liberazione populare generosu è di prugressu chi vulia ricustruisce una vechja nazione è un populu per coglie u fruttu di e so radiche crucciate...un populu ch'avia bisogna à marchjà...un'idea chi oghje un esiste più..." salopards d'idéalistes !!! parlez français et allez plutot vous manger un quick au drive en audi et vous faire une ligne de coke au lieu de nous rappeler tous les jours qu'on est plus qu'une POPULATION de cloches ^^ ROOO PUTAIN !!!

15.mandatu da U Palatinu u 18/05/2012 20:31
U prublemu hè chì certi ùn capiscenu niente à a macagna, è di colpu, sò contru à a libertà di spressione.
Eiu, s'o diventu un ghjornu famosu per una raghjone o per un altra, seria assai onoratu d'esse scherzatu o caricaturatu nant'à stu situ, a vi dicu subitu.
Appruntatevvi. Eiu sò prontu.

16.mandatu da Claude E. u 18/05/2012 20:44
e limelette e di ritornu ... simu ubligati ????

a piazzetta ghje cume Claude Erignac, si po macagna senza pientà !!!

17.mandatu da Grossu panzutu u 18/05/2012 21:47
Perche cun s articuli nanti a l evuluzione francisata suldaghja e bofizata di a sucieta corsa mi caccianu u pocu di murale chi mi ferma!!

18.mandatu da Talavesu u 18/05/2012 23:33
Aio lasciateli parla,so tutti cattivi sughjetti.Forse apiazzetta avara una bella vita e una via maravigliosa.Un ci fate piu aspetta cusi l'articuli.Ciao e forza

19.mandatu da Anna di gwada u 19/05/2012 04:50
Vi ringrazui per l'incantu umuristicu di a piazzetta. Cuntinuate per noi. Un abbiate , a finezza un hé micca a prima qualita oghjeghjornu. Senza vargogna. Una vera "sarkosysta".

20.mandatu da J G u 19/05/2012 08:22
Ma s'elli arestanu a piazzetta indue l'avimu da scrive tutte e nostre rabie ?
a piazzetta hé u nostru saccu a cuntrasti preferitu , chi nimu tocchi a a piazzetta bé ! evviva a piazzetta ,

C'un te o Pa ci perdu u mo latinu si cuntentu avà o Palatinu di fati macagnà !

21.mandatu da Kim jong di papa u 19/05/2012 08:50
Evviva a Piazzetta! Ancu se vo site pruibiti in Curea...

22.mandatu da spalluzzatu u 19/05/2012 09:14
Per un stà l'ore sane nantu a Piazzetta, e andà a fà i nostri fatti!

23.mandatu da u miumese u 19/05/2012 09:57
Pè fà piacè à Milou
Pè fà piacè à Camillou
Pè fà piacè à u prefettu
Pè fà piacè à i patroni di u BTP
Pè fà piacè à tutti i carchi di soldi chì ci arrubanu a nostra terra
Pè fà piacè à Thiriez
Pè fà piacè à tutte e closcie chì dicenu chì simu u peghju populu chì abbia mai esistitu
Pè fà piacè à tutti i drugati techji di cucaina

Piantate aPiazzetta !

24.mandatu da FiGatellO de bastia u 19/05/2012 10:49
AH que bonjour à tous! Je suis un Bastiacciu.

Dunqua vuleria aghjustà calchì puntu.
Trovu chì l'articuli ùn sò più macagnosi cum'elli l'eranu di nanzu, pà a maiò parti.
Trovu chì sò sempri i listessi sughjetti : SCB, pulitica ... Ci tocca à parlà di l'Università è di u so sistema "d'élites de la Corse", cum'è a dicienu certi "prufissori". O ancu di CTC ch'ùn face nulla ! (hè pulitica quessa !)
Trovu chì mancate di rispettu pà quelli ch'ùn parlanu a nostra varietà linguistica. Parchì micca scriva un articulu in Sartinesi tandu...

Vive la Fronce !

25.mandatu da Ghjacumu u 19/05/2012 11:19
Chirac

26.mandatu da Corsicamortasi u 19/05/2012 13:56
I corsi impizutiti un capiscenu piu à macagna

27.mandatu da Populu sumerone! u 19/05/2012 14:01
Hè vera chi s'ella piantava A Piazzetta tuttu andaria per u megliu !
Un idea pe' cuntentà à tutti : fà una Piazzetta di diritta, una di manca, una nazionalista (veri è falsi), una centrista, una religiosa, una "sepziale BTP", una mafiosi, una in francese, etc.. Ognunu trovera una Piazzetta per contu soiu. Ognunu sara in armunia incu i soi !
Chì mondu maravigliosu, tuttu mondu d'acunsentu cun tutti quelli chi pensanu listesse cose!

Hè longu u caminu di a tulleranza...

Una dumanda : un pezzu ch'ùn votu più per nimu, religione ùn n'aghju mai avutu in 50 anni, aghju l'amichi arabi, cabile, berbere, boliviani, peruani (per un parlà chè di ste razzacce inferiore), è un po d'à per tuttu per u nostru mondu. Sì vi mandu un sceccu di sustenu, ùn vi la pigliate mica male? Da sicuru?
U pigliarete senza numinami ? Perche mi piaceria assai compie a mo vita senza esse impalatu, squartatu, brusgiatu per ùn esse un "Veru Corsu" cume si deve.

Longa è bella vita à tutti sti bugiardoni sbracagliati di A Piazzetta !!

28.mandatu da ghjanpa u 19/05/2012 14:12
Da lu mio paese di Rutali, da lu nostru Nebbiu,
di core sò cù voi, tenite u vostru è u nostru spiritu di magagna, per fà campà à Piazzetta.
sò quì cù voi.

29.mandatu da Duttor' Caseddu💼 u 19/05/2012 14:16
Un capiscu micca parchi u me cummentu si ritrova incu l'articulu di sta testa di c.zzu di Vendetta ?
Allora par a siconda volta: FORZA!!! Tiniti bonu !
Longa vita a A Piazzetta !

30.mandatu da José fali fallà u 19/05/2012 22:49
bona ragioni ùn ci hè tantu...A sola valevuli ghjè ch'avà ùn seti più pa u Sporting ma pà l'ACA...Iscia !!!

31.mandatu da casalonga u 20/05/2012 06:42
semu i veri pà criticà ! ùn vale à sturcinà !

32.mandatu da henry smart u 20/05/2012 10:52
Arresta serebbe una scimita . Eiu dicu cum'e l'altri "tenite forte" ma sappiate chi tutte sse critiche si spieganu perche stuzzicate u vespaghju, perche i vostri analisi so bone e facenu riflette. Un so micca sempre d'accunsentu. E allora ! Ancu di grazia ! Di volte, sta frenesia per u sporting mi fatica un pocu. E allora, ancu qui trovu chi site "populari"senza casca ind'a trappula di certi blog chi parlanu assai di ballo dinu. Di volte c'he un certu pessimisimu ! Ma avemu bisognu d'apre l'ochji dinu in Corsica . Allora un cappiate chi site diventati un puntellu Maio di a nostra sucieta. S 'he vo site criticati da tutti, allora site riesciuti. Eiu so Prontu a aiutavvi !!!
E so vo cappiate ...vi brusgieraghju nant'a piazza publica.

33.mandatu da Sempre vivu u 20/05/2012 11:37
Aio !! Aio chi a piazzetta hé una riescita ,cumu aghju da fa per cappia tantu cunnerié??
So é cappiu fora ,mi tumbanu!!

34.mandatu da un amicu u 20/05/2012 15:40
tiniti bonu che site i piu intelighjente

35.mandatu da henry smart u 20/05/2012 17:56
E po o zite, avemu bisognu di voi per e legislative !!!
Aio, chi c'he da dì !

36.mandatu da ANTO u 20/05/2012 22:12
Tènite forte simu in cu voi .A diceraghju in francèse chi tuttu u mondu capisca :"si ça geule c'est que ça fait mal et que le but est atteint ".FORZA !

37.mandatu da JOhn-Billu u 21/05/2012 13:47
Cume l'avia dettu Francis: "c'était mieux avaing".

38.mandatu da buzztanicu u 22/05/2012 22:52
un parlate mai di rock'n roll è fate fughje e donne: postu chi scrive in corsu fà cresce u pelu

39.mandatu da stumacatu u 01/06/2012 10:44
Oh, dis-donc, faut arrêter, vous disez quoi dans ste blog où qu'on comprend rien ?!!

40.mandatu da stumacatu u 01/06/2012 10:55
"Vive la Fronce !"

L'aghju intesu...

Ma aghju ancu intesu , senza ride, incu l'accentu muntagnolu di quellu chi parla pocu u francese :

"la Cosse c'est la Frasse"...

41.mandatu da stumacatu u 01/06/2012 11:00
"una (Piazzetta) nazionalista (veri è falsi)"...

Ô, ô, ô, ma che ditte qui ?!!

M'averianu piatattu qualcosa...?

42.mandatu da henry smart u 02/06/2012 01:25
o amicu si stumacatu o sí briacu ?

43.mandatu da Colonna u 22/07/2012 10:10
Eiu pensu chì à piazzeta hè bè, spiega assai articuli in corsu, si verenu cose ch'un si vere à nantu à u ghjurnale, mi piace :)

Novu cumentu :