Accueil
Envoyer à un ami
Version imprimable
Partager

Tutti Obamisti !... veramente ?

L'Obamania sfila in u mondu sanu è a Corsica ùn a si franca. In qualchì mese, a Francia hè passata da l'anti-americanisimu primariu à una obamania ridìcula. Schisofrenia ?



Tutti Obamisti !... veramente ?
Chì diceria Obama di u PADDUC ? Forse ci vole à dumandà à quelli chì si chjamanu "Les Obamistes d'Ajaccio; chì anu creatu un gruppu nant'à Facebook.

Pomu impreme di i guai di a nostra isula (ùn vale a pena di fanne a lista, hè troppu longa), elli anu fattu a scelta di sustene un tippu chì ùn deve mancu sapè chì a Corsica esiste.

Ma u scoop u ci hà datu Corse-Matin l'altru ghjornu : Ange Santini, Florent Ghisolfi, Léo Battesti, Nicolas Alfonsi, Charles Capia, Gérard Romiti, Jean-Paul Poletti, Jean-Marie Poli, Emile Zuccarelli, Antoine Sindali, Camille de Rocca Serra è parechji astri averianu tutti vutatu à Barack.

Pocu pastizzu ! Ùn mancanu più ch'è Alyzée, Hubert Tempête è Pierre-Jean Luccioni.

D'accordu a so elezzione dop'à ottu anni di guvernu desastrosu di Bush apre una sperenza nova pè u pianeta sanu. U fattu chì un neru sia elettu presidente di i Stati Uniti (ma dopu à David Palmer...) rapresenta un sìmbulu assai forte è u mondu s'hè messu à sunnià d'un avvene più generosu.

Ma quantunque... U fattu chì ancu à TF1 i giurnalisti anu pigliatu partitu pè Obama, ùn vi face micca riflette ?

A più bella magagna ci vene (una volta di più...) da Francia. Hè un'inchiesta di u JDD : 80% di i francesi si dicenu pronti à vutà per un candidatu neru à a presidenziale.

Accidenti ! Poca rivuluzione in u paese induv'ellu ùn ci hè mancu un deputatu neru à l'Assemblea ! Ma si cuntinuveghja l'inchiesta è s'ampara chì pè i francesi interrugati ferma una ierarchia in e razze. 80% per un neru, ma si fala à 72% per un asiaticu è... 58% solu pè un magrebinu.

In listessu tempu, s'ampara chì Brice Hortefeux hà sceltu a cità di... Vichy per accoglie una cunferanza nant'à l'immigrazione. Ùn s'inventa nunda ! Siguramente un antru chì si riclama d'Obama...

Ah, a schisofrenia di i francesi... Un colpu si vota à Le Pen, un antru à Sarko è u so "la France on l'aime ou on la quitte", dopu si diventa anti-americanu accanitu per in fine di contu scatinassi nant'à Obama. Sin'à quandu ?

u 6 di Nuvembre 2008
Joe u funtanaghju



1.mandatu da estrimei u 06/11/2008 08:56
pensava chi a piazzetta a si francheria di sta passionuccia di l'america -nera, bianca o mischiulata- chi un ha che una prutensione: suttumette u mondu .

"Accidenti ! Poca rivuluzione in u paese induv'ellu ùn ci hè mancu un deputatu neru à l'Assemblea !
ci he una deputata chi he nera , e chi per contu meu , he forse a piu degna di sta mansa di tichjonni, he C.Tobira. Aghjusteraghju chi a Francia ha avutu G. Monnerville chi era presidente di u senatu .
a Francia accetta vulenteri, cume figlioli soi , tutti quelli d'origine strangera-pensu a i corsi , a l'arabi.... - chi so per un centralisimu prufondu.

2.mandatu da Rossperotisti sartinesi u 06/11/2008 14:34
qual'hè u rispunsevule di stu gruppu "obamisti aiaccini" annant'a Faccialibru?

3.mandatu da les clintoniens de l'alta rocca u 06/11/2008 15:18
les "obamistes ajacciens"... si c'était pas vrai, on aurait pu croire à une magagne tellement c'est énorme !!! chi vergogna

4.mandatu da Les MacCainistes Capcorsins u 06/11/2008 16:50
Vulia aghjustà dinu, chi i media francesi so statti, torna una volta, calamitosi ! Una settimana sana di prupaganda pro-Obama, alcunu dibatitu, manc'a pena di subrietà, di riflessione pulitica o di pulemica custrutiva... Emissione d'un populisimu spaventosu, invitati prugramati, tutti i cadini di u paf ("artisti", pulitichi, etc.) eranu qui a spiecaci chi Obama avia da esse u nuvellu Ghjesu Christu... Di piu, pecatu chi stu "muntonisimu" ideulogicu sia ghjuntu sin'a ind'e noi...
"Don't follow the leaders, watch the parking meters !" Cantava Dylan...
Piu che mai Bobby, piu che mai...

5.mandatu da Blaccu Bloccu u 06/11/2008 18:00
Quiddi Obamisti aiaccini sarani unipocchi di vechji è puddastroni di "droiche" muddacona in circa di un capibanda "socialo-centriste-modéré-libéral".
Hè d'avali ch'ùn stani più à senta "the times they are a changing" né "Blowing in the wind". Li garba di più I Muvrini è "Timisoara"!!


6.mandatu da reaganiste alisgianincu u 06/11/2008 19:48
o mac cainiste capicursinu, si tu regardes bien les médias étrangers, personne n'en fait des tonnes sur Obama. ùn si vede che in francia !!!!

nos voisins français auraient-ils un complexe ? in tutti i casi ci hè un prublemu !

7.mandatu da Urelianu u 06/11/2008 20:30
Ma un truvate micca chi nant'a a sta fotò Rocca Sera sumigli a un russiu?Rocca Sera a l'usu Elstine.

8.mandatu da chiraquien de la costa serena u 06/11/2008 20:39
alò o urelianu, ùn ci manca più ch'è quessa ! i puttinisti portivechjacci...

9.mandatu da Urelianu u 06/11/2008 20:55
Ghjè chi i Russi ci so dighjà in Porti Vechju? Chi ne penserà Obama di fa si una vacanza in Porti Vechju?

10.mandatu da I Sarahpalinisti di u Stremu Miridianu u 06/11/2008 23:50
U palu pà Obama ! U palu !!!

11.mandatu da piratella u 07/11/2008 12:05

Ci vole à sperà chì st'evenimentu storicu fessi cambià e cose, è ch'un ghjornu 'ss'affare di culore di pelle ùn sia mancu più da mintuvà.
Eppo da quì à quanrant'anni i bianchi seranu minuritarii in i Sati Uniti.


12.mandatu da Culomba u 07/11/2008 12:33

Avà forse i Francesi serianu capaci di fà presidente una donna araba? Chiche!
L'America hè luntana, ci manda belle maghjine "clean" di una famigliola nera distinta, integrata, pipulisevule, spezia di "Kennedy" neri, ma a puzza di a banlieue francese da nittà cù u "Karcher" hè un'antru affare, nè. Ùn mischiemu tuttu.
Obama ùn saperà chì a Corsica esiste, ma mancu a Francia si n'hà da primurà tantu. Certa hà fattu i cumplimenti nantu à u sguardu "novu" di Sarko, a so energia!! O Barack, sì bellu curtese (o piutostu i to cunsiglieri in cumunicazione) cù stu mezu nazì, da quì à pocu noi seremu trattati ancu peghju chè i Neri in America. Ogni ghjornu ci sò e Dragunate, eri dui zitelli di 2 è 5 anni anu vistu arrestà u so babbu da pulizzeri armati è in cagula, davanti à a so scola, quant'è ch'ellu fussi Benedetti un "Mesrine". Ma chì ne sà Obama...

13.mandatu da francesca u 07/11/2008 14:17

è nimu hà dumandatu à i Francesi s'elli serianu pronti à vutà per un CORSU?

A risposta iè seria statu à 0,05 % (i Corsi è ancu, micca tutti)


14.mandatu da orsufrancè u 07/11/2008 18:15
Eiu aghiù fattu un sogniu.Vi parla quessa à spressionè? ?. . . é bè aghiu pensatu anch'éiu a u presidente di a ripublica di Corsica.E vegù pè l'eletioni francese a Rachida Datti per a diritta è Harlem Desir per a manca per rimpiazzà à Sarkozy .....

15.mandatu da Piratella u 07/11/2008 19:35


Avà sà ciò chì li tocca à fà Hollande pè a prossima elezzione presidenziale s'ellu vole fà vince u PS : truvassi un bellu Neru da candidatu. Ma una, ci vulerà à truvallu, è dui, ci vulerà quantunque chì Hollande si piattessi, ch'ellu ùn si mustressi micca à cantu à u candidatu. Eccu.

16.mandatu da Ralphnaderistu niulincu u 07/11/2008 22:29
Pocu cambiamentu in America ! A c'anu fatta à eleghje un ghjoculu di Wall Street, un amicone d'Israel, a sola difarenza hè ch'ellu sia neru. Pocu affare ! Ùn era pò neru Colin Powell ? È Condoleezza Rice ? Pechè vistu u tronchjule chèi era à capu di u paese eranu elli i veri patroni.

È ùn parlemu dii nostri pulitichi : manc'unu per dì ch'ellu sustinia un Ralph Nader o u candidatu di u Partitu di a Pruibizione : Nisun spiritu di cuntradizzioni !

Ch'elli vaghinu tutti à fassi leghje per 'ssu Mississippi chì n'hà da corre acqua per u nostru Golu nanzu ch'elle cambiinu e cose ind'è noi.

Sottumissione : yes we Can !

17.mandatu da heliofobu u 07/11/2008 23:08
Incu Obama, u mondu scambia, si po ancu sunià, dumane, di un imperatore Corsu in Francia !

18.mandatu da Fafanellu u 08/11/2008 11:34
Sapeti chi c'esra un studiu nant'à Palmer/Obama ? Hà mustratu chi "24", à u so livellu, hà fattu cambià i mentalità, mustrendu sempri un prisidenti neru.
Sò cuntentu pà i tinti neri americani, chi 50 anni fà ùn pudìani mancu vutà, mà mi dispiaci assà pà i famighji, ch'ellu sia u so culori, missi fora d'indè elli da i banchi, ubligati d'andà dorma indè a so famighja, i so amichi, o in vittura, o ancu in carrughju.
Pensu à elli quandu t'ani visti chi a lotta Mc Cain/Obama si faccia a colpi di millioni di $ (più d'800M$ ghjittati, 100M$ solu pà Obama pà u mesi d'Uttrovi).
Cio chi i ciarbilloni Aiaccini, è d'altrò, ùn ani micca capitu, i bobo di a manca suldaghja, hè chi Obama ùn era mancu di manca !!
Allora ci ritruvemu cù certi baulli d'a Casa Cummuna Aiaccina ch'urganiseghjani riunioni pà sustena à Obama, omu di dritta dapò sempri !
U capitalisimu hè senza culori, a sapemu avà !
Cio chi mi faci paura, hè chi in pulitica, tuttu u mondu s'hè resu contu chi a ghjenti era baulla, dunqua fanni come à u pallò : fanni solu 2 squatri !
Hè come a ghjenti hè baulla, faci a scelta d'una o di l'altra, è dopu piglia una piccula bandera in manu pà mughjà "Obamaaaaaa !" o "Mac Cain !!!".
Demucrati/Republicani, PS/UMP, i rossi contru à i turchini...hè povaru u dibattitu ! A dritta contru à strema drittra...u capitalisimu contru à u capitalisimu. Ùn c'hè micca a piazza pà d'altri idei, d'altri soluzzioni.
A ghjenti pensa come i zitelli, è i vulpacci di a pulitica l'ani capita bè : tuttu hè fattu pà chjamà à i so sintimi zittilini, a paura, u sperà, a culpabilità...sò i so sintimi chi oghji portani u nostru votu, a nostra "riflezzioni pulitica" !
Un ghjornu, i tinti è i disgraziatu t'ani da svighjàsi, è stirpà l'eletti, i patroni, a pulizza è tutti quelli chi pensani chi ind'un sistema ci voli à avè i maestri d'un latu, è i schjavi d'un altru...u capitalisimu hè u culunialismu : mittimu lu fora !!!

19.mandatu da marcellu u 22/11/2008 19:19
A televisiò è tutti i ghjurnali ci dicenu chì l'ellezzione di u presidente americanu hà passiunatu i Francesi è ancu di più u populu Corsu. Micca stunente, basta à fidighjà a nostra bandera : TESTA MORA = TESTA OBAMA.
Ci vulerebbe forse à circà a parentia...
Basta a macagna ! L' Americani anu quantuque datu una lezziò di vita à u mondu sanu.

Novu cumentu :