Accueil
Envoyer à un ami
Version imprimable
Partager

Turnata generale ! euh… burdata generale !

L’ùltimu locu à a moda per imbriacassi : u G8. Sapete, sta reunione trà i raprisententi di l’ottu paesi più putenti di u pianeta…



Aè, sùbitu… Vi vecu vene mirà ! Avà chì v’aghju dettu quessa, pensate di pudevvi fà un’affaccata à inturcavvi culà ancu voi ? Eh, iè, avà chì simu tutti sbaiuccati, e scìmie à l’ochju ùn si ricùsanu micca, chè ? Aiò ancu quessa ! È chì cridite ! Ùn sò ch’è i più tercani custì à èsseci invitati : capi di Stati è Ministri di l’Ecunumìa è di e Finanze. Tutti i capizzoni chì fàcenu viaghjà u mondu, i Maestri di a beata Ecunumìa.

G8: sò pochi ma sò pieni
V’arricurdate di Sarko chì rispundìa à e dumande di i giurnalisti à l’occasione di u G8 dui anni fà ? Era a so prima intervista ufficiale in tantu ch’è Presidente di a Repùbblica. Un trionfu… Dopu à un cuntrastu privatu cun Vladimir Poutine, induve ùn averanu betu solu ch’è acqua, Niccò, era affaccatu mezu ch’è zuffu davanti à i giurnalisti.

Quist’annu, hè u Ministru Giappunese di e Finanze chì s’hè prisentatu à pacchettu davant’à a stampa. Chjudendu l’ochji, tartagliulendu è circhendu, u sguardu persu, u girunalistu chì li facìa e dumande, u tippu ùn ci l'hà micca fatta à francàssila. Vultatu ind’è ellu, è di pettu à e crìtiche chì li sò falate asciutte è bagnate, s’hè scusatu dopu chì « avìa u cataru » è chì « e so medicine èranu troppu forte » ! Chì maccu !

In tempi di crisa nera, i Putenti elli pare chì i soldi per mette e turnate l’anu sempre un pocu in istacca. Ci hè o mancu un locu in u mondu chì a crisa ùn si face micca sente.

Alè, à a Salute !, u più prestu pussìbule, è per un bellu pezzu !

u 18 di Farraghju 2009
Ussamà Ben Lazezu



1.mandatu da estrimei u 18/02/2009 11:33
" L’ùltimu locu à a moda per imbriacassi : u G8."
mi a què ! avà ci seremu! perche un ci seria che u G8?
dicenu chi in Ajacciu, a u "Continental" a sborgna he un statu abituale per unu( e pochi) e chi i scagni di certi capizzoni so pieni di bivente alculisate.

2.mandatu da Antò u 19/02/2009 12:47
Chi sborgna, face cume Sarko a u G8.

3.mandatu da zampaglinu u 23/02/2009 12:30
Mighjà, u cucinu giappunesu di Camidducciu u nostru!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta