Accueil
Envoyer à un ami
Version imprimable
Partager

Tù dinù, inventa una fubìa per ùn fà ciò chì ti dispiace

Trè anni senza pagà impositi, trè anni senza pagà pigiò. L'anzianu secretariu di statu Thomas Thévenoud s'hè ghjustificatu parlendu di "phobie administrative". Perchè micca ?



Tù dinù, inventa una fubìa per ùn fà ciò chì ti dispiace
Poveru Thomas Thévenoud. Ùn senteremu mai più parlà d'ellu è u so nome firmerà cum'è pruverbiu. U secretariu di statu u più rapidu di a quinta republica hà dunque demissiunatu, aghjustendu una cazzerola in più à a vittura di stu guvernu chì piglia una falata senza fondu.

"Phobie administrative", dunque, per ghjustificassi di e so fatture, pigiò, impositi, PV micca pagati.

Bon, perchè micca ? Hè vera ch'ellu si pò avè "fubìe" d'appena tuttu è n'importa chè. Per esempiu, u Huffington Post ci parla di ste "phobies étranges" chì anu tutte pienu di nomi strani.

Per esempiu, a " pédiophobie ", chì hè "la peur des poupées". Iè iè, di e puppàtule. " L'alektorophobie " hè a paura di i pullastri. Cunniscite forse a " nomophobie ", chì hè a paura d'esse luntanu di u so teleffuninu. Ci hè dinù " l'automysophobie ", in corsu cughjofobìa chì hè a paura d'esse bruttu è di puzzà. Bon circate puru, ci n'hè pienu cusì.

Ma n'avemu trovu parechje chì ponu ghjuvà per ghjustificavvi in a vita, ùn si sà mai.

Cusì, ci hè a parkingofobìa : Hè a paura di pagà 18€ l'ora di parking per andà à u mare in Portivechju. Ùn pagate micca, è fate chjamà u SAMU s'elli vi volenu minà per favvi pagà a vostra piazza.

L'olympiquedimarsegliofobìa : Malatia assai cunnisciuta versu Furiani e sere di scontri contr'à l'OM. U ministru di l'internu ùn ci capisce nunda. I sustenidori ùn sò micca "sistematicamente viulenti", è solu ch'elli si sò scurdati di piglià u so trattamentu contr'à l'OM. Attenti dinù à a "jugedetouchophobie" è à a "thiriezophobie" chì sò malatie vicine.

A fliccofobìa : Quessa, ùn vale a pena di favvi un dissegnu, tocca una magiurità di a pupulazione corsa.

A dighjunofobìa : Malatia rara chì paralizeghja quelli chì ne soffrenu. Ùn ponu stà à dighjunu, allora ci vole ch'elli beinu.

A Christophebarbierofobìa : Malatia chì pò favvi scimisce à a sola vista d'un tippu cù una sciarpa rossa. Attenzione, i pattoni puderanu falà in Bastia ingiru à u 15 nuvembre, in Bastia. Iè, Christophe Barbier hè annunziatu à u teatru di Bastia

Fora di quessa, ùn cridite micca quelli chì vi parlanu di fubìa di pagà a so turnata à u bancone. Ùn sò micca malati, sò ghjustu ràncichi.

u 12 di Sittembre 2014



1.mandatu da u tippu u 12/09/2014 00:19
Eiu so "préfetophobe".

2.mandatu da cosu u 12/09/2014 01:26
A fubia di a lingua francese. ùn parlate più ch'è corsu. ùn capisceranu più è si n'anderanu.

3.mandatu da fed u 12/09/2014 09:23
a parpaingofobìa : tocca assai l'amichi di u Levante

4.mandatu da mmi un colpu à beie u 12/09/2014 09:34
eu patu di a pinzutofobia
chi possu fà duttore?

5.mandatu da ficca nasu u 12/09/2014 09:39
per a mo bettunofobia m'hanu datu une pochi di bombe

6.mandatu da sardu u 12/09/2014 11:56
franciafobia...

7.mandatu da ANTO u 12/09/2014 12:10
eu so FRANCOFFOBU

8.mandatu da piluccheru u 12/09/2014 14:44
« Dire à ceux qui sont nés dans une région, qu’il faut peut-être qu’ils aillent découvrir le monde et que si l’immobilier est un peu trop cher là où on est né et bien c’est l’occasion d’aller s’installer ailleurs (…) s’enrichir et revenir au pays à ce moment là avec les moyens d’acheter »

eccu u dettu di l'amicu Barbier, andemu tutti à sciaccamanà

9.mandatu da senzabarba u 12/09/2014 14:59
http://www.edmondsimeoni.com/Barbier-L-Express-recidiviste_a225.html

fate u piacè di leghje; o merria di Bastia à cosa ghjochi ? inseme per bastia vulia mandà à barbier in tribunale è avà ?

10.mandatu da casgiu merzu u 12/09/2014 15:01
MA SITE TUTTI MALATI IN CORSICA !!!!!

11.mandatu da è cusi sia u 12/09/2014 15:11
Barbier ch'ellu dumandi à tutti st'africani, st'arabbi , sti rumanichi è altri chi risicheghjanu a so vita nant'à battellacci puzzichi per parte di i so paesi induve patenu a fame quantu case hanu custruitu , quantu solli hanu messu da cantu per pudè vultà in casa soia...........

Poveru tippu quessu, ùn sà micca cio ch'ella hè a vera vita di a più parte di a ghjente.
Face parte di a casta di " l'intouchables " di i sgiô parigini
100% pinz
100% cecu è acculturatu

12.mandatu da capicursina u 12/09/2014 15:26
ANDEMU TUTTI U 15 DI NUVEMBRE A U TEATRU DI BASTIA PER SCIACCAMANA U SGIO

BARBIER DA U PRINCIPIU A A FINE D'U SO SPETACULU


CUSI PUTERA DIGIULA ANCU DI PIU NANT'A I CORSI

MA STA VOLTA CU RAGIO

13.mandatu da sempr'azeza u 12/09/2014 15:31
ùn demu mancu un centimu à st'inculatu

sè nimu ci và , forse capiscerà

è ch'ella sia detta in prima pagina di i ghjurnali nazuinali

à a risa Barbier!!!

14.mandatu da u tipu chi parla sempri di pulitica e ch''''un va mai à vutà u 13/09/2014 12:50
Eiu socu Tuntiuofobbu, rancigonuoffobu, Hollandoffobu e peli di culu e di muzza in u bagnu dopu u bagnu ofobbu

15.mandatu da Cyril Cattana u 13/09/2014 15:27
E dopù, i cuntinentali dicenu:

"Ouais, en Keurse, perseunne payent des impôts, quoi ! Et la Keurse coute une feurtune à la France "...

sti bufali ministri ! chi risata! Quasi megliu che Tzek et Pido in i tempi !

16.mandatu da l'ultimu viaghju u 13/09/2014 19:34
U so mancu maligni st'omi di a puliticha , ava si sa tuttu ,e volenu sempre piglia u populu per conni ,chi vergogna d'esse cusi bestiu.

17.mandatu da ride anna u 15/09/2014 21:25
eo soffru di rihannafobia, andate à sapè u perchè voi ???

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta