Almenu di campà nant’à Marzu, tuttu u mondu cunosce i Goonies. Esciutu in lu 1985, u filmu di Richard Donner, d’appressu à una storia uriginale di Steven Spielberg hè diventatu una rifarenza zitellina pè parechji. Quantu sò ch’ùn anu sunniatu di parte incù Bagou, Choco, Data è Mickey à circà u tesoru di Willy u guerciu, di pettu à i terribuli Fratelli ?
Certi di i zitelli di u filmu anu fattu d’altronde una bella carriera dopu, chì cuntinuveghja oghje. Sean Astin (Mickey) hè diventatu in u 2003 u mìticu Sam Gamgee, Josh Brolin (Brand) travaglia cù ormai cù i più grandi (fratelli Coen, Ridley Scott, Woody Allen...). Solu l’immensu Choco (Jeff Cohen) cù i so passi di bouffi-bouffon, ùn hà mai più rimessu i pedi davant’à una camerà, diventatu avucatu.
Certi di i zitelli di u filmu anu fattu d’altronde una bella carriera dopu, chì cuntinuveghja oghje. Sean Astin (Mickey) hè diventatu in u 2003 u mìticu Sam Gamgee, Josh Brolin (Brand) travaglia cù ormai cù i più grandi (fratelli Coen, Ridley Scott, Woody Allen...). Solu l’immensu Choco (Jeff Cohen) cù i so passi di bouffi-bouffon, ùn hà mai più rimessu i pedi davant’à una camerà, diventatu avucatu.
Oghje, a celebrità di u filmu spunta d’un antra manera, pè via di a casa duv’ellu hè statu giratu. Situata in a cità di Astoria in l’Oregon, face l’ogettu d’un cultu da à parte di i fans è i turisti. Ogni ghjornu, sò circa 1 500 persone chì s’infrugnanu davant’à u bastimentu, cunfurtati da a pulitica turistica di u rughjone. Ma sicondu à The Hollywood Reporter, dapoi pocu, i cumpurtamenti irispettosi si sò multiplicati nant’à u situ.
Sta situazione dispiace assai à Sandi Preston, pruprietaria di a casa dapoi u 2001. A donna ùn ne pò più di ramassà ogni ghjornu mocculi di sigarette è buttiglie di biere in u so giardinu. Hà dichjaratu : « Ancu s’eiu sò felice di scuntrà nove persone, hè diventatu assai difficiule di campà quì. A ghjente stà à mezu à a strada o a via chì ci mena è ricusa di spiazzà si quandu un residente vole cullà o falà. » Pè fà piantà issi marosuli di ghjente, hà trovu a soluzione : ricopre a so casa d’una grande bascia, pè rendela invisibule à a ghjente.
Un attu chì sulleva quantunque interrugazioni, è forse insignamenti. Idea luminosa o gestu addisperatu ? A scelta d’una vita à bughju, pegnu d’una tranquilità, chì face amputtà si d’una parte di sè pè campà degnamente.
Puru i so guai ùn sò forse ancu compii chì una seguita di u filmu hè annunziata pè u 2016.
Davant’à a so casa ormai ricuperta, hà ancu messu un pannellu incù stu messagiu : « Imaginate ch’è vo cumprate una casa, ch’è vo vi ne occupate, ch’è vo spendite soldi per ella, ma dinù tempu è amore. Chì a cità d’Astoria incuragisce 100 000 personne à vene à stallà si davantu pè guardà la. Sta via vede passà 1 000 persone pè ghjornu. A maiò parte sò amabile, simpatiche è calurose, ma d’altri micca. »
Finalmente, serà una bascia a soluzione di pettu à u turisimu massiciu ?
Scuprite Tilone, a pagina di u sinemà in lingua corsa.
Un attu chì sulleva quantunque interrugazioni, è forse insignamenti. Idea luminosa o gestu addisperatu ? A scelta d’una vita à bughju, pegnu d’una tranquilità, chì face amputtà si d’una parte di sè pè campà degnamente.
Puru i so guai ùn sò forse ancu compii chì una seguita di u filmu hè annunziata pè u 2016.
Davant’à a so casa ormai ricuperta, hà ancu messu un pannellu incù stu messagiu : « Imaginate ch’è vo cumprate una casa, ch’è vo vi ne occupate, ch’è vo spendite soldi per ella, ma dinù tempu è amore. Chì a cità d’Astoria incuragisce 100 000 personne à vene à stallà si davantu pè guardà la. Sta via vede passà 1 000 persone pè ghjornu. A maiò parte sò amabile, simpatiche è calurose, ma d’altri micca. »
Finalmente, serà una bascia a soluzione di pettu à u turisimu massiciu ?
Scuprite Tilone, a pagina di u sinemà in lingua corsa.
U 2 è 3 d'aprile sò i "prestaticci", è hè normale d'avè tempacciu
