Accueil
Envoyer à un ami
Version imprimable
Partager

Tutti Ribelli, Tutti Pirati!

A cridiamu landana l'epica di i Pirati. Pensavamu ch'elli ùn esistianu più à l'infora d'Hollywood è di qualchì scornu di mare di punta à a Sumalia. Eccu li quì! Tornanu i barbareschi...



Tutti Ribelli, Tutti Pirati!
U Piratu hè un banditu d'onore

À dilla franca è senza munta mi a sega, ci avia pensatu ancu eiu di cullà nantu à un battillone è di rapinà a banda di ricconi chì si scialanu annantu. Ci saria andatu appena à l'usu Robin Wood o Bellacoscia, u banditu d'onore. St'arrubbecciu, ghjè appena cum'è David contr'à Goliath. U zodiac contr'à u yacht! À u pianu murale, ùn ci averebbe avutu nisun rimorsu. Scruccà un disgraziatu què pò ùn si face micca. Mi dicerete chì ùn si face micca sopratuttu perchè ci serà pocu affare da arrubbà li... Ma di serve si ind'è un tippu chì giranduleghja incù 140 000 €, cridite mi puru, ùn face male à nisunu...

U Piratu hè più malignu chè Georges Clooney

Al di là di a quistione murale, à u pianu tennicu, l'affare mi paria faciule dinù. Chì tanti Ocean 11! Chì tante cumbriccule... Un yacht, aiò, what else? Quantu ci n'hè battillucci è battilloni d'agostu? Anderete voi à ritruvà ne unu... Hè quant'è à circà un chinese in China o un Corsu in Purtivechju... Affaccà si à tavuletta incù un zodiac, fà nice d'esse gattivu, mughjà appena, scuzzulà u capitanu. È perchè micca sciaccà una capata à u patrone? L'averia fatta cun piacè, per sfucà mi! Hè cusì l'invidia... Ci purterebbe à fà n'impurta chè...

U Piratu rimpiazzerà u ribellu?

A fame hè gattiva è s'è l'idea di ghjucà mi à u piratu m'hè venuta è si n'hè fughjita in quattru è quattru ottu, certi pò, di sicuru più chjuccuti è cugliuti, a s'anu tenuta... Invece, puderebbe dà idee à d'altri. Ci hè ancu da scumette chì u mitu di u piratu puderebbe rimpiazzà nun solu a mitulugia naziunalista di u machjaghjolu disinteressatu ma dinù quella di a BDM... Tutti ribelli, tutti pirati!

u 26 d'Aostu 2008
Sbanditu



1.mandatu da Capitanu Ghjuvan' Filici u 26/08/2008 11:27
À ringraziatti o Sbanditu. Hè troppu onori par mè.

Prumettu d'aiutà a Piazzetta cù una parti di i 140 000 eurò.

2.mandatu da Fafanellu u 26/08/2008 11:29
Dighjà ampara à cunducia u to Zodiac o chauffaillon chi tù sè looool

3.mandatu da Capitanu Ghjuvan' Filici u 26/08/2008 11:33
Chì hè o Fafanellu, ùn ti piaci micca a me manera di cunducia ? Ùn l'aghju micca fatta apposta di lampatti à mari à u ritornu in Sant'Amanza, era ghjustu unu scoddu chì cumparia...

4.mandatu da Capitanu Ghjuvan' Filici u 26/08/2008 11:34
O eu ch'eru à gallu...

5.mandatu da Còsulu u 26/08/2008 12:09
U vasceddu hè statu "arraisonné" ...( rendu à la raison ? ) E cusi sia !!

EVVIVA u BLACK PEARL !!
EVVIVA BLACK-JACK SPARROW !!

I veli ingunfiani ò sgiò Giorgi ! U nautismu si devi sviluppà ? Tè piddati quissa !!

6.mandatu da Black Block u 26/08/2008 12:24
Aiò !! Veni mali ò ghjenti, chi c'era u ministru Barnier arimani. In più a lampatu l'idea di "les petits bateaux bleus" parvìa di i nosci piscadori ch'ùn la faccini più à stintassi un bucconu .
A parata ghjè ch'iddi fessini "les éco-environementalistes" di u mari, e à tempu à pulizìa di tuttu u mudizzu ch'iddi ghjunghjini i "yachmen"!

Moi je leur propose un recyclage dans la "FLIBUSTE" !!
OUI ! Des flibustiers au lieu d'êgoutiers !

7.mandatu da Sbanditu u 26/08/2008 12:42
O Capità, aviamu cunvenutu di sparte ci i soldi! Metà metà...

8.mandatu da Fafanellu u 26/08/2008 14:29
loool Capitanu u mè cummentu ùn era micca pà tè, chi sò sicuru chi conduci bè, mà pà Sbanditu chi una volta m'hà lampatu fora girendu come un scemu cù u so Zodiac looool

9.mandatu da Fafanellu u 26/08/2008 14:33
Black Block : eiu sò pà fà una sezzioni corsa Black Block pà pudè mustrà chi ancu noi pudemu fà trimulà i forzi d'uccupazzioni ! A femu insemi sta sezzioni ? lollu

10.mandatu da Sbanditu u 26/08/2008 14:36
Cristu santu! Ùn l'avia mancu fatta à annigà ti quellu ghjornu... Eppuru mi paria cusì faciule. Certi sò più aggalabati chè mè...

11.mandatu da estrimei u 26/08/2008 15:07
u prussim'attaccu ha da esse contru a i batelli chi vannu da Portische a Scandullà ?

12.mandatu da Capitanu Ghjuvan' Filici u 26/08/2008 18:27
O Fafanellu, a pudiu piddà par mè parchì eu dinò socu un veru "chaufaillon"... È cù un Zodiac ùn ni parlemu ! Ma quandu navigaiu eu t'aviamu i veli è i rema...

13.mandatu da Capitanu Ghjuvan' Filici u 26/08/2008 18:28
È po' eri à bordu ancu tù arimani, nò ?

14.mandatu da Fafanellu u 26/08/2008 18:31
Avà ! eiu ùn possu pighjà u batellu senza Mercalm, allora marchju annant'à l'acqua hè meghju ;)

15.mandatu da Black Block u 26/08/2008 19:25
A sà o Fafanellu chi i "sezzioni" comu tu dici si facini par affinità e incu u funziunamenti orizzuntali (vol' dì senza capimàchja com'iddu si faci pà 'ssi francia à modu piramidali ).
Sàpia chi faciu parti dighjà di un Bloccu tremendu e chi l'affinità l'aghju incu uni pochi di dunzelli arrabbiati ,stérichi ma frìgidi. Avemu dighjà à noscia TAZ ( Zona Autonoma Temporària ) vicinu à Sperone presa cinqui mesa fà.
Ùn aspittemu più ch'à tè mi ò Fanfané !!

16.mandatu da senza casa u 27/08/2008 00:23
in fatti , o ghjente, ùn là sapeti micca, mà sopra a i "yatch" c' hè un cuntadore, cume ind'è i "casino" e, c'hè scrittu : " oghe ind'è u nostru cufone avemu 130.00 euro" ...cusi i nostri ladri ponu andà a arrubba i batelli...

17.mandatu da Fafanellu u 28/08/2008 08:58
Black Block a socu, è mi piaci assà u funzionamenti urizuntali ("autogestion") dunqua v'aghju da raghjunghja da qui à pocu o ghjenti :p
PS : chi bella squatra t'aveti voi !
PPS : Anch'eiu t'aghju una TAZ mà ci stocu eiu è basta (i mè catuchji) :p


18.mandatu da piratella u 05/09/2008 20:54

Quellu chì capita issu scrucconu di Ghjuvan Felice, ch'ellu mi privenghi subitu subitu, aspettu sempre a mo paca per avè fattu l'appanime!

19.mandatu da Black Block u 06/09/2008 09:31
Una l'avarìa vistu in traccia di fà u "stop" annantu a RN 193 incù un baullu tamantu: vulia fassi purtà versu di a "Cuppulata" vicinu à Veru, a tana di i pirati !

Novu cumentu :